ლეონარდო კოენი
12 ოქტომბერი 2008
"ვფიქრობ ევროპა დაგვეხმარება. არავინ იცის, საქართველოსა და რუსეთს შორის – ორივე ჩემი სამშობლოა – ურთიერთობა როდის აღდგება. დღეს ჩემი მეგობრების, ნათესავების და ბევრი სხვა ადამიანისთვის სახიფათო სიტუაცია შეიქმნა. ვიცი რომ ფრთხილად უნდა მოვიქცე. მაგრამ ეს არ ნიშნავს იმას, რომ ხმა არ უნდა ამოვიღო".
რუსეთში მილიონზე მეტი ქართველი ცხოვრობს. 33 წლის თინა კანდელაკი ერთ-ერთი მათგანია - რუსეთის ტელევიზიის ცნობილი, ლამაზი ვარსკვლავი, რომელსაც ტელეარხზე CTC ბევრი პოპულარული გადაცემა მიყავს. მოსკოვში ის 10 წლის წინ ჩამოვიდა და წარმატებას მალევე მიაღწია. ყოველდღე, პრუსიული რეგულარულობით, საკუთარ გადაცემებში აცადებს, რომ "წარმოშობით ასპროცენტიანი ქართველი ვარ, მე ჩემს ერზე, კულტურაზე ვსაუბრობ", რადგან იგი დარწმუნებულია, რომ რუსებს ქართველები არ სძულთ, ომის შემდეგაც კი. პირიქით.
მას ხშირად ერთი წიგნიდან ციტატა მოყავს, რომელიც ოთხ ხელში ანდრეი ბიტოვმა და რეზო გაბრიაძემ დაწერეს. აქ მათი დიალოგია მოყვანილი "ვინ არიან ქართველები". რუსი ბიტოვი, აზუსტებს თინა, "გენიალურ რაღაცას ამბობს: "ჩვენ ვუყურებდით ქართველებს და ყოველთვის გვესმოდა, რომ ისინი ჩვენზე ოდნავ ლამაზები, ღირსეულები და მხიარულები იყვენენ. სხვა სიტყვებით რომ ვთქვათ, ისინი თითქმის რუსები არიან, უბრალოდ ოდნავ უკეთესი რუსები. ისინი ჩვენ გვგვანან, მაგრამ ისეთი რუსები არიან, ჩვენ რომ ვესრასდროს გავხდებით". ბიტოვის სიტყვებში კარგად ჩანს, თუ როგორი ურთიერთობა გვაკავშირებს ერთმანეთთან. ასე საუბარი ქართველებზე მხოლოდ რუსებს შეუძლიათ".
თოქ-შოუს მიმდინარეობისას, რომელშიც მონაწილეობას ხშირად პოლიტიკოსები, არტისტები და ინტილიგენციის წარმომადგენლები იღებდნენ, კანდელაკი ყველას უხსნიდა, რომ რუსეთსა და საქართველოს შორის კონფლიქტი - "ან რუსეთსა და შეერთებულ შტატებს შორის" – 8 აგვისტოზე "გაცილებით ადრე" დაიწყო. "ჩემი ქვეყანა საჯილდაო ქვად იქცა", - იმეორებს კანდელაკი CTC-ის სტუდიის პატარა ოთახში, სადაც ჩვენი შეხვედრა გაიმართა: "რუსეთსა და საქართველოს შორის ომი არ არსებობს. არსებობს მხოლოდ გლობალური ცვლილებები, რომელმაც რუსეთის ამერიკასთან დაპირისპირება გამოიწვია. ქართველები აქ ყველაზე მეტად დაზარალდნენ. მათ უზარმაზარი მსხვერპლი გაიღეს, როგორც ადამიანური, ასევე ეკონომიკური".
ის თვლის, რომ ყველა ქართველის აზრს გამოხატავს, რომლებსაც ხმამაღლა ლაპარაკის საშუალება არ აქვთ. მათ რომ ეს შეეძლოთ, "რუსეთთან ურთიერთობები სხვაგვარი იქნებოდა". მაგალითად, ისინი იტყოდნენ, რომ საქართველო არ არის ის ქვეყანა, რომელსაც პრეზიდენტად სააკაშვილი უნდა. "არსებობს კარგი რუსული ანდაზა, რომელიც ყველაზე კარგად ერგება სააკაშვილს: ძალაუფლება და ფული რყვნის. ძალაუფლება – ერთ-ერთი ყველაზე მკაცრი განსაცდელია. ვფიქრობ, ძალაუფლება მისთვის საშინელ ტვირთად იქცა, რომელსაც ვერ გაუძლო. ჩვენთვის ქართველებისთვის, ის სუსტი პრეზიდენტია". თინას ამ მოსაზრებას თბილისში ნეგატიურად შეხვდნენ. ის ოპორტუნიზმში და კრემლთან ფლირტში დაადანაშაულეს. თინა ამან აღაშფოთა. ერთი წლის წინ მას ქართველებმა რუსთავი 2-ის, რეჟიმთან დაახლოვებული არხის ხელმძღვანელობა შესთავაზეს. თინამ უარი თქვა, რადგან "ჩემთვის ძალიან რთულია ხელისუფლებასთან ამდენად ახლოს ყოფნა". მოსკოვში ასე არ არის?
"მოდით ასე ვთქვათ: ჩემი ბედი, რუსეთის ფედერაციის პრეზიდენტზე მიბმული არ არის, იმ დროს როდესაც საქართველოში პირდაპირ სააკაშვილზე ვიქნებოდი დამოკიდებული". ოპოზიციონერობა, კარიერის დასაცავად? თინა აპროტესტებს: "მე ამას იმიტომ ვამბობ, რომ ვნერვიულობ ქართველებზე, რომლებიც აქ ცხოვრობენ. მე მთხოვენ, რომ ასე გავაკეთო. ქსენოფობია – რეალური საფრთხეა. ჩემს ბლოგზე ვიღაცამ მომწერა: "წაეთრიე. აქ რას აკეთებ თუკი ქართველი ხარ?". დღეს საქართველოში ერთადერთი დოქტრინა არსებობს, და ყველა არხი მას ახმოვანებს. საბედნიეროდ ინტერნეტი ჯერ კიდევ არსებობს, და ქსელში ათასგვარი მოსაზრების წაკითხვა შეიძლება”. იმ მოსაზრებების, რომელთა გამოხატვაც მას თავისუფლად შეუძლია, "რადგან ყველა ჩემი ნათესავი უკვე რუსეთში ცხოვრობს. მათ კი ვისაც ნათესავები საქართველოში ჰყავთ, ლაპარაკის ეშინიათ".
ორიგინალი
No comments:
Post a Comment