გარი ო'რეილი
რუსეთი არ ეხმარება საერთაშორისო საზოგადოებას ირანის ბირთვული ამბიციების ალაგმვაში და უღალატა საქართველოსთან დადებულ სიტყვას, განაცხადა სენატორმა მაკკეინმა ბრიუსელში, საგარეო პოლიტიკაზე სიტყვით გამოსვლის შემდეგ.
"მე ვფიქრობ რუსეთს დახმარება შეუძლია" - უთხრა მაკკეინმა ჟურნალისტებს ბრიუსელში ჩრდილო ამერიკისა და ევროპის ლიდერთა ფორუმზე ბელგიაში. "მე ვერ ვხედავ რუსეთის მიერ დახმარებისკენ გადადგმულ ვერც ერთ ნაბიჯს" - ირანთან დაკავშირებით. "მე ვერ ვხედვ ვერც ერთ ნიშანს" იმისას, რომ ირანი უარს ამბობს თავის ბირთვულ ამბიციებზე, განაცხადა მან.
მაკკეინმა რუსეთის პრეზიდენტ დიმიტრი მედვედევისა და აშშ-ს პრეზიდენტ ბარაკ ობამას 1 აპრილს დაგეგმილი შეხვედრის წინ ილაპარაკა. შეხვედრა ლონდონში უნდა შედგეს. ობამას უნდა, რომ კრემლმა მის პოლიტიკას, მათ შორის ავღანეთსა და ირანთან მიმართებაში, მხარი დაუჭიროს. აშშ-ს ვიცე-პრეზიდენტმა ჯო ბაიდენმა თებერვალში განაცხადა, რომ დადგა დრო ურთიერთობათა "გადაწყობისა". ეს ურთიერთობები დაიძაბა მას შემდეგ, რაც ჯორჯ ბუშმა, თვისი მმართველობის დროს, აღმოსავლეთ ევროპაში სარაკეტო თავდაცვითი სისტემის განთავსება გადაწყვიტა.
მაკკეინმა გააკრიტიკა რუსეთის სხვა საგარეო პოლიტიკური ნაბიჯები და განაცხადა, რომ ის არ ამართლებს მოსკოვს, რომელმაც არ დაიცვა ნოემბრის სამშვიდობო შეთანხმება საქართველოსთან, რომელიც საფრანგეთის პრეზიდენტის, ნიკოლა სარკოზის შუამავლობით დაიდო.
"მე ვფიქრობ, ჩვენ დღემდე საჯაროდ შეგვიძლია მხარი დავუჭიროთ დემოკრატიას საქართველოსა და უკრაინაში" - განაცხადა მაკკეინმა - "ჩვენ მსოფლიოს ყველა კუთხეში თავისუფლება და დემოკრატია გვსურს".
მაკკეინმა აღნიშნა, რომ მისი აზრით, რუსეთი არ პასუხობს დემოკრატიის მოთხოვნებს და ვერ გახდება ჩრდილოატლანტიკური ხელშეკრულების ორგანიზაციის წევრი. ის "არ ისურვებდა" რუსეთის გაწევრიანებას ალიანსში. მან უარყო რუსეთის საგარეო საქმეთა მინისტრის, სერგეი ლავროვის წინადადება, რომლის მიხედვითაც ნატო უნდა შეიცვალოს ევროპის უსაფრთხოებისა და თანამშრომლობის ახალი ორგანიზაციით, სადაც 56 სახელმწიფო გაწევრიანდება.
ცივი ომი
რესპუბლიკელმა სენატორმა არიზონადან, რომელიც აშშ-ს ნოემბრის საპრეზიდენტო არჩევნებში ობამასთან დამარცხდა, განაცხადა, რომ რუსეთისა და აშშ-ს კონფლიქტის მიუხედავად, არც ერთ ქვეყანას არ სურს ცივი ომის აღდგენა.
"მე ვხედავ უთანხმოებას" - განაცხადა მაკკეინმა - "ჩვენ და რუსებს გარკვეული პრობლემები გვაქვს. მე არა მგონია, რომ ეს პრობლემები არ შეიძლება გადაწყდეს დროთა განმვალობაში".
თავის გამოსვლაში მაკკეინმა განცხდა, რომ ომი ავღანეთში გამარჯვებით უნდა დასრულდეს. მან ალიანსის წევრ ქვეყნებს საჯარო განხილვებისას ტრანსპარენტულობისკენ მოუწოდა - აუცილებელია იმაზე ლაპარაკი, თუ რა საფსურის გაღება და დრო დასჭირდება გამარჯვების მიღწევას.
"ჩვენ შეგვიძლია და უნდა გვიმარჯვოთ ავღანეთის ომში, მაგრამ ახალი სტრატეგიის გარეშე დავმარცხდებით" - განაცხადა მან - "მე შეშფოთებული ვარ იმით, რომ შშ-სა და ევროპის ზოგიერთ წრეებში გაისმის მოწოდებები, რომლებშიც ავღანეთისადმი მინიმალისტური მიდგომას ამართლებენ".
"ასეთი პოლიტიკური რედუქციონიზმის ხიბლი თვალნათელია, მაგრამ ის სახიფათო და ფუნდამენტურად არასწორია" - განაცხადა მაკკეინმა.
ბრიუსელის ფორუმი ამერიკელი პოლტიკური და კორპორაციული ლიდერების ყოველწლიური შეხვედრაა და აქ ეკონომიკურ, უსაფრთხოებასთან დაკავშირებულ და საგარეო პოლიტიკურ საკითხებს განიხილავენ.
ორიგინალი
No comments:
Post a Comment