კარმელო ლოპალა
8 ოქტომბერი 2008
საქართველოში შეჭრის საკითხზე ბერლუსკონის მხრიდან მისი მეგობრის პუტინის დაცვას – ჯერ პარტიის "თავისუფლების ხალხი"-ს ზეიმზე, შემდეგ ორშაბათს საღამოს, საპარლამენტო ჯგუფთან შეხვედრაზე – საქართველოს მხრიდან დიპლომატიური ინციდენტის პროვოცირება მოჰყვა. მოულოდენელად ამ ამბის ეპიცენტრში, ოდესღაც ერთგული პაოლო გუცინატი აღმოჩნდა, რომელმაც მედიის ყურადღება ბერლუსკონის ბოლო სადაო გამონათქვამებს მიაპყრო.
ბერლუსკონიმ ჯერ კიდევ კვირას განაცხადა, რომ რუსეთის შეჭრა საქართველოში გარდაუვალი იყო: "პუტინის რეაქცია ლოგიკური იყო იმ პრეზიდენტთან მიმართებაში, რომელმაც სახელი სისხლიანი საქმეებით გაითქვა". სხვა სიტყვებით რომ ვთქვათ, ეს იყო არა საქართველოზე დარტყმა, არამედ ფაქტობრივად კანონიერი ქმედება. სხვა გამონათქვამებზე, რომლებიც გაკეთდა პარტია "თავისუფლების ხალხი"-ს საპარლამენტო ჯგუფთან თათბირზე, განრისხებულმა გუცანტიმ მოგვიყვა. "შთაბეჭდილება შემექმნა, რომ ისეთ ადამიანს ვუსმენდი, რომელიც ჰიტლერს იცავდა". და კიდევ: "მაგრამ ის რაც კიდევ უფრო ამაზრზენი იყო, გახლდათ ტონი, რომლითაც ბერლუსკონი რუსული პროპაგანდის ზღაპრებს იმეორებდა, გვიყვებოდა რა, რომ თურმე იქ შეჭრა და "ამ სადამის" შეპყრობა, ანუ სააკაშვილის - აუცილებელი იყო. მე ეს განცხადება რეალური პოლიტიკის კონტექსტში ასე გავიგე: პუტინი – ღორია, მაგრამ ჩვენ მისგან გაზს ვყიდულობთ... მაგრამ ჩემთვის გულისამრევია ერთ რიგში ვიყო "კაგებეს" მეთაურთან, რომელიც ხელისუფლების სათავეში მოექცა".
დეპუტატ-ჟურნალისტს პრემიერის ტექსტის სხვა დეტალებიც მოჰყავს: "ბუშმა დამირეკა და მითხრა: ნახე, შენმა მეგობარმა პუტინმა რა გააკეთა? ადგილობრივ არჩევნებზე მან ყველა კანდიდატი მოხსნა და ისინი თავისი ხალხით ჩაანაცვლა". "შეიძლება – თქვა ბერლუსკონიმ, - მე წავალ მოსკოვში და პუტინს ამის შესახებ ვკითხავ, პუტინი კი მიპასუხებს: "იცი რა, მათ კანდიდატებად 70 წელს მიღწეული ადამიანები წამოაყენეს, მე კი შემადგენლობის განახლება მსურდა". ბოლოს პრემიერმა თქვა: "რუსული დემოკრატია იდეალური არ არის, ტოტალიტარიზმიდან დემოკრატიაზე გადასასვლელად დროა საჭირო" – ყვება გუცანტი. თბილისის ელჩი აპროტესტებს: "ქართველებმა, და საერთაშორისო ორგანიზაციების უმრავლესობამ მშვენივრად იცის სინამდვილეში კონფლიქტი ვინ დაიწყო". სიმართლის დასადგენად და საკუთარი პრეზიდენტის ღირსების დასაცავად, საქართველო "მიუკერძოებელი საერთაშორისო საგამოძიებო კომისიის" შექმნას მოითხოვს. "თავისუფლების ხალხი"-ს პარტიამ ამას რეპლიკების ტალღით უპასუხა, სენატორი კუალიარელო, სენატორი მალანი და სხვები გაჰყვიროდნენ: "მან არასწორად გაიგო", "მან ბოდიში უნდა მოიხადოს".
No comments:
Post a Comment