რეგინა პელი
14 ოქტომბერი 2008
ლუქსემბურგი - ჯარების გაყვანის მიუხედავად, ევროკავშირის საგარეო საქმეთა მინისტრები მოლაპარაკების დაწყებას მწვანე შუქს არ აძლევენ.
რუსეთს ევროკავშირთან თანამშრომლობის ხელშეკრულებაზე მოლაპარაკებების დაწყებისთვის, ცდა მოუწევს.
ფაქტობრივად, რუსეთმა "კეთილი ნება" გამოხატა, როდესაც 1 ოქტომბერს საქართველოდან ნელ-ნელა ჯარების გაყვანა დაიწყო. ევროკავშირი ამას აგვისტოს კონფლიქტის მშვიდობიანი დარეგულირების გეგემის მიხედვით მოითხოვდა. თუმცა, ჯარების გაყვანა, რომელიც გასულ კვირას დასრულდა, საკმარისი არ არის და ის, რომ ეს პროცესი წარმატებული იყო ჯერ არ დადასტურებულა, ამბობენ დიპრლომატიურ წრეებში.
ევროკავშრის დამკვირევებელთა მისიამ, რომელიც 1 ოქტომბრიდან საქართველოში იმყოფება, ჯერ ჯარების გაყვანის პროცესი და საქართველო-რუსეთის შეთანხმების პირობების შესრულება უნდა გააკონტროლოს. რუსეთთან მოლაპარაკების განახლებისთვის - სავაჭრო და ენერგორესურსების მიწოდების საკითხებზე - გადამწყვეტი გახდება ის თუ როგორ მოიქცევა ხვალ რუსეთი ჟენევის კონფერენციაზე, რომელიც საქართველოს უსაფრთხოებას ეხება: მოსკოვმა თანამშრომლობისთვის მზადყოფნა უნდა გამოხატოს, ამბობენ ლუქსემბურგში.
ევროკავშირის სამიტზე გადაწყვეტილებას მიიღებენ?
აგვისტოში, რუსეთი კრიტიკის ქარცეცხლში გაეხვა, არამხოლოდ საქართველოში შეჭრის, არამედ მისი აჯანყებული რეგიონების აფხაზეთის და სამხრეთ ოსეთის დამოუკიდებლობის აღიარების გამოც. ნიკარაგუას გარდა, ის ერთადერთ ქვეყნად რჩება, რომელმაც ამ პროვინციების დამოუკიდებლობა ცნო. ორივე ტერიტორიაზე ათასობით რუსი ცხოვრობს. ევროკავშირი კი თავის მხრივ დაჟინებით ითხოვს "საქართველოს მთლიანობის" პატივისცემას. იგევეა ნათქვამი სარკოზის სამშვიდობო გეგმაში, რომელსაც მოსკოვმა ხელი მოაწერა.
თუკი ჟენევის კონფერენციის შედეგები დამაკმაყოფილებელი აღმოჩნდა, მაშინ ევროკავშირი-რუსეთის პარტნიორობის ხელშეკრულებაზე მოლაპარაკებების განახლების საკითხს, ევროკავშირის ქვეყნების და მთავრობის მეთაურთა სამიტზე განიხილავენ, რომელიც ბრიუსელში უკვე ამ კვირაში გაიმართება, ოთხშაბათს და ხუთშაბათს, მიაჩნიათ მინისტრებს. ავსტრია "დიალოგის გაგრძელების" პრინციპული მომხრეა.
ორიგინალი
No comments:
Post a Comment