ჰელენა ბედველი
4 ოქტომბერი 2008
რუსეთის თავდაცვის მინისტრმა განაცხადა, რომ აფეთქება სეპარატისტულ სამხრეთ ოსეთში, რომელმაც შვიდი რუსი სამხედრო მოსამსახურე იმსხვერპლა, მათ შორის ერთი მაღალი ჩინის ოფიცერი, საქართველოსთან ცეცხლის შეწყვეტის ხელშეკრულების დარღვევას ისახავდა მიზნად.
მინისტრი ინციდენტს ზედმიწევნით დაგეგმილ აქციად მიიჩნევს, რომელიც მიზნად ისახვდა მედვედევ-სარკოზის სამშვიდობო გეგმის აღსრულების ჩაშლას-იუწყება შაბათს ვებ-გვერდზე გამოქვეყნებულ განცხადებაში მინისტრი. სამხრეთ ოსეთის ლიდერმა, ედუარდ კოკოითმა აფეთქების გამო ბრალი საქართველოს დასდო.
საფრანგეთის პრეზიდენტმა ნიკოლა სარკოზიმ, რომლის ქვეყანაც ამჟამად, როტაციის შესაბმისად, ევროკავშირს ხელმძღვანელობს, ხუთდღიანი ომის შემდეგ იშუამავლა რუსეთსა და საქართველოს შორის და პრეზიდენტი დიმიტრი მედვედევი ე.წ. ”ბუფერული ზონებიდან”, .საქართველოს ტერიტორიაზე ღრმად შემოჭრილი რუსული სამხედრო შენაერთების გაყვანაზე დაითანხმა.
სამხრეთ ოსეთი არ მოსთხოვს რუსეთს 10 ოქტომბრის შემდეგ სამშვიდობო ჯარების ბუფერულ ზონებში დატოვებას. სწორედ ამ დროს ისინი საერთაშორისო დამკვირვებლებმა, კერძოდ კი ევროკავშირის 200 კაციანმა პერსონალმა უნდა შეცვალოს-განაცხადა მთავრობის სპიკერმა.
”არა მგონია, ტერორისტულმა აქტმა რაიმე ზეგავლენა იქონიოს არსებულ სიტუაციაზე, არც ის მგონია, რომ სამხრეთ ოსეთის ხელისუფლებამ რუსებს ბუფერულ ზონებში დათქმულ ვადაზე დიდხანს დარჩენა მოსთხოვოს”-განაცხდა დღეს სამხრეთ ოსეთის დედაქალაქიდან, ცხინვალიდან ირსატელეფონო საუბარში ინა გაგლოევამ.
ოფიცერის მკვლელობა
გაგლოევამ გვითხრა, რომ მოკლულთაგან ერთ-ერთი, რუსი ოფიცერი ივან პეტრიკი, სამხრეთ ოსეთში გაერთიანებული სამშვიდობო შემადგენლობის ხელმძღვანელი იყო. კიდევ 7 სამხედრო მოსამსახურე დაჭრილია, განაცხადა რუსეთის თავდაცვის მინისტრმა.
რუსმა მშვიდობისმყოფელებმა გუშინ ცხინვალის მახლობელ სოფელში ორი მანქანა გააჩრეს, რომლებშიც ოთხი ადამიანი იჯდა. მათ მანქანებში ცეცხლსასროლი იარაღი და ხელის ყუმბარები იპოვეს. ერთ-ერთ მანქანას ქართული ნომრები ჰქონდა. დაკავებულებს არ ჰქონდათ დოკუმენტები. მანქანები რუსეთის სამშვიდობო ჯარების ბაზასთან გადაიყვანეს, სადაც ერთ-ერთი ჩხრეკის დროს აფეთქდა.
”ეს პირველი ტერორისტული აქტია, რომელიც ქართველებმა განახორციელეს და ის უკანასკნელი არ იქნება ”-გვითხრა გაგლოევამ.
კახა ლომაიამ, საქართველოს უშიშროების საბჭოს თავმჯდომარემ გუშინ კატეგორიულად უარყო ბრალდებები.
საქართველოს შინაგან საქმეთა მინისტრი საპირისპირო ბრალდებებით გამოვიდა და განაცხადა, რომ აფეთქება რუსული საიდუმლო სამსახურების მიერაა დადგმილი და მიზნად ისახავს ბუფერული ზონებიდან რუსული შეიარღებული ძალების გაყვანის შეფერხებას.
რუსეთსა და საქართველოს გასულ აგვისტოს სამხრეთ ოსეთის გამო ხუთდღიანი ომი ჰქონდათ. რუსეთმა სამხრეთ ოსეთისა და აფხაზეთის დამოუკიდებლობა აღიარა, რაც აშშ-მ და ევროპულ სახელმწიფოთა უმეტესობამ დაგმო. ნიკარაგუამ ასევე აღიარა რეგიონების დამოუკიდებლობა და სომალის ელჩმა რუსეთში განაცხადა, რომ მისი მთავრობა ნიკარაგუას მაგალითს მალე მიბაძავს.
No comments:
Post a Comment