25 სექტემბერი 2008
ნიუ-იორკი - ოთხშაბათს აშშ-ს სახელმწიფო მდივანმა კონდოლიზა რაისმა თავის რუს კოლეგასთან პირველი მოლაპარაკებები გამართა მას შემდეგ, რაც საქართველოს ომის გამო ორი ქვეყნის ურთიერთობა უკიდურესად გამწვავდა.
რაისიც და ლავროვიც, ფეშენებელურ სასტუმროში, გაეროს გენერალური ასამბლეის თანმდევ ღონისძიებათა ფარგლებში დაგეგმილი მოლაპარაკებების დაწყების წინ, კამერას უღიმოდნენ, მაგრამ ჟურნალისტების კითხვაზე პასუხი არც ერთს არ გაუცია.
"მოდი, ჩამოვართვათ ხელი ერთმანეთს და იქნებ ისინი (ჟურნალისტები) წავიდნენ - უთხრა რაისმა ლავროვს მას შემდეგ, რაც უარი თქვა პასუხი გაეცა კითხვაზე, თუ რა მესიჯს გადასცემს რუს კოლეგას საქართველოსთან დაკავშირებით.
"გგონიათ ამით დაკმაყოფილდებიან?" - იკითხა ლავროვმა.
სიცილი, რაისი პასუხობს: "არ ვიცი, მაგრამ ცდად ღირს".
რუსეთს და საქართველოს ხუთდღიანი ომი ჰქონდათ, რუსული ჯარი 8 აგვისტოს სამხრეთ ოსეთში ქართველთა შეტევის მოსაგერიებლად შეიჭრა.
რუსეთმა ქართული ჯარი უკუაგდო და საქართველოს ტერიტორიაზე პოზიციები დაიკავა, შემდეგ კი განაცხადა, რომ ჯარს საქართველოს მეამბოხე რეგიონებში გაიყვანს. მანამდე მოსკოვმა ამ ორი რეგიონის დამოუკიდებლობა აღიარა.
მოსკოვმა განაცხადა, რომ ორივე რეგიონში 7600-იანი კონტინგენტის შენარჩუნებას აპირებს, რათა მათი უსაფრთხოება უზრუნველყოს.
საქართველო და მისი დასავლელი მოკავშირეები რეგიონებში რუსეთის ჯარის განთავსებას აკრიტიკებენ და აცხადებენ, რომ ეს საქართველოს სუვერენული ტერიტორიის ანექსიაა.
აშშ დაჟინებით მოითხოვს, რომ რუსეთმა ჯარი არა მხოლოდ საქართველოს ტერიტორიიდან გაიყვანოს, არამედ შეიარაღებულ ძალთა რაოდენობა აფხაზეთსა და ოსეთში 6 აგვისტოსთვის არსებულ რიცხოვნობამდე დაიყვანოს.
No comments:
Post a Comment