სოფიკო მეგრელიძე
5 ოქტომბერი 2008
ნადარბაზევი, საქართველო - რუსეთის შეიარაღებულმა ძალებმა კვირას, საქართველოში, ე.წ. უსაფრთხოების ზონებში, რომელთა ოკუპირება აგვისტოს ხანმოკლე, მაგრამ ინტენსიური ომის შემდეგ მოახდინეს, პოზიციების დემონტაჟი დაიწყეს - განაცხდა საქართველოს შინაგან საქმეთა სამინისტროს წარმომადგენელმა.
მომავალ პარასკევს, საფრანგეთის პრეზიდენტის შუამავლობით დადებული ხელშეკრულების თანახმად, რუსული ჯარის გაყვანის დათქმული ვადა იწურება. გასულ კვირას ევროკავშირის ასობით მეთვალყურემ რუსეთის მხრიდან შეთანხმების პირობების შესრულების მონიტორინგი დაიწყო.
ომი საქართველოსა და რუსეთს შორის აგვისტოს დასაწყისში დაიწყო მას შემდეგ, რაც საქართველომ სამხრეთ ოსეთის დედაქალაქის, ცხინვალის მიმართულებით, სადაც რუსული ჯარი მშვიდობისმყოფელთა სტატუსით იყო განთავსებული, ცეცხლი გახსნა. რუსულმა შეიარაღებულმა ძალებმა, საქართველოს ტერიტორიაზე, დაახლოებით ოთხი მილის მოშორებით სამხრეთ ოსეთიდან და მეორე სეპარატისტული რეგიონიდან, აფხაზეთიდან ე.წ. უსაფრთხოების ზონები შექმნეს.
საფრანგეთის შუამავლობით დადებული შეთანხმება რუსეთს პარასკევამდე ჯარების გაყვანაში ავალდებულებს, მაგრამ რუსებმა განაცხადეს, რომ აფხაზეთისა და სამხრეთ ოსეთის ტერიტორიებზე ათასობით სამხედრო პირის დატოვებას გეგმავენ. ომის შემდეგ რუსეთმა ორივე რეგიონის დამოუკიდებლობა აღიარა, რაც დაგმო საქართველომ და დასავლეთმა. რუსეთის გარდა მხოლოდ ნიკურაგაუმ და ღაზას მთავრობამ, ჰამასმა სცნეს რეგიონების დამოუკიდებლობა.
კვირას რუსეთის ბაზაზე ნადარბაზევში, საქართველოს დედაქალაქიდან, თბილისიდან დაახლოებით 30 მილის მოშორებით, ჩრდილო-დასავლეთ მიმართულებით, რუსულმა ჯარებმა დროშა დაუშვეს. საქართველოს შინაგან საქმეთა სამინისტროს სპიკერმა შოთა უტიაშვილმა ამ პოზიციას საკომუნიკაციო ცენტრი უწოდა და განაცხდა, რომ რუსები მის დატოვებას ორშაბათისთვის სრულად აპირებენ.
უტიაშვილმა ასევე თქვა, რომ საკუნტროლო პუქტში, ალი სამხრეთ ოსეთის შემოგარენში, რუსებმა საკონტროლო პუნქტის დემონტაჟი დაიწყეს და რომ ისინი ასევე ტოვებენ კიდევ ერთ პოზიციას ზუგდიდში, აფხაზეთის სამხრეთით.
ევროკავშრის სამეთვალყურეო მისიის სპიკერმა, რომელიც ანონიმურების დაცვის პირობით ლაპარაკობდა, დაადასტურა, რომ საკონტროლო პუნქტი ალიში მოხსნილია.
”ჩვენ თვალს გავადევნებთ პროცესს დასრულებამდე, მაგრამ ეს უკვე კარგის ნიშანია” -განაცხდა უტიაშვილმა.
ქართული მხარე და ევროკავშირის წარმომადგენლები ჯერ ვერ აზუსტებენ სულ რამდენი პოზიცია დატოვეს რუსებმა და რამდენად თანმიმდევრულად სრულდება შეთანხმების პირობები. ომის შემდეგ რუსებმა განაცხადეს, რომ ისინი 36 საკონტროლო პუქტის შექმნას აპირებენ - 18-ს თითოეულ რეგიონთან.
No comments:
Post a Comment