ენ პენკეტი
16 ოქტომბერი 2008
რუსეთ-საქართველოს დიპლომატიური ომი გუშინ ჟენევაში, გაეროს დარბაზებში განახლდა, სადაც რუსეთის დელეგაციამ საქართველოსგან გამოყოფილი რეგიონების მომავლისადმი მიძღვნილ მოლაპარაკებებზე დააგვიანა, შემდეგ კი დროზე ადრე ქარიშხალივით გამოვარდა შეხვედრიდან.
საერთაშორისო თანამეგობრობის მიერ ორგანიზებული მოლაპარაკებები, როგორც ჩანს თვეების მანძილზე გაგრძელდება. შემდეგი სესიის გამართვა 18 ნოემბერს იგეგმება.
მოლაპარაკებები იმ სამშვიდობო შეთანხმების გაგრძელებაა, რომელმაც ორ ქვეყნას შორის აგვისტოს ექვსდღიანი ომი დაასრულა. ის ევროკავშირის და ევროპის უსაფრთხოებისა და თანამშრომლობის ორგანიზაციის მხარდაჭერით იმართება. ევროკავშრის საგანგებო დავალებათა ელჩის პიერ მორელის განცხადებით, მოლაპარაკებები "პროეცდურული სირთულეების" გამო გადაიდო.
მოლაპარაკებები დამოკიდებულია აფხაზეთის და სამხრეთ ოსეთის ლიდერების მონაწილეობაზე. ამ რეგიონების დამოუკიდებლობა რუსეთმა ომის დასრულების შემდეგ აღიარა, რასაც საქართველოს და დანარჩენი მსოფლიოს პროტესტი მოყვა. კონფლიქტი მას შემდეგ დაიწყო, რაც საქართველოს შეიარაღებულმა ძალებმა ტერიტორიების დაბრუნება სცადეს, მაგრამ რუსეთმა საპასუხო ზომები მიიღო და საქართველოს ტერიოტორიაზე ღრმად შეიჭრა.
რუსეთის დელეგაციამ, რომელსაც საგარეო საქმეთა მინისტრის მოადგილე გრიგორი კარასინი ხელმძღვანელობდა შეხვედრაზე 50 წუთით დააგვიანა, და მხოლოდ მას შემდეგ გამოჩნდა, რაც საქართველომ მოლაპარაკებებში რუსეთის მიერ მხარდაჭერილი აფხაზეთის და სამხრეთ ოსეთის ლიდერების თანაბარი სტატუსით მონაწილეობა გააპროტესტა. პროცესთან დაახლოვებული წყაროების ცნობით რუსული და ქართული დელეგაციები ერთმანეთს პირისპირ არ შეხვედრიან.
შეხვედრაზე ევროკავშირის მიერ მხარდაჭერილი შეთანხმება უნდა განხილულიყო, კერძოდ უსაფრთხოების, დევნილების დაბრუნებისა და ადამიანის უფლებათა დაცვის საკითხები. ნიკოლა სარკოზის შუამავლობით დადებული აგვისტოს შეთანხმება ითვალისწინებდა მოლაპარაკებებს "აფხაზეთსა და სამხრეთ ოსეთში უსაფრთხოებასა და სტაბილურობის ზომების" უზრუნველყოფაზე. მანამდე, საქართველოს მხარემ უარი განაცხადა რუსეთის მოთხოვნაზე ამ რეგიონების სტატუსის განხილვა მოლაპარაკებების ნაწილი გამხდარიყო.
გუშინ საღამოს ვერ გადაწყდა ვერც ევროკავშირი-რუსეთის მომავალი ურთიერთობების ბედი. ევროპა ვერ თანხმდება იმაზე, თუ როგორ უნდა მოქეცენენ რუსეთს საქართველოს კონფლიქტის შემდეგ. ევროკავშირის თავმჯდომარე ქვეყანა საფრანგეთი იმედოვნებდა, რომ მოსკოვთან შეწყვეტილი მოლაპარაკებები ევროკავშირთან პარტნიორობის საკითხებზე, განახლდებოდა. მაგრამ, ყოფილი საბჭოთა რესპუბლიკების ბლოკს, რომლებიც ახლა ევროკავშირის წევრები არიან სურთ, რომ მოლაპარაკებების განახლებამდე რუსეთმა მთლიანად დატოვოს საქართველოს ტერიტორია.
იტალიის პრემიერ-მინისტრმა სილვიო ბერლუსკონიმ, რომელიც მოსკოვთან პარტნიორული ურთიერთობების მომხრეა, გუშინ განაცხადა, რომ უახლოეს მომავალში რუსეთის ევროკავშირში გაწევრიანების მომხრეა და ამ საკითხზე აქტიურ მუშაობას გეგმავს.
No comments:
Post a Comment