ჯეიმს გრიმალდი, ქიმბერლი კინდი Washington Post
10 ოქტომბერი 2008
ვაშინგტონი - ალიასკის შტატის პარლამენტმა პარასკევს გამოძიების მასალები გამოქვეყნა, რომელთა თანახმად, გუბერნატორი სარა პეილინი ბოროტად იყნებდა თანამდებობას - ის და მისი ქმარი პეილინის დის ყოფილი ქმრის შტატის პოლიციიდან დათხოვის კამპანიას ეწეოდნენ.
გრძელ ანგარიშში, რომელიც ენქერიჯში გამოქვეყნდა, სტეფან ბრენჩფლაუერი იმაზეც მიუთითებს, რომ პეილინი თავის ქმარს, ტოდს, გებერნატორის ოფისის სახელით, პოლიციელის დევნის საშუალებას აძლევდა.
”პოლიციელის, მაიკლ ვუტენის სამსახურიდან დათხოვნის მიზნით, რაც სარა პეილინის პირად ინტერესებში შედიოდა, ალიასკის მმართველმა თავის ხელქვეითებზე ზეწოლა დაუშვა” - ნათქვამია შტატის პარლამენტის ანგარიშში. კომისიაში ორივე პარტიის წარმომადგენლები მუშაობდნენ.
რესპუბლიკელები თავის კანდიდატს იცავენ
პეილინის, რესპუბლიკელთა ვიცე-პრეზიდენტობის კანდიდატის, დამცველები აცხადებენ, რომ ანგარიში, რომელიც არჩევნებამდე ოთხი კვირით ადრე გამოქვეყნდა, პოლიტიკურად მოტივირებულია და მიზნად ისახავს სენატორი ჯონ მაკკეინისა და პეილინის რეპუტაციის შელახვას. ისინი ამბობენ, რომ პეილინის ქმედებები, რომელსაც ალასკელები ”ტრუპერგეითს” უწოდებენ, აბსოლუტურად გამართლებული იყო. ანგარიში გადაეცემა შტატის პარლამენტს, სადაც რესპუბლიკელები უმრავლესობაში არიან, შესაძლო შემდგომი გადაწყვეტილებების მისაღებად.
ბრენჩფლაუერმა განაცხდა, რომ ალიასკის ეთიკური კოდექსი არ ეთანხმება შტატის თანამშრომლების მიერ: ”საჯარო მოვალეობის შესრულებისას პირადი ინტერესებით მოტივირებული ნაბიჯების გადადგმას და მოითხოვს მათგან ინტერესთა კონფლიქტისთვის თავის არიდებას”. მან დაასახელა ის ინციდენტები, რომელთაც ადგილი ჰქონდა განსახილველი პერიოდის მანძილზე და რომელთა მიზანი ვუტის სამსახურიდან დათხოვნა იყო.
”მას საკმაო ძალაუფლება ჰქონდა იმისთვის, რომ აღეკვეთა მისტერ პეილინის კონტაქტები საკუთარ ხელქვეითებთან, მაგრამ მან ეს ვერ გააკეთა” - ნათქვამია რაპორტში.
პეილინს ბრალს სდებენ იმაში, რომ სამსახურიდან დაითხოვა საჯარო უსაფრთხოების კომისარი ვალტერ მონეგანი, მას შემდეგ, რაც მან უარი განაცხდა ვუტენის საქმის ხელახალ აღძვრაზე, თუმცა პეილინი და მისი ქმარი მასზე ზეწოლას ახორციელებდნენ.
ანგარიშში ნათქვამია: ”პეილინმა იცოდა, რომ დისციპლინარული ძიება დახურული იყო და მისი ხელახალი წარმოება არ დაიშვებოდა. მიუხედავად ამისა, მან ნება დართო თავის ქმარს, განეგრძო ზეწოლა და მოეთხოვა პოლიციელ ვუტენის სამსახურიდან დათხოვნა. ყველაფერი ეს თვეების მანძილზე საკმაოდ ინტენსიურ ხასიათს ატარებდა”.
მონეგანმა, სამსახურიდან წასვლის შემდეგ განაცხადა, რომ, რომ პეილინი და სხვები ცდილობდნენ მის იძულებას დაეთხოვნა სამსახურიდან ვუტენი.
ექვსკვრიანი გამოძიება
ბრენჩფლაუერი ბრალდებებს ექვსი კვირის მანძილზე იძიებდა. მას შემდეგ, რაც შტატის პარლამენტმა გამოძიების ჩასატარებლად აიყვანა, მან 19 მოწმე დაკითხა. მისი დასკვნის თანახმად, მონეგანი სამსახურიდან ძირითადად იმიტომ დაითხოვეს, რომ პოლიციელის გაშვებაზე უარი განაცხადა. თუმცა არსებობდა სხვა ფორმალური ფაქტორებიც: საბიუჯეტო პრობლემები და პოლიციელთა ვაკანსიები.
”ის, რომ მონეგანმა პოლიციელის, მაიკლ ვუტენის გათავისუფლებაზე უარი განაცხადა, მისი დათხოვნის ერთადერთი მიზეზი არ ყოფილა, თუმცა, როგორც ჩანს, ამ ეპიზოდმა გადამწყვეტი ფაქტორის როლი ითამაშა” - წერს ბრენჩფლაუერი. აქვეა ნათქვამი, რომ ფორმალურად გუბერნატორ პეილინს თავისი კონსტიტუციური უფლებამოსილებანი არ დაურღვევია, რადგან კანონის თანახმად, შტატის მმართველს შეუძლია დაიქირავოს და გაათავისუფლოს თანამდებობებიდან დეპარტამენტის აღმასრულებელი სტრუქტურების ხელმძღვანელები.
ბრენჩფლაუერმა აგრეთვე უარყო პეილინის ის განცხადებები, სადაც ის ამტკიცებს, რომ ვუტენის დატოვება თანამდებობაზე სახიფათო იყო. ”ასეთი განცხადებები არაკეთილსინდსიერია და მიზნად ისახავს პეილინის რეალური მოტივაციების შენიღბვას: ვუტენის დევნას პირადი მოტივებით” .
ბრენჩფლაურის ანგარიში თვის ბოლოს უნდა გამოქვეყნებულიყო, მაგრამ დემოკრატმა სენატორმა ჰოლის ფრენჩმა, გადაწყვიტა, რომ ანგარიშის გამოქვეყნება 4 ნოემბრის მიჯნაზე არასწორი იქნებოდა და პროცესი დააჩქარა.
ანგარიშის გამოქვეყნების წინ, მაკკეინისა და პეილინის საარჩევნო შტაბმა გამოძიების შედეგები დაგმეს და მონეგანის გათავისუფლებას სამსახურიდან ”კანონიერი პერსონალური გადაწყვეტილება” უწოდეს, რომელიც ”ტალახში ამოსვარეს ინსინუაციებითა და ჭორებით”
ყოფილმა კომისარმა ”შვება” იგრძნო
მონეგანმა პარასკევს განაცხადა, რომ ანგარიშმა მას ”შვება მომგვარა, რადგან დადასტურდა ჩემი ვარაუდები სამსახურიდან დათხოვნის მიზეზებზე”.
პარლამენტის კომისიამ გამოძიება ივლისში ანონიმურად დაიწყო. პეილინმა თანამშრომლობაზე თანხმობა მისცა, მაგრამ მას შემდეგ, რაც ვიცე-პრეზიდენტობის კანდიდატად დასახელდა, პოზიცია შეიცვალა, და განაცხდა, რომ გამოძიება პოლიტიკურ ხასიათს ატარებს.
პეილინმა ბრენჩფლაუერის კითხვებზე პასუხის გაცემას თავი აარიდა და პარალელური გამოძიება წამოიწყო. გამოძიებას მის მიერ დანიშნული საბჭო ატარებს. მანამდე რესპუბლიკელებმა მოითხოვეს გამოძიების შეჩერება, მაგრამ შტატის სასამართლომ ეს მოთხოვნა არ დააკმაყოფილა.
საპარლამენტო კომისიის 14-მა წევრმა შეხვედრა დახურულ კარს მიღმა პარასკევს 9:20 წუთზე დაიწყო. მათ განიხილეს დოკუმენტაცია, რომელშიც შედიოდა მონეგანისა და სხვათა ინტერვიუების ჩანაწერები. გარდა ამისა, მათ კენჭი უყარეს რაპორტის გამოქვეყნების თარიღს.
ბრენჩფლაუერმა 1000 გვერდიანი დოკუმენტაციიდან მხოლოდ 200 გვერდის გამოქვეყნება გადაწყვიტა.
ამ დოკუმენტთა უმეტესობას პერსონალური ჩანაწერები შეადგენს.
ორიგინალი
No comments:
Post a Comment