მარკუს ბერნატი
27 ოქტომბერი 2008
ოპოზიციასთან ძალების მოსინჯვის დრო ახლოვდება: პოლიციის მიერ მასობრივი მიტინგის ჩახშობის წლისთავზე და რუსეთთან ომის წაგების შემდეგ, სააკაშვილს შიდაპოლიტიკური ანგარიშსწორების ჟამი დაუდგა.
საქართველოს მთავარმა პირმა ორშაბათს პრემიერი გამოცვალა. იმავე დღეს, მისმა ერთ-ერთმა მთავარმა მოწინააღმდეგემ, პარლამენტის ყოფილმა თავმჯდომარემ ნინო ბურჯანაძემ პარტიის შექმნის შესახებ განცხადება გააკეთა. ბურჯანაძემ, რომელიც 2003 წლის ნოემბრის ვარდების რევოლუციიდან სააკაშვილის თანამებრძოლი იყო, პრეზიდენტი აგვისტოს ომის და ცხინვალზე შეტევის განხორციელების გამო მკაცრად გააკრიტიკა.
"მომავალში, პატარა შეცდომაც კი ქვეყნისთვის შესაძლოა ფატალური შედეგით დასრულდეს", აფრთხილებს ბურჯანაძე გასულ პარასკევს გამოქვეყნებულ თავის ღია წერილში სააკაშვილს. მან ომის წაგებაში პრეზიდენტის ცნობილი ტემპერამენტი და რუსეთის არმიასთან დამარცხებაზე "უაზრო, ცინიკური პროპაგანდისტული პასუხი" დაადანაშაულა.
7 ნოემბრის მასობრივი მიტინგი
ჯერ კიდევ გასულ კვირამდე საქართველოს მთავრობამ რუსული ვებ გვერდები დაბლოკა. სააკაშვილმა გასულ დღეებში, უშიშროების საბჭოს სხდომაზე გამოსვლისას "გრძელვადიან საფრთხეზე" ისაუბრა, რომელშიც საქართველო რუსეთთან პირისპირ იმყოფება და მას "ძალიანი ბოროტი და გააფთრებული ძალა" უწოდა. საქართველოს მთავრობის მიერ გაკეთებული ინფორმაციის ფონზე: სამხრეთ ოსეთში რუსეთს დიდი რაოდენობით იარაღი შეაქვს, არღვევეს საჰაერო სივრცეს, ურთიერთსროლებია სამხრეთ ოსეთის პოლიციასთან და ქართველი გუბერნარტორი აფხაზეთის საზღვართან მოკლეს, - საქართველოს მოსახლეობა საომარი მდგომარეობის განცდით უნდა ცხოვრობდეს. ქართულ ოპოზიციას სხვა გეგმები აქვს: მან 7 ნოემბერს დიდი დემონსტრაციის მოწყობის შესახებ განაცხადა.
თარიღი შემთხვევით არ შერჩეულა. ერთი წლის წინ, ქვეყნის დედაქალაქში ოპოზიციის მხარდამჭერებს და სამართალდამცავებს შორის, რამდენიმე კვირიანი საპროტესტო აქციების შემდეგ, შეტაკება მოდა. სააკაშვილმა დემონსტრაცია ძალის გამოყენებით დაშალა, და მისი დასავლელი პარტნიორების შეშფოთების მიუხედავად, ქვეყნაში საგანგებო მდგომარეობა გამოაცხდა. მთავრობამ 2007 წლის ნოემბრის კრიზისით ვერაფერი ისწავლა, წერს თავის ღია წერილში ბურჯანაძე, და მხოლოდ "ზედაპირული, ფასადური ცვლილებებით შემოიფარგლა".
ბურჯანაძემ საკაშვილთან პოლემიკა გაზაფხულზე საპარლამენტო არჩევნებამდე დაიწყო, რომელზეც პრეზიდენტის პარტიამ მანდატების აბსოლუტური უმრავლესობა მოიპოვა. ოპოზიციური პარტიების დიდი ნაწილი პარლამენტს ბოიკოტს უცხადებს. ახლა ბურჯანაძე ვადამდელ არჩევნებს ითხოვს. აქამდე საქართველოს ახალი პრემიერ მინისტრი გრიგოლ მგალობლიშვილი (35 წლის) თურქეთში ელჩი იყო. ის ვარდების რევოლუციის შემდეგ საქართველოს მთავრობის მეოთხე პრემიერია. მან ლადო გურგენიძე (37) შეცვალა, რომელიც ამ თანამდებობაზე შარშან, ნოემბრის შეტაკებების შემდეგ დაინიშნა. გურგენიძე, რომელიც უფრო ადრე საქართველოს ბანკის მმართველი საბჭოს ხელმძღვანელი იყო, მთავრობაში კვლავაც გააგრძელებს მუშაობას. ორშაბათს სააკაშვილმა განაცხადა, რომ გურგენიძე ახალ ფინანასურ კომისიას უხელმძღვანელებს.
No comments:
Post a Comment