19 დეკემბერი 2008
ტომ ესელმონტი
საქართველოსა და რუსეთის ომიდან ოთხი თვის შემდეგ აშშ-მ მოამზადა ანგარიში, რომელშიც მკაცრად გააკრიტიკა ქართული შეიარაღებული ძალები, წერს ამერიკული პრესა.
პენტაგონის დოკუმენტში, რომლის ციტირებასაც ახდენს ნიუ-იორკ თაიმსი, ნათქვამია, რომ თუ ქართულ ჯარს თანამედროვე საბრძოლო ძალად ტრანსფორმირება სურს, მაშინ ის ინტენსიურ რეფორმებს საჭიროებს.
ანგარიშში ნახსენებია ცუდი მენეჯმენტი და არაკვალიფიციური ხელმძღვანელობა არმიაში.
კრიტიკა, როგორც ჩანს, საქართველოს პრეზიდენტისთვის, მიხეილ სააკაშვილისთვისაც წარუმატებლობის ნიშანია.
ფრაგმენტში დოკუმენტიდან, რომელმაც ნიუ-იორკ თაიმსში გაჟონა, ნათქვამია, რომ მიუხედავად ათწლიანი წვრთნისა და პრეზიდენტ სააკაშვილის ინვესტიციებისა ქართული ჯარი უმწიფარი და მოუმზადებელი არმიიდან სრულყოფილ საბრძოლო ძალად ვერ გარდაიქმნა.
შეფასება გასულ თვეში გაკეთდა, მას შემდეგ, რაც აგვისტოში რუსეთთან ომში ქართულმა ჯარმა უკან დაიხია და 185 დაღუპული ჯარისკაცი დატოვა.
მაგრამ ახლა საქართველომ პოლიტიკური უკუსვლაც განიცადა - მას საკუთარი შეიარღებული ძალებისათვის მეტი მხარდაჭერის მოპოვება სურდა.
ნატოს მინისტრებმა ბრიუსელის შეხვედრაზე უარი უთხრეს საქართველოს გაწევრიანების სამოქმედო გეგმის მინიჭებაზე - დეტალურად გაწერილ პროგრამაზე.
მიუხედავად იმისა, რომ პენტაგონის განცხადებით, შეფასებას არ მოახდენს გავლენას ნატოს გადაწყვეტილებაზე, ანალიტიკოსებს მიაჩნიათ, რომ საქართველოს ჯარს ჯერ კიდევ სჭირდება გაუმჯობესება იმისთვის, რომ ნატოს სტანდარტებს მიაღიწიოს - ამ მოსაზრებას საქართველოს სამხედრო ხელმძღვანელობაც ეთანხმება.
ეს პრეზიდენტ მიხეილ სააკაშვილისთვისაც წარუმატებლობას ნიშნავს, რადგან მის წინაშე ძალიან რთული ამოცანა დგას - მან ისე უნდა მოახერხოს ქართული ჯარის გაძლიერება, რომ კიდევ უფრო არ გაართულოს რუსეთთან ისედაც დაძაბული ურთიერთობები.
No comments:
Post a Comment