30 სექტემბერი 2008
ევროკავშირის 300-მდე დამკვირვებელი 22 ქვეყნიდან საქართველოდან რუსული ჯარის გაყვანის პროცესს დააკვირდება.
ისინი პატრულირებას ოთხშაბათს დაიწყებენ. რუსეთმა განაცხადა, რომ ”ბუფერული ზონებიდან” ჯარის გაყვანას 10 ოქტომბრისთვის დაასრულებს.
რუსეთის ჯარები ამ ზონებში აგვისტოს ხუთდღიანი ომის შემდეგ დარჩნენ. მაშინ რუსეთმა ორი სეპარატისტული რეგიონიდან -სამხრეთ ოსეთიდან და აფხაზეთიდან ქართული შეირაღებული ძალები განდევნა.
ევროკავშირის საგარეო პოლტიკის ხელმძღვანელი ჰავიერ სოლანა სამშაბათს ევროკავშირის მისიის ინსპექტირებას განახორციელებს.
ის საქართველოს პრეზიდენტს, მიხეილ სააკაშვილს შეხვდება და ქალაქ გორში ლტოლვილებს ეწვევა .
რუსული ჯარების გაყვანა ცეცხლის შეწყვეტის ხელშეკრულების პირობებითაა განსაზღვრული. შეთანხმება საფრანგეთის პრეზიდენტის ნიკოლა სარკოზის შუამავლობით დაიდო.
მაგრამ რუსეთი სამხრეთ ოსეთისა და აფხაზეთის ტერიტორიებზე 8000 კაციანი კონტიგენტის დატოვებას აპირებს. მან ამ რეგიონების დამოუკიდებლობა აღიარა.
დასავლელმა ლიდერებმა დაგმეს, როგორც ბუფერული ზონების არსებობა, ასევე რუსეთის მიერ ორი რეგიონის დამოუკიდებლობის აღიარება.
ევროკავშირს უნდა, რომ მისი დამკვირვებლები სეპარატისტულ რეგიონებშიც შევიდნენ, მაგრამ აქ განლაგებული რუსული შენაერთების სპიკერმა, ვიტალი მანუშკომ განაცხადა, რომ ევროკავშირის მეთვალყურეთა ”მთავარი მისია იმაში მდგომარეობს, რომ გააკონტროლოს სიტუაცია უსაფრთხოების ზონებში”. მან ხაზი გაუსვა იმას, რომ სამხრეთ ოსეთის ტერიტორიაზე მეთვალყურენი არ შევლენ.
ევროკავშირისა და რუსეთის მოლაპარაკებები
კონფლიქტი რეგიონში 7 აგვისტოს დაიწყო, როდესაც საქართველომ, მცირემასშტაბიანი შეტაკებების მთელი სერიის შემდეგ, სამხრეთ ოსეთის დაბრუნება ძალით სცადა.
რუსეთმა კონტრშეტევა წამოიწყო და რამდენიმე დღეში ქართულმა ჯარმა, როგორც სამხრეთ ოსეთის, ასევე აფხაზეთის ტერიტორიები დატოვა. ევროკავშირის მეთვალყურენი უკვე შეხვდნენ რუსული შეიარაღებული ძალების წარმომადგენლებს და განიხილეს რუსული ჯარის გასვლის პირობები, განაცხადა რუსეთის თავდაცვის მინისტრმა.
სამინისტროს სპიკერმა, გენერალ-ლეიტენანტმა უვაროვმა აღნიშნა, რომ რუსეთმა გააუქმა 5 საკონტროლო პუნქტი აფხაზეთის საზღვართან, ფოთში.
როგორც რუსული საინფორმაციო სააგენტო გადმოსცემს, რუსეთს მოცემულ მომენტამდე სამხრეთ ოსეთთან 9 საკონტროლო პუნქტი აქვს დატოვებული, ხოლო აფხაზეთთან -3.
ევროკავშირის მეთვალყურენი განთავსდებიან 4 ოფისში-დედაქალაქში, თბილისში, გორში-სამხრეთ ოსეთის სამხრეთით, ზუგდიდში, აფხაზეთის საზღვრებთან და საპორტო ქალაქ ფოთთან-განაცხადა საინფორმაციო სააგენტო ”როიტერმა”.
No comments:
Post a Comment