23 სექტემბერი 2008
ნიუ-იორკი - აშშ-ს სახელმწიფო მდივანმა კონდოლიზა რაისმა და თურქეთის საგარეო საქმეთა მინისტრმა ალი ბაბაკანმა ორშაბათს საქართველოს და რუსეთის კონფლიქტი გაეროს გენერალური ასამბლეის სამუშაო შეხვედრაზე განიხილეს.
"თურქეთი ჩვენი მოკავშირეა, რაც ამ კრიზისის დროსაც გამოჩნდა" - განაცხადა რაისმა ნიუ-ორკში ბაბაკანთან შეხვედრის წინ. "როგორც მახსოვს, ჩვენ რამდენჯერმე დავუკავშირდით ერთმანეთს ამ სიტუაციასთან დაკავშირებით, რადგან თურქეთი კავკასიაში სერიოზულ ძალას წარმოადგენს და ცდილობს კავკასია უფრო მშვიდობიანი გახადოს" - თქვა რაისმა.
თურქეთმა, რომელიც ბოსფორისა და დარდანელის სრუტეებს აკონტროლებს, გაატარა აშშ-ს სამხედრო გემები, რომელთაც, ხანმოკლე ომის შემდეგ, შავი ზღვის გავლით, საქართველოში ჰუმანიტარული ტვირთი ჩაიტანეს.
No comments:
Post a Comment