ენდრიუ სფეროუ
29 სექტემბერი 2008
ბირმინგჰემში ყველა ჯორჯ ოსბორნის გამოსვლას ველოდებოდით, რომელსაც ეკონომიკის საკითხებზე უნდა ესაუბრა, რომ ამ დროს, ელექტორნული ფოსტით სტრასბურგიდან დამაინტრიგებელი წერილი მივიღე, სადაც დენის მაკშეინი კითხვას სვამდა – რატომ რჩებოდნენ ბრიტანელი კონსერვატორები ალიანსში პრო-პუტინისტ რუსებთან?
გასულ თვეს, მას შემდეგ რაც დევიდ კამერონმა რუსეთი საქართველოს მიმართ აგრესიის გამო გააკრიტიკა, მაკშეინმა მას ფარისევლობაში დასდო ბრალი, რადგან კონსერვატორები ერთადერთი წამყვანი ევროპული პარტიაა, რომელიც ევროპის საბჭოს საპარლამენტო ასამბლეაში კრემლის დელეგატებთან ერთად ფრაქციაშია გაერთიანებული.
პერიოდულად ამის შესახებ ვწერდი ხოლმე, რასაც როგორც ჩანს გარკვეული ეფექტიც მოჰყვა, რადგან მოგვიანებით ტორებმა თავად მითხრეს, რომ ისინი ალიანსიდან გამოსვლას გეგმავდენ. სპიკერმა განაცხადა:
"საქართველოში განვითარებული მოვლენების გამო, ჩვენ არ გვჯერა რომ არსებული თანამშრომლობა ევროსაბჭოს საპარლამენტო ასამბლეის ევროპულ დემოკრატიულ ფრაქციაში ძველებურად გაგრძელდება".
თუმცა, ევროსაბჭოს საპარლამენტო ასამბლეის შეხვერა სტრასბურგში ამ კვირაში იმართება და მაკშეინს თუ დავუჯერებთ, "ტორი-გაერთიანებული რუსეთის" ალიანსი კვლავ ძალაშია, ფრაქციაში როგორც ჩანს არანაირი ცვლილება მოსალოდნელი არ არის. მაკშეინმა ასეთი შინაარსის მეილი მომწერა:
"ეს წუთია დავინახე, როგორ გაემართა ყველა ტორი მერვე ოთახისკენ კრემლის ბიჭებთან შესახვედრად".
მაკშეინმა თქვა, რომ ამ კვირაში წამყვანი თემა რუსეთსა და საქართველოზე დებატებია. რუსები ორგანიზებას უკეთებენ სამხრეთ ოსეთელების პრო-მოსკოვურ დემონსტრაციას, მაგრამ მან აღნიშნა, რომ ასამბლეაზე გარკვეული მოძრაობები სხვა ქვეყნების დელეგაციების მხრიდან შეიმჩნევა, რომელთაც სურთ მოსკოვის გადაწყვეტილებას - სამხრეთ ოსეთის დამოუკიდებლობის აღიარებასთან დაკავშირებით - პროტესტის ნიშნად რუსეთის დელეგაციისთვის უფლებამოსილების შეჩერებით უპასუხონ. მაკშეინის განცხადებით "ეს ერთადერთი სამართლიანი გადაწყვეტილება იქნება", მაგრამ მან არ იცის ტორები ამ გადაწყვეტილებას რამდენად დაეთანხმებიან.
ევროპის საბჭოს ვებსაიტის მონაცემებით, ტორები რუსებთან ერთად კვლავ ევროპის დემოკრატთა ფრაქციაში ირიცხებიან. მე კონსერვატორების პარტიას დავუკავშირდი და იმ განცხადებაზე, რაც მათ ადრე გააკეთეს კომენტარი ვთხოვე. პრეს ოფისერი დამპირდა, რომ მოგვიანებით თავად დამიკავშირდებოდა.
1.30 pm: კომენტარი მივიღე. პარტიის სპიკერმა მითხრა: "როგორც ჩვენ უკვე განვაცხადეთ, საქართველოში განვითარებული მოვლენების გამო, არ გვჯერა რომ არსებული თანამშრომლობა ევროპის დემოკრატიულ ფრაქციაში ძველებურად გაგრძელდება. ჩვენ კონსულტაციებს ვმართავთ პარტნიორებთან, მათ შორის სხვა ფრაქციებთანაც, სადაც ასევე შედიან რუსული პარტიები".
No comments:
Post a Comment