მანფრედ ქიურინგი
11 ოქტომბერი 2008
თვეების მანძილზე მიმდინარე დავის შემდეგ, რუსულმა არმიამ საბრძოლო მოქმედებების კავკასიური სცენა დატოვა. ახლა საქართველოში 350 ევროპელ დამკვირვებელს მასპინძლობენ. ქვეყნის პრეზიდენტმა მიხეილ სააკაშვილმა, გამარჯვება მაინც ვერ მოიპოვა. მან უნდა იბრძოლოს საკუთარი ძალაუფლების შენარჩუნებისთვის.
ერგნეთი - სამხრეთ ოსეთის ადმინისტრაციულ საზღვართან მდებარე ბოლო სოფელია. აქედან ცხინვალი ახლოს მდებარეობს - რეგიონის ადმინისტრაციული ცენტრი, რომელიც ფორმალურად საქართველოს შემადგენლობაშია. რეალურად, აჯანყებული მხარის ქვეყნის შემდაგენლობაში ძალით დაბრუნების მცდელობა ჩაიშალა. რუსულმა არიამ 4 კვირის მანძილზე საქართველოს ტერიტორიების სხვა ნაწილების ოკუპაციაც მოახდინა.
53 წლის ელგუჯა რამაზაშვილი ერგნეთის მცხოვრებია. მან სოფელი აგვისტოს დასაწყისში, ომის დაწყების დროს დატოვა და გორში გაიქცა. ახლა, როდესაც 10 ოქტომბრის შემდეგ რუსულმა ჯარმა ე.წ. ბუფერული ზონები დატოვა და ქართულმა პოლიციამ მუშაობა დაიწყო, მან დაბრუნება გადაწყვიტა. რამაზაშვილმა თავისი სახლი, რომელსაც მისი ოჯახი მთელი ცხოვრების მანძილზე აშენებდა, დამწვარი და გაძარცვული იპოვა.
საშიში მეზობლები
ერგნეთის გზაზე ქართული პოლიცია დგას. ისინი ჩრდილოეთის მიმართულებით იხედებიან და ერთ-ერთ შენობაზე მიუთითებენ, სადაც მათი თქმით "ოსები" აფარებენ თავს.
ამიერიდან ამ ტიპის პრობლემებზე ევროკავშირის 350 დამკვირვებელი იმუშავებს, რომლებიც გერმანელი ელჩის ჰანსიორგ ჰაბერის ხელმძღვანელობით საკუთარი მისიის განხორციელებას საქართველოში 1 ოქტომბრიდან შეუდგა. არ არსებობს ზუსტი რუქა, რომლის მიხედვითაც შესაძლებელი გახდებოდა იმის თქმა, თუ რომელი რაიონი რომელ მხარეს ეკუთვნის.
ფრედერიკ ნილენი აღმოსავლეთით ჩვენ წინ გადაშლილი ხეობისკენ იხედება. შვედი - ამ დღეს ევროკავშირის მისიის შვედი და ბრიტანლი დამკვირვებლების პატრულს ხელმძღვანელობს. მათი ფუქნციაა, როგორც ჰაბერმა განაცხადა, "ქართული პოლიციის მოქმედებებზე, ასევე შესაძლო ინციდენტებზე დაკვირვება და ამ ინფორმაციის მისთვის მიწოდება".
ნილენს ქართველები უხსნიან, რომ ტერიტორიის მეორე მხარეს რუსები კვლავ რჩებიან. ცოტა მოშორებით ახალგორის გზისკენ შვედი რუსებთან დალაპარაკებას ცდილობს. ამ დღეს მათი აქედან გასვლის არანაირი კვალი არ ჩანს.
ცეცხლის შეწყვეტის შესახებ შეთანხმების თანახმად, რუსებმა ახალგორიც უნდა დატოვონ და დაუბრუნდენ ომის დაწყებამდე არსებულ პოზიციებს. ისინი ომამდე არც ახალგორში, არც ფერევში და არც კოდორის ხეობის ზედა ნაწილში არ მდგარან. ეს სამშვიდობო შეთანხმების დარღვევაა.
ამ დამატებითი რაიონების დაკარგვაში, თბილისში ოპნონენტები პრეზიდენტს ადანაშაულებენ. ნაირა გელაშვილი, კულტურული ცენტრის "კავკასიის სახლის" დირექტორი, სააკაშვილს და მის გარემოცვას აკრიტიკებს, რომ ამ ომის შემდეგ, რომელიც საქართველოსთვის კატასტროფული შედეგებით დასრულდა, ისინი საკუთარი ხელისუფლების შენარჩუნების გარდა, არაფერზე არ ფიქრობდნენ "ახლა სხედან იქ როგორც ბოროტი სულები და იმას ფიქრობენ, ეს როგორ განახორციელონ".
საქართველოს პრეზიდენტმა კი სასწრაფოდ 2003 წლის ე.წ. "ვარდების რევოლუციის", "დემოკრატიზაციის ახალი ტალღის" დაწყების შესახებ გამოაცხადა. მისი ავტორიტარული მმართველობის გათვალისწინებით, ბევრი ქართველი დღეს კითხულობს, ნეტა პირველმა ტალღამ როდის ჩაიარა? ზაზა შათირიშვილმა, ფილოსოფოსმა, რომელიც იმავდროულად ამერიკაში ცხოვრობს, სააკაშვილსა და პუტინს შორის ბევრი მსაგვსება აღმოაჩინა, იმ სხვაობით, რომ "სააკაშვილი წარუმატებელი პუტინია, და პუტინი წარმატებული სააკაშვილი".
ბუნებრივია, რუსეთთან ხანმოკლე ომში დამარცხების შემდეგ, სააკაშვილის პოზიცია ქვეყნის შიგნით შესუსტებულია, ფიქრობს მამუკა არეშიძე, სტრატეგიული კვლევების კავკასიური ცენტრის დირექტორი, მაგრამ "სააკაშვილს ქარიზმა აქვს". ასევე მან განაცხადა, რომ მოსახლეობის მნიშვნელოვანი ნაწილი ფიქრობს, რომ ის სიტუაციის დარეგულირებას შეძლებს.
კრიზისში იგი ოპოზიციის მშვიდად მართვასაც შეძლებდა, არგუმენტით: ის ვინც ასეთ სიტუაციაში პრეზიდენტის წინააღმდეგია, პრორუსია. "მაგრამ ეს დიდხანს ვერ გაგრძელდება", ფიქრობს არეშიძე. ოპოზიციური პარტიები მასობრივ მიტინგს გეგმავენენ 7 ნოემბერს, ზუსტად ერთი წლის თავზე მას შემდეგ რაც სააკაშვილმა მისი ხელისუფლების წინააღმდეგ მიმართული მასობრივი დემონტრაცია სასტიკად ჩაახშო. იქ შესაძლოა საქმე დაპირისპირებამდეც მივიდეს.
"გარდა ამისა, არსებობს ხმები, რომ დასავლეთი გათვლას სხვა ადამიანებზე აკეთებს". დასავლეთი საქართველოში არსატაბილური ვითარებით შეშფოთებულია. ალტერნატიულ კანდიდატებად ითვლებიან, პარლამენტის ყოფილი თავმჯდომარე ნინო ბურჯანაძე, საქართველოს ელჩი გაეროში ირაკლი ალასანია, და ქვეყნის სახალხო დამცველი სოზარ სუბარი. "მოკლედ – ტახტი ირყევა", ამბობს არეშიძე.
No comments:
Post a Comment