ვინსან ჟოვერი
25 სექტემბერი 2008
საქართველოს ომის შემდეგ პუტინის რეჟიმის "ქორები" გააქტიურდნენ. მათი წინამძღოლის სახელი იგორ სეჩინია. უშიშროების კომიტეტის ყოფილი თანამშრომელი, ერთდროულად როგორც ვიცე-პრემიერი, ასევე ქვეყნის წამყვანი სანავთობო კომპანიის "რუსნეფტის" ხემძღვანელია. აგვისტოს მოვლენების შემდეგ იგი ორჯერ ესტუმრა ლათინურ ამერიკას, სადაც ანტივაშინგტონური ფრონტის გახსნას ცდილობს. მან ისიც კი თქვა, რომ რუსეთმა კასტროს კუნძულზე წარსულის მსგავსად კვლავ უნდა გახსნას სამხედრო ბაზა. ვენესუელაში სეჩინი ორი რუსული სტრატეგიული ბომბდამშენის საცდელ ფრენებს დაესწრო და ნიკარაგუაში გაემგზავრა – ქვეყნაში, რომელიც ერთადერთია რუსეთის შემდეგ, ვინც ორი ქართული სეპარატისტული რეგიონის დამოუკიდებლობა აღიარა. ყოფილმა რევოლუციონერმა ორტეგამ მასთან შეხვედრაზე განაცხადა, რომ მოსკოვიდან მომავალი სინათლე "მსოფლიოს ყოველთვის ანათებდა".
არსებობს უფრო სერიოზული ასპექტებიც. იმავე კვირას, კიდევ ერთმა "ქორმა" განცხადება გააკეთა, რასაც შესაძლოა მართლაც არსებითი გეოპოლიტიკური შედეგები მოჰყვეს, მით უფრო, რომ კრემლს მისი განცხადებები არ უარყვია. ადამიანი, რომელზეც ახლა ვსაუბრობთ ანატოლი ისაიკინია, უშიშროების კომიტეტის ყოფილი თანამშრომელი, ამჟამად ირიაღის გაყიდვით დაკავებული რუსული სახელმწიფო საწარმოს "როსობორონექსპორტის" ხელმძღვანელი. 17 სექტემებრს მან განაცხადა, რომ თეირანთან მისთვის ყველაზე თანამედროვე რუსული არსენალიდან "პევეოს" სისტემის მიყიდვაზე მოლაპარაკებებს აწარმოებს. ამ სისტემის კომპლექსებს ძალუძთ ირანის ბირთვული ობიექტები შესაძლო ისრაელური ან ამერიკული შეტევებისგან დაიცვან. თუკი შეთანხმება შედგება, ეს ამერიკასა და მის მოკავშირეებზე პირდაპირი შეტევის ტოლფასია, რომლის მსგავსიც ცივი ომის დასრულების შემდეგ არ მომხდარა.
ორიგინალი
No comments:
Post a Comment