24 სექტემბერი 2008
უკრაინის პრეზიდენტმა ვიქტორ იუშჩენკომ რუსეთის სამხედრო ოპერაცია საქართველოში და მოსკოვის მიერ საქართველოს ტერიტორიის ოკუპაცია დაგმო.
უშჩენკომ სამშაბათს გაეროს გენერალურ ასამბლეას განუცხადა, რომ უკრაინა არ აღიარებს სამხრეთ ოსეთისა და აფხაზეთის, საქართველოს პრორუსული, სეპარატისტული ტერიტორიების დამოუკიდებლობას, რომლებიც რუსეთმა დამოუკიდებელ სახელმწიფოებად გამოაცხადა.
უკრაინის ლიდერმა თქვა, რომ გასული თვის კონფლიქტში ყველა დაზარალებულს - ოსებს, რუსებსა და ქართველებს ერთნაირად თანაუგრძნობს. მან გაეროს გენერალურ ასამბლეას კონფლიქტის გადასაწყვეტად კონკრეტული ნაბიჯების გადადგმა მოსთხოვა და უკრაინის მხრიდან ამ ძალისხმევაში მხარდაჭერა აღუთქვა.
მან ასევე "ცივი ომის" რიტორიკის დაბრუნების გამო შეშფოთება გამოთქვა. მაგრამ, განაცხადა მან, დაძაბულობა კავკასიაში ვერ გადაწყდება ვერც რუსეთის იზოლაციით და ვერც სამხედრო ძალის გამოყენებით.
მისტერ იუშჩენკომ შენიშნა, რომ მისი ქვეყანა, ჰოლოდრომის სახელით ცნობილი დიდი შიმშილის (Great Famine) 75 წლისთავს აღნიშნავს. მან ყველა პოსტსაბჭოთა ქვეყანას მათი ეროვნული ტრაგედიის მსხვერპლთათვის პატივის მიგება სთხოვა და მოუწოდა, არასდროს დაივიწყონ ის დანაშაულებანი, რომელიც სტალინის და სხვა ლიდერების მეთაურობით ტოტალიტარულმა რეჟიმმა ჩაიდინა.
No comments:
Post a Comment