მარკუს ბენსმანი
14 ოქტომბერი 2008
ევროკავშირი აღმოსავლელმა დესპოტებმა გატეხეს – ყოველ შემთხვევაში, ასე გამოიყურება ლუქსემბურგში ევროკავშირის მიისტრთა თათბირი. ევროპაში შეშვებაზე აკრძალვები იმ დონეზე შესუსტდა, რომ ბელორუს მონარქს ალექსანდრე ლუკაშენკოს ევროპაში გამგზავრება ჩვეულებრივ შეუძლია. დესპოტი ისლამ კარიმოვის შემთხვევაში კი ევროკავშირმა შეზღუდვები მოხსნა სისხლიანი რეჟიმის მაღალი რანგის ჩინოვნიკებზე და მხოლოდ იარაღის მიწოდებაზე ემბარგოს მოქმედება გააგრძელა. ამასთანავე, უზბეკეთსა და ევროავშირს შორის იარაღით ვაჭრობა ჯერ კიდევ ამ ემბარგოს შემოღებამდე გაუქმდა.
ამ ყველაფერს ევროპელი მინისტრები იმით ხსნიან, რომ თითქოს ბელორუსსა და უზბეკეთში გარკვეული რეფორმები გატარდა. ორივე დიქტატორულმა რეჟიმმა ცოტა ხნის წინ ოპოზიციონერები და ადამიანის უფლებათა დამცველები ციხეებიდან გაანთავისუფლა, რომლებიც მანამდე იქ უდანაშაულოდ მოხვდენენ. თუმცა ამ ჯერზე ლუკაშენკო არჩევანში ისევ მოტყუვდა. უზბეკეთი ჟურნალისტების და უფლებადამცველების დაჭერას და წამებას, თუკი ისინი მთავრობის წინააღმდეგ მიდიან, კვლავ აგრძელებს.
ევროპის პოლიტიკა დესპოტებს ლამის ადამიანთა ვაჭრობისკენ უბიძგებს. როგორც ჩანს თავიდან მათ საკუთარი უდანაშაულო მოქალაქეები უნდა დაიჭირონ, შემდეგ კი აწამონ, რომ ეს ფაქტი მერე ევროკავშირთან ვაჭრობისთვის გამოიყენონ. თუკი მათ ევროკავშირის მხრიდან დათმობაზე წასვლა სურთ, ეს მეთოდი ამართლებს.
დაშოშმინების პოლიტიკას სტრატეგები კრემლსაც სთავაზობენ - საქართველოსთან ომის შემდეგ მისი ძალაუფლების შეზღუდვისთვის. ამით ევროპა საკუთარ თავზე იღებს ორმაგი სტანდარტებით მოქმედების პასუხისმგებლობას: სანამ დესპოტი სჭირდება, ბრიუსელი მის ცრუ რეფორმებს აქებს, ხოლო როდესაც ამის აუცილებლობა აღარ იქნება, ევროპა ადამიანის უფლებების დამცველი ხდება. ეს საშინელი შეცდომაა - ბატონების ლიკაშენკოს და კარიმოვის ქმედებები ხომ ძალიან სახიფათოა, რადგან ისინი არეულობის და არასტაბილურობის საფუძველს ქმნიან. ასეთი ქვეყნები დასავლეთის პარტნიორებად არ უნდა ითვლებოდნენ.
ევროკავშირი ორ სასტიკ დესპოტს დაეხმარა. ეს ევროპის შავი დღე იყო.
No comments:
Post a Comment