მეტ რობინსონი
29 სექტემბერი 2008
თბილისი (როიტერი) - ევროკავშირის სამეთვალყურეო მისია, რომელიც ცეცხლის შეწყვტის პირობების შესრულებას დააკვირდება, სრული მოცულობით შემოვიდა საქართველოს ტერიტორიაზე. ისინი უკვე შეხვდნენ რუსულ შენაერთებს იმისთვის, განიხილონ რუსული ჯარების გასვლის საკითხი დაკავებული ტერიტორიებიდან-თქვა ორშაბათს ევროკავშირის წარმომადგენელმა.
ცეცხლის შეწყვეტის ხელშეკრულების თანახმად, რომელიც ევროკავშირის შუამავლობით დაიდო, რუსულმა ჯარმა უნდა დატოვოს ”ბუფერული ზონები” სამხრეთ ოსეთთან და აფხაზეთთან, ევროკავშირის მისიის გაშლიდან ათი დღის ვადაში, 10 ოქტომბრისათვის.
მისიის წარმომადგენელმა, ანონიმურობის დაცვის პირობით, განაცხდა, რომ 300-ზე მეტი ევროპელი დამკვირვებელი და მისიის სხვა თანამშრომლები უკვე საქართველოში არიან და საველე ოფისების განლაგება დასავლეთ და ცენტრალურ საქართველოში დაწყებულია.
”1 ოქტომბრისთვის მისია მოვალეობების შესრულებისთვის მზად იქნება” - უთხრა ოფიციალურმა პირმა როიტერს”-”ტექნიკურ საკითხებზე რუსული მხარის წარმომადგენლებს კვირის განმავლობაში შევხვდებით”.
რუსეთის შეიარაღებულმა ძალებმა ქვეყნის სამხრეთის საზღვრები აგვისტოს დასაწყისში გადმოლახეს იმისთვის, რომ მოეგერიებინათ აშშ-ს ერთგული მოკავშირის, ექს-საბჭოთა საქართველოს შეტევა, რომლის მეშვეობითაც მას სამხრეთ ოსეთის დაბრუნება და მისი პრომოსკოველი სეპარატისტებისგან გათავისუფლება უნდოდა.
რუსეთმა ქართულ ჯარს უკან, საქართველოს ტერიტორიისკენ დაახევინა, რაც დასავლეთმა დაგმო, თუმცა სანქციები არ დაუწესებია.
ცეცხლის შეწყვეტის შეთანხმების თანახმად, ევროკავშირმა მონიტორინგისათვის რეგიონში 200 მეთვალყურის გაგზავნა უზრუნველყო.
ეუთომ ასევე დადო პირობა, რომ დამატებით 100 მეთვალყურეს გამოაგზავნის. 20 მეთვალყურე უკვე ადგილზეა, დანარჩენი 80-ის შემოყვანა დაიბლოკა რუსეთთან უთანხმოების გამო, რადგან ის უარს ამბობს მათ დაშვებაზე სამხრეთ ოსეთის ტერიტორიაზე.
რუსეთი აცხადებს, რომ მეთვაყურეთა ოპერირება სეპარატისტულ რეგიონში დაუშვებელია, რადგან მან უკვე სცნო ისინი, როგორც დამოუკიდებელი სახელმწიფოები. რუსეთი სამხრეთ ოსეთსა და აფხაზეთში 7600 მეომრის დატოვებას გეგმას.
ევროკავშირის მეთვალყურეთა უმეტესობას პოლიციაში ან შეიარაღებულ ძალებში მუშაობის გამოცდილება აქვს. ისინი არ არიან შეირაღებულნი, მაგრამ უზრუნველყოფილნი არიან მსუბუქი ტიპის ჯავშანტრანსპორტიორებით.
მეთვალყურეები განთავსდებიან ოთხ საველე ოფისში - თბილისში, გორში- სამხრეთ ოსეთის სამხრეთით, ზუგდიდში, ფახაზეთის საზღვრებთან და საპორტო ქალაქ ფოთში, რომელიც რუსულმა ჯარებმა სექტემბრის დასაწყისში დატოვეს.
სწრაფი რეაგირების რაზმი თბილისში დისლოცირდება.
საქართველო მოუთმენლად ელის რუსული ჯარების გასვლას, რადგან მათმა შემოჭრამ შეაშფოთა ინვესტორები, დარტყმა მიაყენა განვითარების პერსპექტივებს, ხოლო პრეზიდენტ მიხეილ სააკაშვილთან დაკავშირებით კითხვები გააჩინა.
ხუთდღიანმა ომმა კავკასიის უსაფრთხოების გამო დასავლეთში ღრმა შეშფოთება გამოიწვია, რადგან რეგიონი კავკასიის ზღვიდან მომავალი გაზისა და ნავთობის სატრანზიტო სივრცედ განიხილება. ამ მილსადენმა ენერგორესურსები ევროპას, რუსეთის გვერდის ავლით, უნდა მიაწოდოს.
დასავლეთის სახელმწიფოთა შორის, რუსეთის გააფთრებული ოპონირების ფონზე, სულ უფრო მწვავდება დისკუსია საქართველოს ნატოსთან მიერთების მიზანშეწონილობის შესახებ.
ორიგინალი
No comments:
Post a Comment