23 სექტემბერი 2008
ბუშმა გაეროში თავისი ბოლო გამოსვლა მტრებზე, ირანსა და რუსეთზე თავდასასხმელად გამოიყენა და ისინი მსოფლიოს უმთავრესი ღირებულებების დარღვევაში დაადანაშაულა.
გადაჭედილი დარბაზი ბუშს სკეპტიკურად უსმენდა და გაეროს ქარტიას თავის რელიგიურ ტექსტებს: ბიბლიას, ყურანსა და თორას ადარებდა.
ირანი და სირია "იმ პრინციპებს ღალატობენ, რომლებიც რუდუნებით ინახება ამ "კეთილშობილურ აღთქმაში" და ტერორიზმის დაფინანსებას განაგრძობენ - განაცხადა ბუშმა და წევრ ქვეყნებს ქარტიის დაცვისკენ მოუწოდა.
"რამდენიმე ქვეყანა, ირანისა და სირიის მსგავსი რეჟიმები ტერორიზმის დაფინანსებას აგრძელებენ და მართალია მათი რაოდენობა უმნიშვნელოდ მატულობს, მაგრამ ისინი იზოლირებულნი არიან მსოფლიოსგან" - თქვა მან - "ისევე როგორც მონობასა და ყაჩაღობას, ტერორიზმსაც არ აქვს ადგილი თანამედროვე სამყაროში".
მან ეს ქვეყნები კორეასთან ერთად ბირთვული პროგრამებისთვის გააკრიტიკა. მისტერ ბუში ორივე ქვეყნისთვის, უშიშროების საბჭოს რეზოლუციების დარღვევის გამო, სანქციების დაწესებას დაჟინებით მოითხოვდა.
რუსეთის დელეგაცია შეკრთა, როდესაც ის ამ საეჭვო კამპანიაში დასახელდა - ბუშმა რუსეთი გაეროს იმ პრინციპის დარღვევაში დაადანაშულა, რომელიც ყველა ქვეყნისთვის "დიდისა და პატარისთვის" თანაბარ უფლებებს აღიარებს. რუსეთმა, თავისი პატარა მეზობლის საქართველოს ტერიტორიაზე შეჭრით სწორედ ეს პრინციპი დაარღვია.
"ჩვენ უნდა ავღსდგეთ ქართველი ხალხის დასაცავად" - უთხრა ბუშმა ასამბლეას, სადაც მათ შორის პრეზიდენტი მიხეილ სააკაშვილიც იმყოფებოდა. "გაეროს ქარტია დიდი და პატარა ქვეყნებისთვის თანაბარ უფლებებს აწესებს. რუსების შეჭრა ამ სიტყვების უარყოფაა".
ბუშის გამოსვლა ერთგვარი მოწოდება იყო მსოფლიო ორგანიზაციებისადმი ტერორიზმთან წინააღმდეგ ბრძოლაში და აქცენტი ირანზე იმის იმედად გაკეთდა, რომ გლობალური ბაზრის რყევებიდან და ვაშინგტონის გარშემო ატეხილი აურზაურიდან ყურადღება ამ პრობლემაზე გადაეტანა.
იმ მითქმა-მოთქმასთან დაკავშირებით, რომელიც კონგრესის მიერ 700 მილიარდი დოლარის გამოყოფის გამო ატყდა, ბუშმა საერთაშორისო საზოგადოებას განუცხადა, რომ ზომები გატარდება დროულად და კრიზისი შეჩერდება.
პრეზიდენტმა თქვა, რომ მისთვის ცნობილია - მსოფლიო საზოგადოებრიობა თვალს ადევნებს ფინანსური კრიზისის პროცესს და ცდილობს ამოიცნოს დაძლევს, თუ არა ამერიკა პრობლემას. ბუშმა განაცხადა, რომ კონგრესი გადადგამს შესაბამის ნაბიჯებს ისე, როგორც ამას სიტუაცია მოითხოვს და შეაჩერებს კრიზისს.
No comments:
Post a Comment