ობამა ჩეინის კრიტიკას პასუხობს

22 მარტი 2009
ვაშინგტონი - პრეზიდენტი ობამა ყოფილ ვიცე-პრეზიდენტს, დიკ ჩეინის საპასუხოდ დაესხა თავს და კუბაზე, სამხედო საპატიმროს, გუანატანამო ბეის ტუსაღებისადმი ბუშის პოლიტიკას "აუტანელი" უწოდა".

"რამდენი ტერორისტი წარსდგა სასამართლოს წინაშე იმ ფილოსოფიის მოშველიებით, რომელსაც ვიცე-პრეზიდენტი ჩეინი ავრცელებდა? - განაცხადა ობამამ პარასკევს ტელეკომპანია CBS-ის გადაცემისთვის, "60 წუთისთვის", მიცემულ ინტერვიუში.

პრეზიდენტი ჩეინის იმ ბოლოდროინდელ ბრალდებებს პასუხობდა, რომელთა თანახმად დღევანდელი ადმინისტრაციის გადაწყვეტილება გუანატანამოს საპატიმროს დახურვის შესახებ და სხვა პოლიტიკური ნაბიჯები დაკავშირებული ტერორიზმში ეჭვმიტანელთა მოპყრობასთან, შეერთებულ შტატებს შეტევებისათვის უფრო მოწყვლადს გახდის.

ბუშის ადმინისტრაციის პოლიტიკამ ტერორიზმთან მიმართბაში "ჩვენ უფრო დაცული ვერ გაგვხადა", განაცხდა ობამა, ნათქვამია ინტერვიუს ფრაგმენტებში, რომლებიც შაბათს გამოქვეყნდა.

"ეს იყო" - განაგრძო მან "ანტიამერიკული განწყობების უდიდესი რეკლამა".

ობამა გამოესარჩლა ხაზინის ხელმძღვანელს, ტიმოტი გეითნერს, რომელიც საჯარო კრიტიკის ქარცეცხლში მოექცა Wall Street-ის ხელმძღვანელებისათვის გადახდილი ბონუსებისა და ქვეყანაში მიმდინარე კრიზისის გაღრმავების გამო.

ობამამ განაცხადა, რომ მას და გრეითნერს ჯერ არ უმსჯელიათ მის გადადგომაზე. და თუ გეითნერი გადადგომას მოინდომებს, მისი პასუხი ასეთი იქნება "ძმაო, შენ ჯერ კიდევ სამსახურში ხარ".

ორიგინალი