22 მარტი 2009
მოსკოვი - ალექსანდრე ბასტირიკინი, რუსეთის გენერალური პროკურატურის საგამოძიებო კომისიის წარმომდგენელმა განაცხადა, რომ მას აქვს მტკიცებულებები, რომელთა თანახმადაც საქართველომ სამხრეთ ოსეთის აგვისტოს კონფლიქტისთვის ამერიკელი, უკრაინელი, თურქი და ჩეხი მებრძოლები დაიქირავა.
"დღეს ჩვენ მოვიპოვეთ იმის უტყუარი მტკიცებულებები, რომ უკრაინული ნაციონალისტური ორგანიზაციების, UNA-UNSO მებრძოლები ამ მოვლენებში მონაწილეობდნენ" - განაცხადა მან.
ეს ფაქტი დადასტურებულია პირადი ნივთებით, ფოტოსურათებით, საველე უნიფორმით, მებრძოლების უბის წიგნაკებით და ასევე საქართველოს შინაგან საქმეთა სამინისტროს მიერ 2008 წლის 27 ივნისს გამოცემული განკარგულებით, რომელშიც UNA-UNSO-ის შენაერთების მეთაურს საბრძოლო იარაღს გადაეცემა.
გარდა ამისა, ბასტირკინი არ გამორიცხავს ჰააგის ტრიბუნალის მსგავსი საერთაშორისო სასამართლოს შექმნას იმ პიროვნებათა გასასამართლებლად, რომლებმაც სამხრეთ ოსეთის მოსახლეობის წინააღმდეგ დანაშაული ჩაიდინა.
"როდესაც გამოძიება დასრულდება, ჩვენ, ალბათ, სამხრეთ ოსეთის მოვლენებთან დაკავშირებით სპეციალური სასამართლოს დაფუძნებაზეც ვიმსჯელოთ”.
სამხრეთ ოსეთის მოვლენების გამოძიება 2009 წლის აპრილამდე გაგრძელდება, რის შემდეგაც მოპოვებული მასალა რუსეთის ფედერაციის საგარეო საქმეთა სამინისტროს გადაეცემა.
"მას შემდეგ, რაც გამოძიების მასალები რუსეთის ფედერაციის საგარეო საქმეთა სამინისტროს გადაეცემა, ჩვენ მათ საერთაშორისო საზოგადოებას წარვუდგენთ" - განაცხადა საგამოძიებო კომისიის ხელმძღვანელმა.
No comments:
Post a Comment