გრეგ ბოროვსკი
26 სექტემბერი 2008
ვიცე-პრეზიდენტობის კანდიდატი დემოკრატიული პარტიიდან საქართველოს პრეზიდენტს მიხეილ სააკაშვილს ფისტერ ჰოტელში მილვაუკში დღეს შეხვდება, განაცხადეს საარჩევნო კამპანიის წარმომადგენლებმა.
ბაიდენი ბოლოს ვისკონსინში 8 სექტემბერს იყო, შეხვედრაზე გრინ ბეის მუნიციპალიტეტში.
შეხვედრა სააკაშვილთან ბაიდენის ვიზიტს ვისკონსინში სიმბოლურ მნიშვნელოვნებას შესძენს.
საქართველომ, საბჭოთა კავშირის ყოფილმა რესპუბლიკამ, ამ ქვეყანაში რუსეთის ჯარების შეჭრის შემდეგ აშშ-ს საგარეო პოლიტიკაში ერთ-ერთი ცენტრალური ადგილი დაიკავა.
დღეს საღამოს დაგეგმილი იყო პრეზიდენტობის კანდიდატების დემოკრატ ბარაკ ობამასა და რესპუბლიკელ ჯონ მაკკეინის პირველი დებატები, რომლებიც სწორედ საგარეო პოლიტიკური საკითხების გარშემო უნდა გაიმართოს. გაურკვეველია მიიღებს თუ არა მონაწილეობას დებატებში მაკკეინი, რომელმაც განაცხადა, რომ აჩერებს საარჩევნო კამპანიას ფინანსურ კრიზისთან დაკავშირებული დებატების გამო.
ბაიდენი აშშ-ს სენატში ერთ-ერთი ყველაზე გამოცდილია საგარეო პოლიტიკის საკითხებში იმ დროს, როცა ოპონენტები რესპუბლიკელთა კანდიდატს ვიცე-პრეზიდენტის პოსტზე, სარა პელინს სწორედ ამ სფეროში გამოცდილების დეფიციტს უწუნებენ.
ამ კვირას მაკკეინის კამპანიის ფარგლებში ნიუ-იორკში პელინი სხვადასხვა ქვეყნის ლიდერებს შეხვდა, მათ შორის იყო სააკაშვილიც. მედია ამ შეხვედრებზე არ დაუშვეს.
დემოკრატები გეგმავენ, რომ ბაიდენის შეხვედრა სააკაშვილთან უფრო ფართოდ გაშუქდება იმისთვის, რომ გამოცდილებას გაუსვან ხაზი.
ობამას ვისკონსინში, მაკკეინთან შედარებით უფრო მაღალი რეიტინგი აქვს.
გამოკითხვების შედეგებით ობამას ამ შტატში 49% პროცენტი უჭერს მხარს, ხოლო მაკკეინს 43%, ცდომილება პლუს, მინუს 4% შეიძლება იყოს.
კვლევა ტელევიზიის დაკვეთით ჩატარდა და ორშაბათსა და სამშაბათს 600 სავარაუდო ამომრჩეველი გამოიკითხა.
No comments:
Post a Comment