რედაქცია
9 ოქტომბერი 2008
ჩავესი, აჰმადინეჯადი, მედვედევი
გუშინ, ფრანგულ ევიანში გამოსვლისას დიმიტრი მედვედევმა
აშშ-ს მისამართით ღვარძლიანი კრიტიკა გადმოანთხია. მედვედევმა განაცხადა, რომ 11 სექტემბრის ტერაქტების შემდეგ
აშშ-მ "მართლაც დემოკრატიული მსოფლიო წესრიგის" აშენების შანსი ხელიდან გაუშვა და ამჯობინა "თავისი გლობალური დომინირება გაემყარებინა". მან ევროპას რუსეთთან თანამშრომლობისკენ მოუწოდა, რათა "მთელი ევრო-ატლანტიკა თამაშის საერთო წესების გარშემო გაერთიანდეს".
უნდა იღინიშნოს, რომ უკანასკნელი წლის მანძილზე რუსეთის საფონდო ბაზრის კაპიტალიზაცია თითქმის 70%-ით დაეცა. მედვედევის წინამორბედის – ვლადიმერ პუტინის წარმატება დიდ წილად იმაზე დგას, რომ მან რუსების შემოსავლების ზრდას მიაღწია. ბატონებმა პუტინმა და მედვედევმა როგორც ჩანს გადაწყვიტეს დღევანდელი რთული მომენტით ისარგებლონ და არსებული ფინანსური პრობლემები გარე ძალებს გადააბრალონ.
განსაკუთრებით დამაინტრიგებელი იყო მედვედევის გამოსვლის ერთი პასაჟი, სადაც ის ნატოს გაფართოვების გეგმებზე საუბრობდა. "და აბსოლუტურად ბუნებრივია, - თქვა მან, - რომ ჩვენ ამ ქმედებებს აღვიქვამთ, როგორც ჩვენს წინააღმდეგ მიმართულ ქმედებებს". რის შემდეგაც, რუსეთის პრეზიდენტმა განაცხადა: "სოვეტოლოგია, როგორც პარანოია, - ძალიან მძიმე დაავადებაა. და სამწუხაროა, რომ ამერიკის შეერთებული შტატების ადმინისტრაციის ნაწილი, დღემდე დაავადებულია ამ ავადმყოფობით".
ზოგიერთები იმედოვნებდნენ, რომ მედვედევი აშშ-ს წინააღმდეგ გამოხტომებს შეარბილებდა, რასაც აქტიურად ეწეოდა ყოფილი პრეზიდენტი ვლადიმერ პუტინი. მაგრამ აღმოჩნდა, რომ იგი აშშ-ს სხვა მოწიანააღმდეგეების პათოს იზიარებს, ისეთებისას, როგორებიც არიან ჰუგო ჩავესი და მაჰმუდ აჰმადინეჯადი, რომლებიც დარწმუნებულები არიან, რომ საერთაშორისო ფორუმების ძირითად ფუნქციას, აშშ-ზე სალანძღავი ტირადებით გამოსვლა წარმოადგენს. საინტერესოა, კრემლში თილისმის სახით ის ფეხსაცმელი ხომ არ აქვთ შენახული, რომელსაც 1960 წელს ნიკიტა ხრიუშჩოვი გაეროს გენერალური ასამბლეის ტრიბუნაზე აბრახუნებდა?
ორიგინალი
No comments:
Post a Comment