13 ოქტომბერი 2008
ევროკავშირის საგარეო საქმეთა მინისტრები რუსეთთან პარტნიორული მოლაპარაკებებზე მსჯელობას სერიოზული უთანხმოების ფონზე განაახლებენ - არსებობს განსხვავებული მოსაზრებები იმის თაობაზე, შესარულა თუ არა მოსკოვმა სრულად სამშვიდობო შეთანხმების პირობები.
მინისტრები ლუქსემბურგში 13 ოქტომბერს ჩავიდნენ. ყველაფერი იმაზე მიუთითებს, რომ რუსეთთან სტრატეგიული პარტნიორული ხელშეკრულების დადებასთან დაკავშირებით კონსენსუსის მიღწევა გაძნელდება.
”საკითხი ობიექტურად და დეტალურად უნდა განვიხილოთ” - ამბობს საგარეო საქმეთა მინისტრი ალექსანდერ სტუბი - ”არა მგონია, რომ გადაწყვეტილების მიღება დღეს მოხერხდეს”.
სტუბი წარმოადგენს ეუთოს, რომელიც საქართველოში მიმდინარე ოპერაციის მონიტორინგს ახორციელებს.
გასულ ხუთშაბათს, ევროკავშირის შუამავლობით დადებულ შეთანხმებაში დათქმულ ვადამდე ერთი დღით ადრე, ეუთოს სადამკვირვებლო მისიამ განაცხადა, რომ მოსკოვმა სეპრატისტული ანკლავების, სამხრეთ ოსეთისა და აფხაზეთის მიმდებარე ტერიტორიებიდან, ე.წ. ”ბუფერული ზონებიდან” ჯარები გაიყვანა.
მაგრამ ეუთოს წარმომადგენლები ამბობენ, რომ რუსული შეიარაღებული ძალები ჯერ კიდევ რჩებიან ახალგორში, რამაც საფრანგეთის საგარეო საქმეთა მინისტრს, ბერნარ კუშნერს ათქმევინა, რომ ”საბოლოო შედეგი ჯერ მიღწეული არ არის”.
რუსეთისა და ევროკავშირის სამიტი მომავალ თვესაა დანიშნული
იმ დროს, როდესაც ფინეთსა და სხვა ქვეყნებს რუსეთთან მოლაპარაკებების განახლება ”რაც შეიძლება სწრაფად” სურთ , სტაბმა განაცხადა, რომ რეალისტური მიდგომის გათვალისწინებით არ ღირს გადაწყვეტილებათა მიღება 10 ნოემბრამდე, ანუ იმ დრომდე, როდესაც რუსეთ-ევროკავშირის სამიტია დაგეგმილი.
ევროკავშირის ლიდერები 1 სექტემბერს შეთანხმდნენ, რომ საქართველოში ”რუსეთის მიერ ძალის არაპროპორციული გამოყენების გამო” პარტნიორულ ურთიერთობებზე მოლაპარაკებები უნდა შეჩერდეს. ეს ვითარება უნდა გაგრძელებულიყო მანამდე, სანამ ”ჯარები არ დაუბრუნდებიან 7 აგვისტომდე არსებულ მდგომარეობას”. სწორედ მაშინ დაიწყო რუსეთისა და საქართველოს ომი.
ევროკავშირის სადამკვირვებლო მისია უკვე პატრულირებს ბუფერულ ზონებში.
ევროკავშირის წევრთა ნაწილს მიაჩნია, რომ რუსეთმა წარმატებით შეასრულა ევროკავშირის მიერ წამოყენებული მოთხოვნები, ნაწილი კი თვლის, რომ მოლაპარაკებები ვერ განახლდება მანამადე, სანამ რუსეთის ჯარები ორ სეპარატისტულ რეგიონში რჩებიან.
უთანხმოება ბლოკის 27 ქვეყანას შორის მაშინ წარმოიქმნა, როდესაც ფრანგულმა მხარემ, რომელიც ევროკავშირს მოცემულ მომენტში ხელმძღვანელობს, ორშაბათის შეხვედრის მოსამზადებელ დოკუმენტში ნოემბრის სამიტზე მოლაპარაკებების განახლების მოხსენიება მოინდომა.
მინისტრებმა შესაძლოა ბელორუსიას ვიზებთან დაკავშირებული
სანქციები შეუმსუბუქონ
ლუქსემბურგში საგარეო საქმეტა მინისტრები ბელურუსიის სანქციებთან დაკავშირებითაც იმსჯელებენ - გააუქმონ, თუ შეარბილონ ბელორუსი ჩინოვნიკებისთვის დაწესებული აკრძალვა ვიზების გაცემაზე მას შემდეგ, რაც გასულ ზაფხულს ბელორუსიამ თავისი პოლიტმატიმრების გათავისუფლებაზე თანხმობა განაცხადა.
ევროკავშირის წარმომადგენლები აცხადებენ, რომ ბლოკის ზოგიერთ წევრს საქართველოს კონფლიქტის ფონზე ბელურუსიაში პროდასავლური განწყობების სტიმულირება უნდა, მიუხედავად იმისა, რომ 28 სექტემბრის საპარლამენტო არჩევნები აქ უკიდურესად ცუდად ჩატარდა.
ალექსანდრე ლუკაშენკოს არც ერთი ოპონენტი პარლამენტში წარმოდგენილი არ არის.
ორიგინალი
No comments:
Post a Comment