27 ოქტომბერი 2008
თეირანი – ირანის საგარეო საქმეთა მინისტრის მოადგილემ განათლებისა და მეცნიერების დარგში მანუჰერ მოჰამადიმ ჩრდილოატლანტიკური ალიანსის აღმოსავლეთით ექსპანსიის საკითხზე საკუთარი ქვეყნის სახელით პროტესტი გამოთქვა.
მოჰამედის განცხადებით, რეგიონის ქვეყნების მთავრობები უნდა გაემიჯნონ მტრულ და ქიშპურ პოლიტიკას, რომელიც ცივი ომის ეპოქიდან მოდის.
მან თქვა, "ნატოს ყოფნა რეგიონში რომელიც მისთვის უცხოა, ალიანსს სარგებელს არ მოუტანს. ეს უკვე გამოსცადა მან ერაყსა და ავღანეთში".
აშშ-ს პრეზიდენტმა ჯორჯ ბუშმა პარასკევს ხელი მოაწერა დოკუმენტს, რითაც თავისი ოფიციალური მხარდაჭერა გამოხატა ნატოში ალბანეთის და ხორვატიის გაწევრიანებაზე.
ბუშმა ასევე გამოხატა ამერიკის მხრადაჭერა ალიანსის სხვა სავარაუდო წევრობის კანდიდატების მიმართ, როგორებიც არიან უკრაინა, საქართველო, ჩერნოგორია, ბოსნია და ჰერცოგოვინა. ბუშმა დასძინა, "ნატოს წევრობის კარი ღია რჩება სერბეთის ხალხებისთვისაც, თუკი ისინი ამ გზას აირჩევენ".
წელს, უფრო ადრე, ნატოს ლიდერები რუმინეთში ალბანეთის და ხორვატიის კავშირში მიღებაზე შეთახმდნენ. თუმცა, ნატომ გადადო ამერიკელთა მცდელობები უკრაინის და საქართველოს ალიანსში გაწევრიანების პროცესის დაწყებაზე.
ამერიკის ძლიერი მხარდაჭერის მიუხედავად, გერმანია და საფრანგეთი, ასევე ალიანსის სხვა წევრები, ყოფილი საბჭოთა რესპუბლიკების გაწევრიანების წინააღმდეგ გამოვიდნენ იმის შიშით, რომ რუსეთი, რომელმაც გარკვევით განაცხადა, რომ ასეთ ქმედებას ნატოს მხრიდან მტრულ ნაბიჯად აღიქვმდა, გამოწვევას მიიღებდა.
ევროპის საკითხებში საფრანგეთის მინისტრმა ოთხშაბათს თქვა, რომ იგი ამ ეტაპზე საქართველოს და უკრაინის ნატოში მიღების წინააღმდეგი იყო, რადგან ალიანსს ეს სიკეთეს არ მოუტანდა.
ნატოს საგარეო საქმეთა მინისტრები დეკემბერში უკრაინის და საქართველოს გაწევრიანების საკითხის განხილვას კვლავ აპირებენ.
რუსეთმა საქართველოს სამხედრო ოპერაციას 8 აგვისტოს შეტევით უპასუხა, რათა სამხრეთ ოსეთი საკუთარი კონტროლისთვის დაექემდებარებინა.
მოჰამედის თქმით, ცოტახნისწინანდელი კონფლიქტი რუსეთსა და საქართველოს შორის ყველაზე მნიშვნელოვანი მოვლენაა 11 სექტემბერს აშშ-ზე თავდასხმის შემდეგ, რაც საერთაშორისო ურთიერთობებზე უზარმაზარ გავლენას იქონიებს.
მან განაცხადა, რომ შუა აზიის და კავკასიის მე-16 კონფერენციის მთავარი თემა, რომელიც ამ კვირაში თეირანში გაიმართება, კავკასიის კონფლიქტი და მსფლიოზე მისი გავლენა იქნება. მუჰამედმა თქვა, რომ ექსპერტები სხვადასხვა ქვეყნებიდან იქნებიან წარმოდგენილი, მათ შორის შეერთებული შტატებიდან, დიდი ბრიტანეთიდან, სომხეთიდან, უკრაინიდან, გერმანიიდან, იტალიიდან, რუსეთიდან, ინდოეთიდან, შვედეთიდან, საქართველოდან, იაპონიიდან, თურქეთიდან, ტაჯიკეთიდან, უზბეკეთიდან და პოლონეთიდან.
ის ამტკიცებს, რომ ირანის აზრით კონფლიქტი ამოწურული არ არის და რუსეთსა და საქართველოს შორის პრობლემის მოგვარების საქმეში თეირანი შუამავლობისთვის მზად არის.
No comments:
Post a Comment