რიჩარდ ოზე
2008 წლის მაისში, ხელისუფლებაში დაბრუნების შემდეგ თავის პირველ ინტერვიუში ”ფიგაროსთან” სილვიო ბრელუსკონი საერთაშორისო კრიზისის მრავალ საკითხს შეეხო და ნიკოლა სარკოზისთან, რომელსაც რომში უმასპინძლებს, თავისი ურთიერთობა გაიხსენა. საფრანგეთის დელეგაციაში სახელმწიფო მეთაურთან ერთად, პრემიერ-მინისტრი და შვიდი მინისტრი შედის. სამიტის შემდეგ, ნიკოლა სარკოზი და ქრისტინე ალბანელი ვილა მედიჩის დირექტორის - ფედერიკ მიტარანის სტუმრები იქნებიან.
წელს G-8-ს თქვენ უკვე მესამედ თავმჯდომარეობთ…
ამით იმის თქმა გსურთ, რომ უკვე დავბერდი? ეს მართალია. G-8-ს 1994 და 2001 წელს ვთავმჯდომარეობდი. წელს ისევ ვუხელმძღვანელებ. ჩემამდე, ამის გაკეთება ვერავინ მოახერხა. მიტერანმა და კოლმა მას მხოლოდ ორ-ორჯერ უხელმძღვანელეს. ამ რთულსა და საიდუმლოებით მოცულ სამყაროში ეს დიდი პასუხისმგებლობაა.
რა იქნება G8-ს მიზნები თქვენი პრეზიდენტობის დროს?
იმდენად ბევრი საკითხია, პრიორიტეტს ვერავინ გამოყოფს: ფინანსური კრიზისის თემა, რუსეთის ფედერაციასთან დაკავშირებული საკითხები, კონფლიქტი ახლო აღმოსავლეთში, ავღანეთსა და ერაყში სტაბილიზაციის საკითხები, ბირთვული პროგრამის ესკალაცია ირანში, დარფურის კრიზისი, შიმშილი, სიღარიბე და კლიმატური პირობების შეცვლა, რომელიც ათასწლეულის მიზნებს დარტყმის ქვეშ აყენებს. შეგვიძლია გავყვეთ: ეკონომიკის გლობალური მართვა, საერთაშორისო ფინანსური ინსტიტუციების ახალი არქიტექტურა, მომავალი წელს კოპენჰაგენის სამიტი, რომელიც კლიმატურ საკითხებს მიეძღვნება, მსოფლიოს ლიდერებს შორის შუამავლობა. ყველაფერი ეს, G8-ს იერისა და მომავალი სტრუქტურის გააზრების საშუალებას იძლევა.
როგორი სახით? მისი გაფართოებით?
იტალიას სურს, G8 უფრო წარმომადგენლობითი და იმავდროულად, კონკრეტულ ქმედებებში უფრო ეფექტური იყოს. იმისთვის, რომ წარმომადგენლობითი გახდეს მსოფლიოში, რომელიც სწრაფ გადაფასებას განიცდის, ის ახლად გამოჩენილი ეკონომიკებისთვის გახსნილი უნდა იყოს და მსოფლიოს ღარიბ ქვეყნებთან მუდმივ დიალოგს აწარმოებდეს, აგრეთვე უფრო სტუქტურირებული და სტაბილურ თანამშრომლობას სთავაზობდეს G5-ის ქვეყნებს (ჩინეთს, ინდოეთს, ბრაზილიას, მექსიკას და სამხრეთ აფრიკას), ისევე როგორც ეგვიპტეს, არაბული, მუსულმანური და აფრიკული სამყაროს წარმომადგენლებს. სპეციფიკური ქვეყნების ჯგუფებს შორის კონფრონტაცია რთულია, მაგალითად აფრიკის ქვეყნებს შორის, ”ცვალებადი გეომეტრიის” პრინციპის მიხედვით. საქმე დემოკრატიის საერთაშორისო მართვას ეხება. ორგანიზაციის მხრივ ეს ადვილი საქმე არ არის, თუმცა მე დარწმუნებული ვარ, რომ ჩვენ ამას მივაღწევთ.
როგორ აფასებთ საფრანგეთის პრეზიდენტის, ნიკოლა სარკოზის მოღვაწეობას ევროკავშირის თავმჯდომარის რანგში?
საფრანგეთის სახელმწიფოს მეთაურმა ამ სემესტრში თავი ჭკვიან და გაბედულ ადამიანად წარმოგვიდგინა. ის ევროკავშირის ძლიერი და გავლენიანი ხელმძღვანელი იყო. ჩვენ აქტიურად ვთანამშრომლობდით და ხშირ შემთხვევაში იტალიის მხარდაჭერას გადამწყვეტი მნიშვნელობაც ჰქონდა. მისი პრეზიდენტობის დროს საფრანგეთს კლიმატის შეთანხმების საკითხები უნდა ემართა, წინ აღდგომოდა ფინანსურ კრიზისს, ხელი შეეწყო რუსეთსა და საქართველოს შორის კონფლიქტის მოგვარებისთვის, გაზის კრიზისის დაცხრომისათვის. ყველა ამ საკითხში სარკოზის ჩვენი თანდგომის იმედი უნდა ჰქონოდა და ეს საყოველთაოდ ცნობილია. ჩვენ ერთად ვფიქრობთ უფრო ძლიერ ევროპაზე, რომელიც ლისაბონის რეფორმატორულ პროცესზე იქნება დაფუძნებული. ევროპაზე, რომელიც მის მოქალაქეებთან ახლოს იქნება, უფრო დემოკრატიულიც იქნება და კიდევ უფრო გაძლიერდება საერთაშორისო სცენაზე.
თქვენ ჯორჯ ბუშის ახლო მეგობარი იყავით. როგორ აფასებთ ბარაკ ობამას და რას ელოდებით მისგან?
შეუძლებელია იმის შედარება რაც იყო და რაც მომავალში იქნება. ჯორჯ ბუშის პრეზიდენტობის შეფასება ჩემი საქმე არ არის. ამას თავად ისტორია გააკეთებს. ის მეგობარი და ადამიანია, რომელსაც ვაფასებდი. მას მისი ქვეყნისთვის ყველაზე ტრაგიკულ მომენტში უნდა ეხელმძღვანელა, 11 სექტემბრის თავდასხმას შებრძოლებოდა, რაც პერლ ჰარბორის შემდეგ ამერიკის წინააღმდეგ პირველი ასეთი მასშტაბური თავდასხმა იყო. ის ჩემთვის ყოველთვის სანდო ადამიანი გახლდათ, მისი”დიახ” ყოველთვის იყო ”დიახ,” ხოლო ”არა” - ყოველთვის ”არა.” ბარაკ ობამასთან პატივისცემაზე, ნდობასა და თანამშრომლობაზე დამყარებულ ურთიერთობებს ვიწყებ. ჩვენი პირველი შეხვედრიდან მივხვდი, რომ ხასიათის ბევრი საერთო თვისება გვაკავშირებს. ის კონკრეტული და პოზიტიური ლიდერია, ღრმად სწავლობს საკითხებს, კარგად იცნობს საერთაშორისო პოლიტიკის მოცემულობებს, რომლითაც საქმეების განსჯა შეუძლია. ჩვენ დიდი იმედი გვაკავშირებს, რაც კრიზისის დროს აუცილებელი პირობაა. ობამა ამერიკელებსა და მსოფლიოს ნდობას უნერგავს, რაზეც მეტყველებს კიდეც, მისი პირველი ნაბიჯები გადადგმული როგორც რუსეთის ფედერაციის, ასევე ისლამური სამყაროს მიმართ.
საფრანგეთი და იტალია ლიბანსა და ავღანეთში სამხედრო ნაწილებით არიან წარმოდგენილნი. ამ საერთო წარმომადგენლობას ზღვარი აქვს თუ არა?
ორი ქვეყანის თანამშრომლობა ლიბანში, სადაც იტალიას 2300 სამხედრო მოსამსახურე ჰყავს, ოპტიმალურია. ისინი მონაცვლეობით ხელმძღვანელობენ სამშვიდობო ძალებს. ჩვენ სამხედროებს დაშორებული ზონების სწრაფი კონტროლირება ევალებათ. იტალიას არასდროს უთქვამს უარი გაეფართოვებინა მისი ყოფნა სახმელეთო ოპერაციებში. სამხედრო ვალდებულებების გარდა, ჩვენ კულტურული და ჰუმანიტარული თანამშრომლობის განვითარებას ვემხრობით. საფრანგეთი და იტალია, ეგვიპტის თავმჯდომარეობით მიმდინარე დონორი ქვეყნების კონფერენციის სპონსორები არიან. ამ კონფერენციის მიზანი რეგიონში სტაბილიზაციის მიღწევაა. ფუნდამენტალიზმის წინააღმდეგ ბრძოლა ამ მიმართულებაზეც გადის. ჩვენ ვიცით, რომ სოციალური დახმარებას ამოფარებულმა ტერორისტულმა ორგანიზაციებმა, ფესვები მოსახლეობაში გაიდგეს. ინტეგრაციის მომხრეთა აგრესიის სამიზნე ზომიერი ისლამისტები არიან.
ფიქრობთ თუ არა თქვენ, რომ ევროპა ისრაელ-არაბეთის კონფლიქტის გადაწყვეტის ძიებაში სრულყოფილადაა ჩართული?
საჭიროა თუ არა ჰამასთან დისკუსიის გამართვა?
ის არ შეიძლება ერთი თანამოსაუბრე იყოს. გამოვრიცხავ დიალოგის წარმართვას ორგანიზაციასთან, რომელიც 2003 წელს, იტალიის მიერ ევროკავშირის თავმჯდომარეობის დროს, ევროპამ ტერორისტული ორგანიზაციების სიაში ჩარიცხა. როგორ შეიძლება მოლაპარაკება მათთან, ვისაც ისრაელის რუკიდან გაქრობა სურდა? ყველა დიალოგი მოწინააღმდეგის არსებობის უფლების შეცნობით იწყება. არცერთ ქვეყანას და არცერთ დემოკრატიას არ შეუძლია მოთმინებით უყუროს იმას, თუ როგორ აყრიან მის ქვეყანას და მოსახლეობას რაკეტებს განუწყვეტლივ.
იტალია დაგვიანებით ჩაერთო ტურინ-ლიონის დამაკავშირებელი სარკინიგზო ხაზის მშენებლობაში, რომელმაც პოს დაბლობი ორ ნაწილად უნდა გაყოს. შეიძლება თუ არა ეს გზა 2011 წლისთვის გაიხსნას, როგორც ეს წინასწარ იყო ნავარაუდევი?
ამ საკითხზე ჩვენს მთავრობაში სრული თანხმობა სუფევს. მაშასადამე, ტურინ-ლიონის რკინიგზა აშენდება. ჩვენ სამუშაოების დაჩქარებას ველით. ამ ინფრასტრუქტურის განვითარება ჩვენი სტრატეგიული პრიორიტეტია. Click Here to Read More..
