ჩარლზ ქლოვერი
26 სექტემბერი 2008
გუშინ დიმიტრი მედვედევმა სასტიკად გააკრიტიკა კრემლში გადაწყვეტილების მიღების ზედმეტად ცენტრალიზებული სისტემა. ეს მოწმობს, რომ ქართული კრიზისის და ფინანასურ ბაზრებზე ცოტახნისწინანდელი პრობლემეის შემდეგ რუსეთის პრეზიდენტი საკუთარი მთავრობის კრიზისების დარეგულირების უნარით უკმაყოფილოა.
შროეულ აღმოსავლურ რეგიონში, კამჩატკაზე, ჩინოვნიკებთან გამოსვლისას მან თქვა: "ძალიან ცუდია, როდესაც ყველა გადაწყვეტილება, მათ შორის ოპერატიული ხასიათის, ქვეყნის პრეზიდენტის გადასაწყვეტია, რაც ნიშნავს, რომ ჩვენ არ გაგვაჩნია მმართველობის სისტემები".
მედვედევის თქმით, ხელისუფლება გადაწყვეტილებებს ნელა იღებდა. "ჩვენ უბრალოდ მუშაობა არ ვიცით. საჭიროა სწრაფად მოქედება, გონივრული /.../ მმართველობითი გადაწყვეტილებების მიღება. /.../ წინააღმდეგ შემთხვევაში შეგვრცხვება, რომ შესაძლებლობებს ხელიდან ვუშვებთ".
მედვედევის გამონათქვამებიდან ჩანს, რომ იგი მომხრეა ყოფითი საკითხების გადაწყვეტაზე კრემლის კონტროლი შემცირდეს. თუმცა, გაურკვეველი დარჩა, რამდენად შორს შეუძლია წასვლა და ხომ არ იყო მისი განცხადებები მხოლოდ დასავლურ აუდიტორიაზე გათვლილი პიარის ნაწილი.
რუსეთის ავტორიტარულ პოლიტიკურ მოწყობას მკაცრად აკრიტიკებს დასავლეთი. ეს სისტემა ასოცირებულია პოლიტიკურ რისკებთან, რამაც ხელი შეუწყო რუსეთიდან უცხოელი ინვესტორების მასობრივ გადინებას, კავკასიური ომის დაწყების შემდეგ.
19 სექტემბერს პუტინმა, საინვესტიციო ფორუმზე გამოსვლისას, მოწოდება გააკეთა, რომ არავის არ უნდა შეეშინდეს იმის, რომ ომის შემდეგ რუსეთი ავტორიტარიზმში ან იზოლაციაში გადავარდება. "ჩვენ გათვლას კერძო ინიციატივაზე, სამეწარმეო თავისუფლებაზე ვაკეთებთ /.../ და მსოფლიო ეკონომიკაში რაციონალური ინტეგრაციის მომხრე ვართ", - თქვა მან.
თუმცა დასვლელი ლიდერები ისევ ეჭვობენ, რომ რუსეთი კიდევ უფრო ავტორიტარული რეჟიმის გზას დაადგა. "ისეთი სურათი იქმნება, რომ რუსეთი სულ უფრო ავტორიტარული და აგრესიული ხდება" – აღნიშნა, ერთ-ერთი პოლონური გაზეთისთვის მიცემულ ინტერვიუში, ამერიკის სახელმწიფო მდივანმა კონდოლიზა რაისმა.
გუშინ რუსეთის მთავრობამ პირველად განაცხადა, რომ სექტემბერში ქვეყანაში დაწყებულმა ფინანსურმა კრიზისმა შესაძლოა რუსეთში ეკონომიკურ ზრდას ხელი შეუშალოს.
მეორე კვარტალში რუსეთის მშპ 7,5%-ით გაიზარდა (წლიური ტემპების მიხედვით). მედვედევის უფროსმა მრჩეველმა ეკონომიკურ საკითხებში, არკადი დვორკოვიჩმა განაცხადა, რომ 2008 წელს ეს მაჩვენებელი შესაძლოა მთლიანობაში 1%-ით შემცირდეს. მისი თქმით, აგვისტოში კაპიტალდაბანდების შენელების პროცესი იმის მაჩვენებელია, რომ სახელმწიფოს მიერ მიღებული ანტიკრიზისული ზომების მიუხედავად, ზოგადად ქვეყნის ეკონომიკური ზრდა მაინც შენელდება.
ორიგინალი
No comments:
Post a Comment