საქართველოს პრეზიდენტი, მიხეილ სააკაშვილი და ოპოზიციის ლიდერი, ირაკლი ალასანია, ორივე ბრიუსელში, მაღალი რანგის პოლიტიკურ და ბიზნესფორუმზე დასასწრებად გაემგზავრნენ. ფორუმი 20-დან 22 მარტამდე გასტანს.
გაერთიანებული ერების ორგანიზაციაში საქართველოს ყოფილი ელჩის, ალასანიას ოპოზიციური კოალიცია მოცემულ მომენტში სააკაშვილის გადადგომისა და ვადამდელი საპრეზიდენტო არჩევნების დასანიშნად პლებისციტს ატარებს. ალასანია გამომსვლელთა შორისაა, მაგრამ სიაში ის ჩაწერილია "მონაწილის" სტატუსით.
შეხვედრაზე გამოჩნდება საქართველოს ყოფილი საგარეო სქმეთა მინისტრიც, სალომე ზურაბიშვილი, რომელიც ოპოზიციურ პარტიას, "საქართველოს გზას" უდგას სათავეში.
21 მარტის საღამოს, რომლის მოდერატორიც ავღანეთსა და პაკისტანში აშშ-ს სახელმწიფო დეპარტამენტის წარმომადგენელი, რიჩარდ ჰოლბრუკი იქნება, სააკაშვილი რუსეთთან გასული წლისა ომის უარყოფით ეკონომიკურ და პოლიტიკურ შედეგებზე ილაპარაკებს. ის შეეხება აგრეთვე რუსეთის მიერ საზავო შეთანხმების შესრულებას და აშშ-საქართველოს ურთიერთობებს პრეზიდენტ ბარაკ ობამას მმართველობის დროს.
ფორუმზე რუსეთის საგარეო საქმეთა მინისტრი, სერეგეი ლავროვიც გამოვა სიტყვით.
No comments:
Post a Comment