ფელიქს ფლორესი
22 თებერვალი 2009
საქართველოს ლიდერი ბარსელონაში ინვესტიციების მოზიდვას ცდილობს და სამხრეთ ოსეთისა და აფხაზეთის დაბრუნებისთვის ”უკეთეს დროს” ელოდება.
ქარიზმატული მიხეილ სააკაშვილი, პრეზიდენტი, რომელმაც საქართველოს ტერიტორიის მესამედი რუსეთთან ომის დროს ზაფხულში დაკარგა, ბარსელონაში ინვესტიციების მოზიდვას ცდილობს. მას დიდი ეკონომიკური გეგმები აქვს და უბრალოდ ”უკეთეს დროს” ელოდება, რომ აფხაზეთი და სამხრეთ ოსეთი დაიბრუნოს. მისი თქმით ”რუსეთს საქართველოზე გაცილებით სერიოზული ეკონომიკური და ინსტიტუციონალური კრიზისი აქვს.”
აფხაზეთი და სამხრეთ ოსეთი ოცი, ოცდაათი წლის განმავლობაში ჩრდილოეთ კვიპროსის მსგავსად უნდა იყოს?
შესაძლებელია, თუკი მსოფლიოში და რუსეთში სიტუაცია არ შეიცვლება. 2006 წელს პუტინმა თქვა, რომ ჩვენ კვიპროსად გვაქცევდა, რადგან ჩვენი ნატოსკენ სწრაფვა არ მოსწონდა. მაგრამ საქმე ის არის, რომ თუკი იგი ჩვენთან ჩრდილოეთ კვიპროსს შექმნის, იგივეს გააკეთებს სხვაგან უკრაინაში, ბალტიის ქვეყნებში, ცენტრალურ აზიაში... არ ვფიქობ, რომ მსოფლიოს სიმშვიდის საფუძველი აქვს
ბრიტანეთის პარლამენტის ინფორმაციით, ბუშის ადმინისტრაცია თქვენ ”არასწორ სიგნალებს” გიგზავნიდათ, რომლებმაც გაფიქრებინათ, რომ სამხრეთ ოსეთზე შეტევის შემთხვევაში მისი მხარდაჭერა გექნებოდათ...
ლორდთა პალატის ანგარიშზე გავლენა ბრიტანულმა პრესამ მოახდინა, რომლის წარმომადგენლებიც რუსეთთან კორუფციულ ბიზნესში არიან ჩართულები.
სხვებიც იგივეს ამბობენ. ვინ მოგცათ გარანტიები დიკ ჩეინიმ, ჯონ მაკკეინმა?
დიკ ჩეინის შეხვდრის დროსაც კი გაუჭირდა რაიმე რჩევის მოცემა. ეს ყველაფერი შეთქმულებაა. ასეთი შეშლილებიც არ ვართ.
აღიარებთ შეცდომებს?
შესაძლოა, ჩვენ უფრო მეტი უნდა გვემუშავა ჩვენს დასავლელ მოკავშირეებთან, მაგრამ არ მგონია, რომ ისინი დახმარებას შეძლებდნენ.
ევროკავშირში და ნატოში გაწევრიანების ამბიციები ახლა უკვე შორსაა?
არა, ჩვენ ახლა უფრო ახლოს ვართ ევროკავშირთან. დაიბადა ”პარტნიორობის” ახალი იდეა, რომელსაც ხელი მარტში პრაღაში მოეწერება. რაც შეეხება ნატოს, არაფერი შეცვლილა, თუ არ ჩავთვლით ამერიკის ახალ ადმინისტრაციას, რომელსაც წინ ბევრი ამოცანა აქვს. მე მიუნჰენში ჯო ბაიდენს ვესაუბრე, რომელმაც ერთ მილიონიანი დახმარების პაკეტზე მხარდაჭერა აღგვითქვა. მე ასევე ტელეფონით ობამასაც ვესაუბრე, რომელმაც ომის დროს მხარი დაგვიჭირა.
როგორი გავლენა იქონია ომმა ინვესტიციებზე საქართველოში?
სიტუაცია დაძრულია. არსებობს პროგნოზი 2%-იან ეკონომიკურ ზრდაზე, იმ დროს როდესაც რუსეთში, უკრაინასა და ლატვიაში უარყოფითი მაჩვენებელია...
მაგრამ თქვენი მოსახლეობა ოთხ მილიონზე ოდნავ მეტია და აქედან მილიონი სიღარიბის ზღვარს მიღმაა
დიახ, მაგრამ როდესაც მე პრეზიდენტი გავხდი ასეთი მოსახლეობის ნახევარი იყო... საქართველოდან კატალონიაში დამნაშავეების ექსპორტი ხდებოდა, ახლა ჩვენ პოლიციასთან მჭიდროდ ვთანამშრომლობთ. საქართველოში ორგანიზებული დანაშაული აღარ არის!
ოპოზიციამ ომის შემდეგ დრო მოგცათ. დღეს 30-მდე პარტია და არასამთავრობო ორგანიზაციები გადადგომისკენ მოგიწოდებენ
დიახ, მაგრამ არცერთი მათგანი პარლამენტში არ არის.
ორიგინალი
No comments:
Post a Comment