23 ნოემბერი 2008
წამყვანმა ოპოზიციურმა ლიდერმა საქართველოში ახალი პარტია ოფიციალურად შექმნა და მიხეილ სააკაშვილის მმართველობას გამოწვევა გაუგზავნა.
პარლამენტის ყოფილმა სპიკერმა ნინო ბურჯანაძემ, ერთ დროს პრეზიდენტთან დაახლობულმა პირმა, მისი პარტია "დემოკრატიული მოძრაობა – ერთიანი საქართველო" კვირას, თბილისში, დამფუძნებელ კრებაზე შექმნა, რომელსაც
2 000-ზე მეტი მხარდამჭერი ესწრებოდა.
გამოსვლაში ბურჯანაძემ ვადამდელ არჩევნებზე ისაუბრა, რომელიც "ხელისუფლებაში ახალ მთავრობას" მოიყვანს. მან ბატონი სააკაშვილი ასევე აგვისტოში რუსეთთან საქართველოს სამხედრო კონფლიქტში ჩაბმის გამო დაადანაშაულა, და თქვა, რომ "ნებისმიერ ცივილიზებულ სახელმწიფოში ხელისუფლება, რომელიც საკუთარ ქვეყნას ასეთ განსაცდელში ჩააგდებდა" გადადგებოდა.
ოპონენტები სააკაშვილს რუსეთის ინტერვენციის პროვოცირებაში სდებენ ბრალს, როდესაც მან სამხედრო ძალებს პრო-რუსულ რეგიონზე, სამხრეთ ოსეთზე კონტროლის აღდგენა უბრძანა. დასავლელი სამხედრო ანალიტიკოსები და სააკაშვილის კრიტიკოსები ამბობენ, რომ საქართველოს ამ დაპირისპირებაში უპირატესობის მოპოვების არანაირი შანსი არ გააჩნდა.
უფრო ადრე ბურჯანაძე ქვეყნის პრეზიდენტის მოვალეობას ასრულებდა. იგი პარლამენტის სპიკერის თანამდებობიდან გაზაფხულზე გადაგა და შემდეგ მკაცრად აკრიტიკებდა სააკაშვილის როლს საქართველო-რუსეთის კონფლიქტში.
ბურჯანაძის განცხადება საქართველოს ვარდების რევოლუციის ხუთი წლის თავს ემთხვევა. მშვიდობიანი 2003 წლის რევოლუცია საქართველოს ყოფილი პრეზიდენტის ედუარდ შევარდნაძის წინააღმდეგ აგორდა, რის შემდეგაც სააკაშვილი ხელისუფლებაში მოვიდა.
No comments:
Post a Comment