მარკ ჩემპიონი
3 ოქტომბერი 2008
შეხვედრაზე, რომელიც ამ წლის ბოლოს გაიმართება, ნატომ არ უნდა მიანიჭოს საქართველოს და უკრაინას მაპი -განაცხადა გერმანიის კანცლერმა ანგელა მერკელმა ხუთშაბათს.
მერკელის მიერ მაპის მინიჭების უარყოფა ვეტოს დადებას უტოლდება, რადგან სამხედრო ალიანსი გადაწყვეტილებებს კონსენსუსის საფუძველზე იღებს.
აშშ-ს ხელისუფლებაში იმედი ჰქონდათ, რომ ნატოს მინისტერიალზე ამ წლის ბოლოს ორ ყოფილ საბჭოთა რესპუბლიკას, საქართველოსა და უკრაინას მაპის მიღების შესაძლებლობა მიეცემოდა. მაგრამ საქართველოსა და უკრაინის ნატოში დაჩქარებული წესით მიღების შანსი, აგვისტოში საქართველოში რუსეთის შეჭრის შემდეგ შემცირდა.
მაგრამ მერკელმა, სანკტ-პეტერბურგში, რუსეთის პრეზიდენტთან, დიმიტრი მედვედევთან შეხვედრის შემგედ ჟურნალისტებს ისიც განუცხადა, რომ შეხვედრაზე საქართველოსა და უკრაინის შესაბამისობას მაპის სტანდარტებთან მაინც განიხილავენ.
რუსეთი კატეგორიულად ეწინააღმდეგება ნატოს შემდგომ გაფართოებას, მათ შორის ყოფილი საბჭოთა რესპუბლიკების გაწევრიანებას ალიანსში. სამი პატარა ბალტიისპირული რესპუბლიკა უკვე მიუერთდა ნატოს 2004 წელს. რუსეთის ლიდერები აცხადებენ, რომ საქართველოს ნატოში მიღების დაპირებებმა უბიძგა მას იმ ქმედებებისკენ, რომელიც გასულ აგვისტოს განახაორციელა.
ანგელა მერკელმა, გასულ აპრილს, ნატოს სამიტზე ზუსტად ასეთივე გადაწყვეტილება მიიღო. მაშინ ნატოს წევრების აზრი ორი ქვეყნის გაწევრიანებასთან დაკავშირებით გაიყო. შედეგად, გადაწყდა, რომ საკითხის განხილვა დეკემბერში გაგრძელდება.
საქართველოს ინტეგრაციის მინისტრმა, თემურ იაკობაშვილმა განაცხადა, რომ უკეთესი იქნებოდა, ანგელა მერკელს გადაწყვეტილება დეკემბერში იმ ანგარიშის საფუძველზე მიეღო, რომელშიც აღიწერება საქართველოს შესაბამისობა მაპის კრიტერიუმებთან. ”ეს უფრო პოლიტიზირებული მიდგომაა და არა შედეგების ანალიზის საფუძველზე მიღებული გადაწყვეტილება”.
იაკობაშვილმა აღნიშნა, რომ საქართველო აცნობიერებს იმ სირთულეებს, რომელიც ქვეყნის ალიანსში გაწევრიანებას უკავშირდება, განსაკუთრებით რუსეთთან აგვისტოს კონფლიქტის შემდეგ ”მაგრამ საქართველო არასდროს შეიცვლის პოზიციას ნატოში ინტეგრაციასთან დაკავშირებით”.
ალიანსში საბოლოოდ გაწევრიანების პროცესი მაპის მიღების შემდეგ კიდევ 10 წელიწადს შეიძლება გაგრძელდეს. ამ წლის დასაწყისში მერკელი თავის პოზიციას იმით ასაბუთებდა, რომ მსგავსმა ნაბიჯებმა შესაძლოა რუსეთის პროვოცირება მოახდინოს და რომ საქართველო, რომელსაც ორი ტერიტორიიის პრობლემა აქვს გადასაწყვეტი, არ შეესაბამება ნატოს მოთხოვნებს.
აშშ-სა და საქართველოს ხელისუფლების ზოგიერთ წარმომადგენელს მიაჩნია, რომ სწორედ ნატოს წევრ ქვეყნებს შორის გამოხატულმა განხეთქილებამ უბიძგა რუსეთს ორი სეპარატისტული ტერიტორიის, სამხრეთ ოსეთისა და აფხაზეთის დამოუკიდებლობის აღიარებისკენ. რუსეთი აცხადებს, რომ მისი პასუხი საქართველოს მიერ გენოციდის ჩატარების მცდელობებმა განაპირობა.
მერკელმა კიდევ ერთხელ განაცხადა, რომ საქართველოს ტერიტორიული მთლიანობა ”არ შეიძლება დისკუსიის საგანი იყოს” და ამით ხაზი გაუსვა, რომ არ ეთანხმება მისი მასპინძელის ქმედებებს, რომელმაც საქართველოს ტერიტორიების დამოუკიდებლობა აღიარა.
გლობალურ ეკონომიკურ კრიზისთან დაკავშირებით, მედვედევმა განაცხადა, რომ აუცილებელია ახალი ეკონომიკური სისტემის შექმნა, რომელიც ნაკლებად იქნება დამოკიდებული აშშ-ს დომინირებად როლზე.
”ერთი ქვეყნის ფინანსური და სავალუტო დომინირება სამუდამოდ უნდა დასრულდეს”-აღნიშნა მედვედევმა-”ჩვენ უნდა ყველამ უნდა ვიმუშავოთ იმისთვის, რომ მსოფლიოში ისეთი ფინანსური და ეკონომიკურის სისტემა შევქმნათ, რომელიც მრავალპოლარულობის, კანონის უზენაესობისა და ერთობლივი ინტერესების დაცვის პრინციპებს დაეფუძნება”.
No comments:
Post a Comment