არიელ თედრელი
28 ოქტომბერი 2008
რეგიონში ევროკავშირის დამკვირვებლების არსებობის მიუხედავად, მოსკოვი საკუთარი პირობების კარნახს აგრძელებს.
ევროკავშირის 225 დამკვირვებლის არსებობის მიუხედავად, რომლებსაც საქართველოში საომარი მოქმედებების შეწყვეტაზე კონტროლი ევალებათ, მოსკოვი აგრძელებს აფხაზეთისა და სამხრეთ ოსეთის მცოცავ ანექსიას. პირველი ოქტომბრიდა, ანუ მისიის ამოქმედების დღიდან თბილისსა და მის სეპარატისტულ რეგიონებს შორის ინციდენტების რიცხვი იზრდება და შეთანხმების დარღვევაში მხარეები ერთმანეთს ადანაშაულებენ.
ამ პოლემიკაში ევროკავშირის დამკვირვებლებსაც არ ინდობენ. აფხაზეთის ლიდერი სერგეი ბაღაფში ევროკავშირის დამკვირვებლებს ბრალს დებს, რომ ისინი საქართველოს მთავრობის "პროვოკაციების" იგნორირებას ახდენენ, მაშინ როცა თბილისი "მასშტაბურ ტერორისტულ აქციას" ახორციელებს. ბაღაფში, კვირას საღამოს, მდინარე ენგურის ხიდზე მომხდარ ორიმხრივ სროლას გულისხმობს, სადაც აფხაზეთის სამხედრო დაზვერვის სამსახურის ხელმძღვანელი დაიღუპა.
პასპორტები და რუსეთის ბაზები
უკვე გასულ ხუთშაბათს, რუსეთის საგარეო უწყების ხელმძღვანელმა, სერგეი ლავროვმა ევროკავშირის დამკვირვებლებზე პირველი შეტევა მიიტანა და გაოცება გამოთქვა, "თუ რამდენად ცოტა ყურადღებას უთმობენ" ისინი ქართული ჯარის მოქმედებას, რაზეც პარიზმა ლავროვს ისეთი კომენტარებისგან, რომლებიც რეგიონში სტაბილურობს დამყარებას ხელს უშლიან, თავის შეკავება ურჩია.
ევროპული მისიის ხელმძღვანელი ჰანს იორგ ჰაბერი, თავის მხრივ, მოსკოვს საქართველოს მხრიდან შეთანხმების დარღვევის დამადასტურებელი ფაქტების წარმოდგენას სთხოვს. "ჩვენ ვერანაირ დეტალებზე ინფორმაციას რუსული მხარისგან ვერ ვიღებთ", რომელიც დაადასტურებდა ქართული მხარის ძალადობრივ მოქმედებას, ეს შეაფასებები "გაზვიადებულია", განაცხადა ჰაბერმა: "ცალკეული სროლები ხდება, მაგრამ სერიოზული ინციდენტი დარეგისტრირებული არ ყოფილა".
ევროკავშირის მისიის ხელმძღვანელმა იმაზეც დაიჩივლა, რომ რუსულ ჯარებთან "დასაკავშირებლად მას ტელეფონის ნომერიც კი არ აქვს". იმის გამო, რომ დამკვირვებლებს აფხაზეთსა და სამხრეთ ოსეთში არ უშვებენ, მათ არ შეუძლიათ იმის გარკვევა, თუ რა ხდება ამ ტერიტორიებზე სინამდვილეში.
მოსკოვი, რომელმაც პირობა დადო, რომ ამ სეპარატისტული რეგიონებიდან თითოეულში 3 700 ჯარისკაცს განათავსებდა, მარტო სამხრეთ ოსეთში სამხედრო კონტიგენტი 7 000 კაცამდე გაზარდა. ახალგორის რაიონში 40 ტანკი შეიყვანა, ხოლო სექტემბერში ხელი მოეწერა შეთანხმებას აქ სამხედრო ბაზების განთავსებაზე. სამოქალაქო პირებმა, რომლებსაც სამხრეთ ოსეთში ცხოვრება სურთ რუსული პასპორტები უნდა მიიღონ. პარასკევს კი რუსებმა აფხაზეთის დასავლეთ საქართველოსთან დამაკავშირებელი სარკინოგზო გზაც ააფეთქეს - სეპარატისტულ რეგიონებში მცხოვრები ქართველების იზოლაციაში მოსაქცევად.
ჰანს იორგ ჰაბერის განცხადებები მოსკოვს ხელს არ შეუშლის საკუთარი პირობების კარნახით იმოქმედოს, თუმცა ორშაბათს დისკუსიები მაინც დაიწყება, რათა დამკვირვბებლებმა რეგიონებში შესვლის უფლება მოიპოვონ.
ორიგინალი
No comments:
Post a Comment