კითხვები მიხეილ სააკაშვილს

დებორა სოლომონი
17 ოქტომბერი 2008

ამერიკელი მეგობარი

უყურებთ ამერიკის პეზიდენტობის კანდიდატების დებატებს? როგორც ჩანს ერთი საკითხი რაზეც კანდიდატები შეთანხმდნენ არის თქვენი ქვეყნისთვის დახმარების აღმოჩენის აუცილებლობა, ყოფილი საბჭოთა რესპუბლიკისთვის, რომელიც ახლახანს რუსეთს ეომებოდა.
პირადად მე ძალიან გამაოცა კანდიდატების ასეთმა მხურვალე დამოკიდებულებამ საქართველოს მიმართ. რა თქმა უნდა ჯონ მაკკეინი მრავალჯერ იყო საქართველოში და პირადად იცის ამ ქვეყნის შესახებ. ობამამ ყველაფერი აბსოლუტურად მართებულად აღნიშნა.

რამდენად ხშირად ესაუბრებით კანდიდატებს ტელეფონით?
საკმაოდ ხშირად და ვფიქრობ ისინი ძალზედ ინფორმირებულები არიან.

რატომ გამოხატავენ ამერიკელი პოლიტიკოსები ასეთ ინტერესს საქართველოს მიმართ?
უპირველეს ყოვლისა, დემოკრატია სტრატეგიული ინტერესს წარმოადგენს. მეორე მხრივ, არსებობს ენერგეტიკის საკითხები. თუ რუსეთი ცენტრალურ აზიას და კასპიის ზღვას ევროპისგან მოწყვიტავს, ამერიკის ევროპელი პარტნიორები სრულიად დამოკიდებულნი იქნებიან რუსეთის გაზსა და ენერგეტიკაზე.

რად ღირს თქვენი და ჩვენი მეგობრობა თუ ის ამერიკასა და რუსეთის ურთიერთობებში უთანხმოებას იწვევს?
მისმინეთ, რუსეთთან უთანხმოება საქართველოს არ უკავშირდება. აქ საქმე ღირებულებებშია. რუსეთი ძალზედ ავტორიტარული გახდა. ის აღარ აღიარებს სიტყვის თავისუფლებას და სამართლიან არჩევნებს.

რა დაემართათ რუსებს?
რაც უფრო დაუცველად გრძნობ თავს მით უფრო იხრები კრიზისის შექმნისკენ.

როგორ ფიქრობთ პუტინს თქვენი მოკვლა უნდა?
ჩემი მოკვლა უაზრობაა, იმიტომ რომ საქართველოს უკვე ჰყავს დასავლური განათლების მქონე პოლიტიკური კლასი.

რუსებს ჰქონდათ თქვენი სიცოცხლის ხელყოფის მცდელობა?
პრეზიდენტმა მედვედევმა რამდენჯერმე საჯაროდ "პოლიტიკური გვამი" მიწოდა. პუტინმა კი დასავლეთის ლიდერებს ასევე რამდენჯერმე განუცხადა "სააკაშვილის თავი მსურსო". თუ მათ ჩემი თავი უნდათ, ეს ჩემთვის უფრო სასაცილოა, ვიდრე სანერვიულო.

თქვენ დაკავშირებული ხართ ამერიკის ცენტრალურ სადაზვერვო სამმართველოსთან (CIA)?
არა. მე ორი წლის წინ ვუთხარი პრეზიდენტ ბუშს რომ დავიღალე და მომბეზრდა პრეზიდენტ პუტინის იმაში დარმუნება, რომ, არ ვარ ცენტრალური სადაზვერვო სამმართველოს ოფიცერი. მე ვთქვი: "ბატონო პრეზიდენტო, შეგიძლიათ მას უთხრათ რომ მე ცენტრალურ სადაზვერვო სამმართველოს ოფიცერი ვარ, იქნებ მერე მაინც აღმიქვას უფრო სერიოზულად?"

მიუხედავად თქვენი ამაღლებული საუბრისა დემოკრატიაზე გასულ ნოემბერს თქვენ მაინც დახურეთ ოპოზიციური სატელევიზიო სადგური თბილისში.
იმედის ტელევიზიასთან მომხდარი ინციდენტი გამონაკლისია. ეს კანონზომიერი ფაქტი არ იყო და მოხდა მასობრივი გამოსვლების დროს, როცა იმედის ტელევიზია დემოკრატიულად არჩეული მთავრობის ჩამოგდებას სტიმულს აძლევდა. უნდა აღინიშნოს, რომ მთავრობამ მიყენებული ზარალი აანაზღაურა.

თქვენ კოლუმბიის უნივერსიტეტში იურიდიულ ფაკულტეტზე სწავლობდით და 2003 წელს ხელისუფლებაში მშვიდობიანი, ვარდების რევოლუციით მოხვედით. ხელფასი რამდენი გაქვთ?
როცა საქართველოს პრეზიდენტი გავხდი ფული მომიტანეს, მე ვიკითხე "რა არის ეს?" მათ მიპასუხეს "ეს თქვენი თვის ხელფასია". უხეშად რომ ვთქვათ, სადღაც 40 დოლარი იყო. მე ვთქვი: "უკაცრავად, მაგრამ მე ამით ვერ ვიარსებებ. ცოტაოდენი ფული მომეცით".

მოგემატათ ხელფასი?
ის თვეში 6 000 დოლარს შეადგენს, ამას ემატება დამატებითი ხარჯები. ჩვენ ჯერ ისევ ღარიბი ქვეყანა ვართ.

ზოგადად როგორ აღწერდით საქართველოს?
ის სპონტანური, ღია და ცოტა ქაოტურია. ეს არის ღვინის და მშვენიერი ბუნების ქვეყანა, გემრიელი კერძებით.

რომელი გემრიელი კერძი?
მაგალითად ხინკალი. ეს დიდი კერძია, შიგნით წვენით და ხორცით.

ისე ჟღერს, როგორც ჩანს ასუქებს. ცოტას კი. პრეზიდენტ ბუშს უყვარს. როცა არ უნდა დაურეკო მეუბნება "ისევ ველოსიპედზე ვვარჯიშობ, თბილისში მომატებული 8 ფუნტი უნდა დავიკლოო".

როგორ ფიქრობთ გახდება საქართველო დეკემბერში ნატოს წევრი?
ეს 100 დოლარიანი კითხვაა. მე სენატორმა ობამამ დამაიმედა. მან განაცხადა რომ, ჩვენ უნდა მოგვცენ ნატოს წევრობის სამოქმედო გეგმა. მოგვცემენ თუ არა, ვნახავთ.

რას ფიქრობთ სარა პელინზე?
როცა ის წარადგინეს, დამირეკა. ენერგიული, ინტერაქტიური და დაინტერესებული იყო.

შეუძლია მას საქართველოს დანახვა თავისი პარადული შესასვლელიდან საქართველოს დანახვა?
არა, ჩვენ სხვადასხვა მიმართულებით ვიყურებით. საუკეთესო დურბინდითაც კი ვერ შევძლებ ალიასკის დანახვას.

ორიგინალი