ენდრიუ ჯექი
30 სექტემებრი 2008
საქართველოს პრეზიდენტი ოქტომბერში ევროკავშირის კონფერენციას არ დაესწრება, სადაც მისი ქვეყნის და რუსეთის კონფლიქტის განხილვა იწყება. ადრე მან უკვე განაცხადა, რომ რუსეთი ამ თემაზე მოლაპარაკებებისთვის კიდევ რამდენიმე თვე მზად არ იქნება.
FT-სთან იმნტერვიუში სააკაშვილმა თქვა, რომ ჟენევის კონფერენციაზე, რომელიც 15 ოქტომბერსა არის დაგეგმილი, არა პოლიტიკოსები, არამედ ჩინოვნიკები იკრიბებიან. მან დასძინა, რომ მოცემულ მომენტში "დიპლომატების ყველანაირ მცდელობას მხოლოდ რუსეთის აგრესიის ზრდა მოსდევს".
"ჩვენ ევროპასთან ძალიან მჭიდროდ ვთანამშრომლობთ (...), მაგრამ ამ წუთისთვის სამშვიდობო კონფერენციისთვის მზაობის ხასიათზე არავინ არ არის – თქვა მან. – სამშვიდობო კონფერენციისთვის მზადებას რამდენიმე თვეში უნდა შევუდგეთ".
სააკაშვილი ამ შაბათ-კვირას აშშ-დან დაბრუნდა, სადაც იგი გაეროს გენერალურ ასამბლეაზე სიტყვით გამოვიდა და შეხვდა ადამინისტრაციის წარმომადგენლებს და პრეზიდენტობის კანდიდატებს. საქართველოს პრეზიდენტის თქმით, ორივე წამყვანი პარტიის წევრებმა აქტიური მხარდაჭერა გამოხატეს მისი მოწოდებების მიმართ - აღმოუჩინონ საქართველოს საერთაშორისო ეკონომიკური დახმარება და ევროკავშირთან და აშშ-სთან ვაჭრობის პირობების ლიბერალიზაცია მოხდეს.
სააკაშვილი ამბობს, რომ ამჟამად საქართველო მოწოდებულია დააჩქაროს სამხრეთ ოსეთსა და აფხაზეთში რუსეთის შეჭრის "საერთაშორისო არ აღიარების" პროცესი, ასევე ცდილობს ამ საკითხზე გამოტანილ იქნას იურიდიული გადაწყვეტილებები საერთაშორისო სასამართლოს და ადამიანის უფლებათა დაცვის სასამართლოების მხრიდან.
"მოკლევადიან პერპსექტივაში ჩვენ გვინდა იმის დემონსტრირება მოვახდინოთ, რომ საქართველო გადარჩა და შეუძლია მისი პოზიციების დიპლომატურ და იურიდიულ მხარდაჭერას მიაღწიოს".
სააკაშვილის თქმით, მას სურს, რომ საქართველო თავისუფალ ბაზარს და დემოკრატიას არა ნაციონალური ღირებულებების საფუძველზე აშენებდეს, და გადაიქცეს ადგილობრივ ჰონკონგად ან სინგაპურად. მან ასევე მოიყვანა დუბაის მაგალითი, რომელიც სწრაფად იზრდება, იმის მიუხედავად, რომ "სამყაროს არც თუ მშვიდ კუთხეში" მდებარეობს.
კითხვაზე, ხომ არ მოახდინა თავად მის ქვეყანაში რუსეთის შემოჭრის პროვოცირება აგვისტოში, როდესაც ცეცხლის შეწყვეტაზე განცხადების შემდეგ კვლავ გახსნა ცეცხლი, საქართველოს პრეზიდენტმა გააპროტესტა: "სხვაგვარად ჩვენ ტერიტორიას გასროლის გარეშე დავკარგავდით".
სააკაშვილმა უარყო, კონფლიქტის დროს, ერთი ქართველი ოფიცრის გამონათქვამი, თითქოს წინა დღით რუსი სამხედროების მოქმედების კვალი არ არსებობდა. მან თქვა, რომ ეს სიტყვები "ერთ პოლკოვნიკს ეკუთვნის, რომელმაც არც არაფერი იცოდა და თან აზრის გამოთქმის უფლებამოსილებაც არ გააჩნდა".
სააკაშვილი ამბობს, რომ იგი თავს იკავებს რუსული ჯარების გადაადგილებებზე დაუყოვნებელი განცხადებების გაკეთებისგან, რადგან "ჩვენ იმდენჯერ ვიყვირეთ: "მგელი!" (...) მე რომ მეთქვა, რომ ჩვენ ტერიტორიაზე ეს-ესაა შემოიჭრებოდნენ, ინვესტიციების ზრდა მომენტალურად შეწყდებოდა".
სააკაშვილის თქმით, კონფლიქტამდე რამდენიმე თვის განმავლობაში რუსული სამხედრო კონტიგენტის მოზღვავების ბევრი ნიშანი არსებობდა. იგი ამტკიცებს, რომ "ერთი დიდი ევროპული სახელმწიფოს" ლიდერმა შეატყობინა, რომ ჯერ კიდევ 2 აგვისტოს მოსალოდნელ რუსულ თავდასხმაზე მას უკვე გააჩნდა სადაზვერვო მონაცემები. სააკაშვილმა თქვა: "ჩვენ რომ არ გვემოქმედა, (რუსეთი) წმენდას ჩაატარებდა საქართველოს მთელ ტერიტორიაზე, და მერე იტყოდა, რომ ეს მას არ გაუკეთებია". სააკაშვილი ადრინდელ ინციდენტებს იხსენებს, როდესაც რუსული მხარე საბრძოლო მოქმედებებს ხელს უწყობდა, ხოლო შემდეგ აცხადებდა, რომ ამას ოსი სეპარატისტები აკეთებდნენ.
თუმცა სააკაშვილმა ასევე განაცხადა, მისი ეჭვის შესახებ, რომ "სამხრეთ ოსეთი – ყურადღების გადასატანი მანევრი" იყო, რუსული ინტერვენცია კი რეალურად აფხაზეთში განხორციელდებოდა. როდესაც რუსებმა შემოჭრა დაიწყეს, "ჩვენ სტრატეგიულ გადაწყვეტილებებს ვერ მივიღებდით; ეს მხოლოდ ტაქტიკური გადაწყვეტილებები იყო".
No comments:
Post a Comment