1 ნოემბერი 2008
BBC აცხადებს, რომ აღმოაჩინა ფაქტები, რომელთა თანახმადაც საქართველომ შესაძლოა სეპარატისტულ სამხრეთ ოსეთზე შეტევის დროს მშვიდობიან მოქალაქეთა წინააღმდეგ სამხედრო დანაშაულებანი ჩაიდინა.
დეტალური ვიდეორეპორტაჟი მაუწყებელმა მაშინ გადაიღო, როდესაც დასავლელ ჟურნალისტებს სამხრეთ ოსეთში, რუსულ-ქართული აგვისტოს ომის შემდეგ, პირველი შეუზღუდავი ვიზიტის საშუალება მიეცათ.
საქართველოს ოფიციალურ პირთა განცხადებების თანახმად, თბილისმა სეპარატისტული რეგიონის წინააღმდეგ 7 აგვისტოს შეტევა სამხრეთ ოსეთში ქართულ სოფლებზე გახშირებული თავდასხმების საპასუხოდ წამოიწყო. სამხრეთ ოსეთი საქართველოს კონტროლიდან 1990-იანი წლების დასაწისში გამოვიდა.
რუსეთი თავის მხრივ, საკუთარ გადაწყვეტილებას, გაეგზავნა ტანკები ქართველთა ჯარების მოსაგერიებლად, დაჟინებით იცავს და აცხადებს, რომ ეს პრომოსკოვურად განწყობილი რეგიონის მშვიდობიან მოქალაქეთა სიცოცხლის დასაცავად აუცილებელი ნაბიჯი იყო. დასავლელ სახელმწიფოთა უმეტესობა რუსეთის ქმედებას საქართველოს ტერიტორიული მთლიანობის შელახვად მიიჩნევს.
BBC-ის ფილმის ავტორი, ტიმ ჰიუ, ამბობს, რომ მისი მიზანი სამხრეთ ოსეთი მოქალაქეთა ვერსიის წარმოჩენაში მდგომარეობდა. დასავლეთი, მისი თქმით, ამ ვერსიას თითქმის არ იცნობს.
რეპორტაჟში ვეველი სამხრეთ ოსეთის დედაქალაქში, ცხინვალში დაბომბილ საცხოვრებელ შენობებს აჩვენებს.
”ცხინვალი, როგორც ამას რუსები ამტკიცებენ, მიწასთან არავის გაუსწორებია”-ამბობს ჰიუ-”მაგრამ შენობები, რომლებიც ახლაც არაა ბოლომდე დანგრეული, საშინლადაა დაზიანებული. გასაოცარია, ქართულმა თავდსხმამ სულ ორიოდე დღეში რამხელა ნგრევა გამოიწვია. დაზიანებული, ძირითადად ჩვეულებრივი სახლებია. ოსების თვალთახედვით, ეს კაცობრიობის წინააღმდეგ ჩადენილი დანაშაულია, რომელზეც მსოფლიომ თვალი დახუჭა.”
ჰიუ ქალაქის მცხოვრებელს, ტაია სიტნიკს ესაუბრება, მისი საცხოვრებელი კორპუსი ქართველთა შეტევის დროს საშინლად დაზიანდა.
”ჩვენ ტელევიზორს ვუყურებდით, როდესაც მათ სროლა დაიწყეს, ოღონდ თოფით არა, მძიმე არტილერიით” - ეუბნება სიტნიკი ჰიუს-”ყუმბარები სკდებოდა”. სიტნიკი შემდეგ იგონებს, როგორ ჩააკვდა ხელში 21 წლის ვაჟი გიორგი, სტუდენტი სტომატოლოგი, მას შემდეგ, რაც ქართული სატანკო ნაღმის ფრაგმენტი ყელში მოხვდა. იმ დროს ისინი თავს შენობის სარდაფს აფარებდნენ.
Human Rights Watch-ის მიერ მოპოვებული ფაქტები
ცხინვალის მთავარი ჰოსპიტალის ექიმმა BBC-ის ის მოუყვა, თუ როგორ ამოიღო მიზანში ის და მისი სამი ნათესავი ქართულმა ტანკმა, როდესაც 9 აგვისტოს ღამით გაქცევას ცდილობდნენ.
რეპორტაჟში დამწვარი მანქანის დაცხრილული ნარჩენებია ნაჩვენები, წინა კარზე ავტომობილს დიდი ღრმული აქვს.
BBC-ის მასალა Human Rights Watch-ის მიერ მოძიებულ მასალას ემთხვევა, უფლებაცვითმა ჯგუფმა რეგიონში შესვლა დაპირისპირების დასრულებისთანავე შეძლო.
Human Rights Watch აცხადებს, რომ მან შეაგროვა მასალა, რომლის თანახმადაც ქართველები ოსი მშვიდობიანი მოქალქეების წინააღმდეგ განურჩევლად იყენებდნენ ძალას და შესაძლოა სპეციალურად უმიზნებდნენ მშვიდობიან მოსახლეობას.
ორგანიზაცია რუსეთსაც ადანაშაულებს: ქართველთა წინააღმდეგ კლასტრეული ყუმბარების და სამხედრო ძალის განურჩეველი გამოყენება, რომელთაც მშვიდობიანი მოსახლეობის მსხვრეპლი მოყვა.
სამხედრო ძალის განურჩეველი გამოყენება ჟენევის კონვენციის დარღვევად ითვლება და შეიძლება სამხედრო დანაშაულის საფუძველი შექმნას-ბრალდბებს ორივე ქვეყანა სასტიკად უარყოფს.
ჰიუ ამბობს, რომ ის სულაც არ არის საქართველოს წინააღმდეგ განწყობილი. და მიუხედავად იმისა, რომ ძირითადად სამხრეთ ოსეთის დანაკარგებზე ფოკუსირდება, რეგიონის შიგნით ეთნიკურ ქართველთა სახლების სისტემატურ ნგრევასაც წარმოაჩენს.
მან რადიო თავისუფლების რუსულ რედაქციას განუცხადა, რომ მხოლოდ ის უნდოდა, დასავლურ მედიაში ომის ნაკლებად გაშუქებული ასპექტები წარმოეჩინა.
”მე არ მინდოდა შემეფასებინა, ვინ არის მართალი და ვინ მტყუანი”-განაცხადა ჰიუმ-”მაგრამ უნდა მეთქვა, რომ სამხრეთ ოსეთი, მსოფლიოს მიერ ცოტა არ იყოს დავიწყებულად მიიჩნევს თავს, განსაკუთრებით, დასავლეთის მიერ. მათ ისეთი შეგრძნება გაუჩნდათ, რომ მათი ბედი დასავლეთს არ ანაღვლებს”. რუსეთი აცხადებდა, რომ ქართველებმა სამხრეთ ოსეთში 2000 მშვიდობიანი მოქალაქე მოკლეს. Human Rights Watch-ს მიაჩნია, რომ 300-400 დაღუპული უფრო შეესაბამება სინამდვილეს.
ჰიუ ამბობს, რომ ეს რიცხვი ცხინვალის მოსახლეობის ერთ პროცენტზე მეტს შეადგენს, ანუ ლონდონში რომ 70 000 ადამიანი დაღუპულიყო, თანაფარდობა ეკვივალენტური იქნებოდა.
დასავლეთმა, რომელიც საქართველოს უჭერს მხარს, ასკვნის რეპორტაჟი, ქართველთა მიერ მშვიდობიანი მოსახლეობის უფლებათა შელახვაზე თვალი არ უნდა დახუჭოს.
”თუ მათი უმეტესობა, როგორც ეს ჩანს, ძალის განურჩეველი გამოყენების გამო დაიღუპა”-ამბობს ჰიუ-”ეს სამხედრო დანაშაულია, თუნდაც ის დასავლეთის ერთგულ მოკავშირეს ჩაედინა”
No comments:
Post a Comment