CBS გამოკითხვის შედეგები: ობამას რეიტინგი ამაღლდა

27 სექტემბერი 2008

ამომრჩევლებმა ეკონომიკის საკითხებში უპირატესობა ობამას მიანიჭეს, ერაყის საკითხებში – მაკკეინს.

პირველმა საპრეზიდენტო დებატებმა თავისუფალ ამომრჩეველს კანდიდატების შესწავლის საშუალება მისცა – CBS News/Knowledge Networks-ის გამოკითხვის მონაცემებით, რომელიც დებატების დასრულებისთანავე ჩატარდა, ბარაკ ობამამ მეტი მოწონება დაიმსახურა.

ამომრჩევლებმა თქვეს, რომ ობამამ რესპუბლიკელი ჯონ მაკკეინი დაამარცხა. მათი წარმოდგენები დემოკრატებზე გაუმჯობესდა. მაგრამ მაშინ როდესაც რესპოდენტების 66%-მა გადაწყვიტა, რომ ეკონომიკის საკითხებში ობამა სწორ გადაწყვეტილებებს მიიღებს, იგივე რაოდენობის აზრით, ერაყთან მიმართებაში მაკკეინი უფრო კომპეტენტურია.

დებატების დასრულებისთანავე CBS News რეპრეზენტატიული მეთოდით დაახლოებით 500 მაყურებელი გამოკითხა. ისინი "თავისუფალი ამომრჩევლები" არიან – ანუ რესპოდენტები, რომლებსაც რჩეული ჯერ არ ჰყავთ ან ამბობენ, რომ შეიძლება შეცვალონ გადაწყვეტილება. მათგან 39%-მა განაცხადა, რომ დებატები ობამამ მოიგო, 24% - გამარჯვებულად მაკკეინს მიიჩნევს, დარჩენილი 37% კი ამბობს რომ დებატები თანაბარი ანგარიშით დასრულდა.

გამოკითხულთა დაახლოებით ნახევარი აცხადებს, რომ მათი წარმოდგენა ობამაზე უკეთესობისკენ შეიცვალა, საპირისპიროს ამბობს - მხოლოდ 8%, 46%-ს კი აზრი არ შეუცვლია.

32%-ის აზრით, მაკკეინზე მათი შეხედულებები გაუმჯობესდა, მაგრამ 21%-ის თქმით პირიქით მოხდა – დებატების შემდეგ ის კიდევ უფრო აღარ მოსწონთ, ვიდრე მანამდე.

რატომ გაუმჯობესდა ამომრჩევლების აზრი ობამაზე? ბევრი ვარაუდობს, რომ მათზე შთაბეჭდილება ობამას სიმშვიდემ, გაწონსასწორებულობამ და იმ საკითხების ცოდნამ მოახდინა, რაშიც იგი მეტად ერკვევა, და რაც ამომრჩევლებს მანამდე არ შეუმჩნევიათ. როდესაც საქმე მაკკეინს ეხება, ერთი და იგივე ამომრჩეველი აცხადებს რომ იგი "ზეწოლის ქვეშ საკუთარ თავს კარგად ვერ აკონტროლებდა", ჩანდა "გაბრაზებული და ცუდ ხასიათზე", და "გაუთავებლად წარსულზე საუბრობდა".

მეორე მხრივ, რესპოდენტები, რომლებიც მაკკეინს დებატების გამარჯვებულად მიიჩნევენ, ამბობენ, რომ რესპუბლიკელი უფრო გამოცდილია და ბევრ საკითხში უკეთ ერკვევა, კერძოდ საგარეო პოლიტიკაში; რომ მაკკეინის უნარმა წარმოადგინოს საკუთარი თავი, მათ მოლოდინს გადააჭარბა, ის "უკეთესი დებატორია" და "კარგი ორატორი".

მიუხედავად იმისა, რომ დებატების დიდი ნაწილი საგარეო პოლიტიკის საკითხებს მიეძღვნა, კანდიდატებმა ეკონომიკაზე დაახლოებით 30 წუთი ისაუბრეს – რაც ამომრჩევლების თქმით, მათი ყველაზე მნიშვნელოვანი საზრუნავია. გამოკითხულთა აზრით, ობამა ეონომიკური პრობლემების გადაწყვეტაში უპირობო გამარჯვებულია - 66% აცხადებს, რომ იგი ამ მიმართულებით სწორ გადაწყვეტილებებს მიიღებს, როდესაც ამ საკითხში კომპეტენტურად მაკკეინი - 42% მიაჩნია.

როდესაც საქმე ერაყის ომს ეხება, მაკკეინი უფრო ძლიერ კანდიდატად გამოიყურება. დებატებამდე 44%-ი თვლიდა, რომ მაკკეინი ომთან დაკავშირებით სწორ გადაწყვეტილებებს მიიღებდა, დებატების შემდეგ ეს რიცხვი – 56%-მდე გაიზარდა. უმცირესობა თვლის, რომ ობამა ერაყთან დაკავშირებით სწორად იმოქმედებს.

ორივე კანდიდატმა გარკვეული ქულები ქვეყანაზე მათი შესაბამისი ხედვების პრეზენტაციისას დააგროვეს. 65%-ს მიაჩნია, რომ ობამამ მკაფიოდ და გასაგებად ახსნა, რას გააკეთებს იგი როგორც პრეზიდენტი; ანალოგიურად მაკკეინი - 64%-მა შეაფასა.

ნაციონალურ გამოკითხვაში ყველა მონაწილემ აღნიშნა, რომ მაკკეინის ერთ-ერთ ძლიერ მხარეს წარმოადგენს შთაბეჭდილება, რომ იგი მზადაა პრეზიდენტობისთვის, მაშინ როდესაც ობამა უფრო მგრძნობიარეა ამომრჩევლების საჭიროებების მიმართ. მაგრამ მაშინ როდესაც 10 ამომრჩევლიდან 8 ფიქრობს, რომ მაკკეინი პრეზიდენტობისთვის მომზადებული კანდიდატია, 6-ს ამ 10-დან მიაჩნია რომ პრეზიდენტობისთვის ობამაც მზად არის – რაც ამ უკანასკნელისთვის მნიშვნელოვნად გაუმჯობესებული შედეგია, თუკი დებატებამდე იგივე ამომრჩევლის აზრს გავითვალისწინებთ.

გამოკითხულთა პროცენტული მაჩვენებელი, რომელიც ფიქრობს, რომ ობამას მათი პრობლემები და საჭიროებები ესმის, ასევე 21 პუნქტით გაიზარდა, როდესაც უმრავლესობა ამ მხრივ მაკკეინის სისუსტეზე აზრს არ იცვლის.

თავისუფალ რესპოდენტებში ისინიც შედიან, ვინც ერთ-ერთ კანდიდატს უპირატესობა უკვე მიანიჭა, და ისინიც - ვინც არ გამორიცხავს, რომ მომავალში აზრს შეიცვლის. დებატების გამართვამდე 36%-ის რჩეული ობამა გახლდათ, 34%-ის - მაკკეინი. დებატების შემდეგ დემოკრატების კანდიდატმა უპირატესობა 12 პუნქტით აიმაღლა – 41% - 29% ის წინააღმდეგ. მაგრამ იმ დარჩენილი რესპოდენტების 10%-დან დაახლოებით 3%, რომლებსაც ჯერ გადაწყვეტილება არ მიუღიათ, და იმათგანაც ვინც არჩევანი უკვე გააკეთა, აცხადებენ, რომ შესაძლებელია მომავალში აზრი შეიცვალონ კიდეც.

ორიგინალი