მარკ ჩემპიონი
16 ოქტომბერი 2008
სააკაშვილი დასავლეთს მოსკოვთან დაკავშირებით აფრთხილებს და დახმარებას სთხოვს.
ბრიუსელი – მაშინ როდესაც მსოფლიო ფინანსურმა კრიზისმა მოიცვა და ყველა სხვა პრობლემამ მეორე პლანზე გადაინაცვლა, საქართველო მისი პრობლემების მიმართ საერთაშორისო თანამეგობრობის ყურადღების მიპყრობას ხელახლა ცდილობს.
ევროკავშირის უმაღლესი დონის შეხვედრამდე, რომელიც ფინანსური კრიზისის პრობლემებს და საქართველოს საკითხს ეძღვნება, ბრიუსელში ვიზიტით მყოფმა მიხეილ სააკაშვილმა დასავლეთი გააფრთხილა, მოუწოდა მას მოსკოვთან დაკავშირებით ნაკლებად თვითდაჯერებული იყოს და მეტი სიფრთხილე გამოიჩინოს. მან განაცხადა, რომ ვიდრე ამერიკაში საპრეზიდენტო არჩევნებია, რუსეთი "ძალის ვაკუუმით" სარგებლობას შეეცდება, რათა რეგიონში ახალი თავგადასავლების პროვოცირება მოახდინოს.
მან ჟენევაში გუშინ დაწყებულ მოლაპარაკებებს, რუსეთის მხრიდან საქართველოს ტერიტორიის "ოკუპაციის" ლეგიტიმაციის მცდელობა უწოდა. მოლაპარაკებების ჩაშლა, შეხვედრაში სეპარატისტული რეგიონის წარმომადგენლების მონაწილეობის მცდელობას მოჰყვა. აფხაზეთის და სამხრეთ ოსეთის დამოუკიდებლობა მხოლოდ რუსეთმა და ნიკარაგუამ აღიარეს.
მანამდე კი სააკაშვილის ყურადღების ცენტრში მისი ქვეყნის მეურნეობის აღდგენაა. "მე მეშინია, რომ ასეთი რუსეთი სხვადასხვა ფორმით პრობლემების შექმნაზე წავა..., ისინი უფრო ფართო მასშტაბით იმოქმედებენ", თქვა მან. 7 აგვისტოს ათასობით რუსმა ჯარისკაცმა და ასობით ტანკმა საქართველოს საზღვარი გადმოლახა. მოსკოვი ამბობს, რომ ეს ოსი მოქალაქეების გენოციდის აღსაკვეთათ გააკეთა, როდესაც საქართველო სამხრეთ ოსეთის სეპარატისტულ რეგიონს თავს დაესხა. ბევრი სამხრეთ ოსეთელი კონფლიქტის დროს დაიღუპა. რუსული თავდასხმა მალე კონფლიქტის საზღვრებს გასცდა და ბევრი ქართველის სიცოცხლე შეიწირა, ქართულ ეკონომიკას კი მნიშვნელოვნი ეკონომიკური დარტყმა მიაყენა. ამას დასავლეთის ადეკვატური რეაქცია მოჰყვა.
სააკაშვილმა, აშშ-ი განსწავლულმა ადვოკატმა განაცხადა, რომ ის კმაყოფილია ევროპის რეაქციით რუსეთის ქმედებაზე, კერძოდ კი ევროკავშირი-რუსეთის პარტნიორობის ხელშეკრულებაზე მოლაპარაკებების გადადებით.
ევროკავშირმა ამ თემაზე მოლაპარაკებები კონფლიქტის შემდეგ შეაჩერა, რითაც პროტესტი გამოხატა რუსეთის მიერ სეპარატისტული რეგიონების საზღვრების გადმოლახვისა და საქართველოს ტერიტორიაზე ღრმად შეჭრის გამო. აქედან რუსეთმა თავისი ჯარები ფაქტობრივად გაიყვანა. მაგრამ სააკაშვილი ამბობს, რომ დასავლეთი რუსეთს მისი ჯარების გაყვანას 7 აგვისტომდე არსებულ პოზიციებზე სთხოვს, რაც თავის მხრივ რუსეთის მხრიდან სეპარატისტული რეგიონების აღიარების ფაქტს ეწინაღმდეგება. "თუკი თქვენ რუსეთის ქმედებას, როგორც შემდგარ ფაქტს ისე აღიარებთ, მაშინ ეს იქნება არა პრობლემის დასასრული, არამედ დასაწყისი", - განაცხადა საქართველოს ლიდერმა.
ამ საკითხში რეალურ წინსვლას, როგორც ჩანს იმ დრომდე ვერ მივაღწევთ, ვიდრე ვაშინგტონში ახალი ხელისუფლება ამერიკის ხელახალ გლობალურ ლიდერობას არ აღადგენს, თქვა მან. სააკაშვილი ამბობს, რომ საქართველოს მაგალითზე გამოჩნდა, რომ საფრანგეთის პრეზიდენტის, ნიკოლა სარკოზის ძალისხმევვის მიუხედავად, "ამ ეტაპზე მსოფლიოში ერთადერთ რეალურ ლიდერად გლობალური ძალის თვალსაზრისით - კვლავ ამერიკის შეერთებული შტატები რჩება".
ამასობაში კი რუსეთი თავის ტრაციდიულ ევროპელ მეგობრებს მიმართავდა, როგორებიც არიან საფრანგეთი, გერმანია და იტალია და ბოლო დროს გარკვეულ წარმატებასაც მიაღწია. "ვგრძნობ, რომ რუსეთი - ევროპული ერია. ჩემი პროექტი იმაში მდგომარეობს, რომ უახლოეს მომავალში რუსეთის ფედერაცია ევროკავშირის წევრი გახდეს", განაცხადა გუშინ იტალიის პრემიერ-მინისტრმა სილვიო ბერლუსკონიმ. თავად რუსეთს კი ევროკავშირთან მიერთების ინტერესი არ გამოუხატავს.
"დამოკიდებულებები იცვლება”, თქვა კონსტანტინე კოსაჩოვმა, რუსეთის პარლამენტში საერთაშორისო ურთიერთოებების კომიტეტის თავმჯდომარემ. "ევროპა იწყებს იმის გაგებას, რომ მისი ბრმა რწმენა აშშ-ს მიმართ... გაუმართლებელია", განაცხადა მან ინტერვიუში. კოსაჩოვმა უარყო ის ფაქტი, თითქოს რუსეთი საკუთარი საზღვრების ირგვლივ გავლენის სფეროს ცივი ომის სტილში აფართოვებს.
სააკაშვილმა თქვა, რომ მისმა მთავარმა გზავნილმა ევროკავშირის მიმართ, უცხოელ ინვესტორებს უნდა გააგებინოს, რომ საქართველო ევროკავშირთან ინტეგრაციის პროცესშია და ეს ეხება ვაჭრობის და ვიზებთან დაკავშირებულ საკითხებს, ასევე ფინანსურ დახმარებას. ევროკავშირი ამ თვეში კონფერენციას გეგმავს, რომელიც სპეციალურად საქართველოს რეკონსტრუქციის და მისთვის დახმარების აღმოჩენის საკითხებს მიეძღვნება.
No comments:
Post a Comment