2 ოქტომბერი 2008
გერმანიის კანცლერი ანგელა მერკელი და რუსეთის პრეზიდენტი დიმიტრი მედვედევი, სამშაბათს, პეტერბურგში რუსულ-გერმანულ ფორუმზე ერთმანეთს ხვდებიან. მაგრამ არის თუ არა პარტნიორების ურთიერთობა ძველებურად პოზიტიური?
სანკტ-პეტერბურგის დიალოგები გერმანული და რუსული ბიზნესის ლიდერთა შორის ყოველწლიურად იმართება. ფორუმზე, როგორც წესი, განიხილება პარტნიორული პროგრამები და სავაჭრო ურთიერთობები. წელს ყველას ყურადღება ორი ქვეყნის ლიდერზეა მიმართული-როგორ წარიმართება ურთიერთობა მათ შორის ბოლო დროს განვითარებული მოვლენების ფონზე?
მერკელი იმ დასავლელ კრიტიკოსთა შორის იყო, რომლებიც აცხადებდენენ, რომ ომის შემდეგ რუსეთთან ჩვეული ურთიერთობა შეუძლებელი გახდა და რომ დამოკიდებულება რუსეთისადმი უნდა გადაიხედოს.
მერკელი მხარს უჭერს საფრანგეთის პრეზიდენტის, ნიკოლა სარკოზის შუამავლობით დადებულ შეთანხმებას, რომლის თანახმადაც რუსეთმა 10 ოქტომბრისთვის არასადავო ტერიტორიებიდან ჯარი უნდა გაიყვანოს და ადგილი ევროკავშირის მეთვალყურეებს დაუთმოს. მაგრამ, მიუხედავად იმისა, რომ მერკელმა დაგმო რუსეთის ქმედებები საქართველოში, ის ევროპის იმ ლიდერთა რიცხვს განეკუთვნება, ვისაც მიაჩნია, რომ კავშირები რუსეთთან მაინც უნდა შენარჩუნდეს.
მოსალოდნელია, რომ სამშაბათის მოლაპარაკებებზე საუბარი წავა ევროკავშირის სამეთვალყურეო მისიაზე ”ბუფერულ ზონებში” სამხრეთ ოსეთისა და მეორე სეპარატისტული რეგიონის, აფხაზეთის მიდამოებში.
მაგრამ წყარო კრემლიდან იტყობინება, რომ მედვედევი ამ შეხვედრიდან კიდევ ერთ რამეს მოელის - მსოფლიომ უნდა დაინახოს, რომ მისი ქვეყანა არ არის იზოლირებული და განაგრძობს ეკონომიკური და პოლიტიკური კონტაქტების შემდგომ განვითარებას. განსაკუთრებით მნიშვნელოვანია ამ მხრივ რუსეთისთვის პროექტი, რომელიც სერბეთიდან მილსადენით ბალტიის ზღვის ფსკერზე გავლით ევროპას გაზს მიაწოდებს .
გერმანია რუსეთის უდიდესი სავაჭრო პარტნიორია, საქონელბრუნვამ წელს 43 მილიარდ ევროს მიაღწია. 4600 გერმანულ ფირმას აქ შვილობილი ორგანიზაციები აქვს გახსნილი და რუსების მიერ იმპორტირებული ყოველი მეოთხე მანქანა გერმანიაშია დამზადებული.
”შეხვედრამ უნდა დაადასტუროს, რომ რუსულ-გერმანული ურთიერთობები სტაბილურია, ორმხრივ ინტერესებს ეფუძნება და თავისუფალია პოლიტიკური ფლუქტუაციებისგან”-განაცხადა წყარომ კრემლიდან ფორუმის დაწყების წინ.
ევროპის საბჭო დიალოგზე უარს არ ამბობს
რუსეთი საქართველოში მისი ქმედებების გამო შესაძლოა მაინც აღმოჩნდეს არასასიამოვნო შედეგების პირისპირ . ოთხბათს, თქვა ტერი დევისმა, ევროპის საბჭოს გენერალურმა მდივანმა, ორგანიზაცია ომის მსვლელობისას ადამიანის უფლებათა შელახვის ფაქტებს განიხილავს.
ადამიანის უფლებათა ევროპულ სასამართლოში რეგიონიდან 1700-ზე მეტი საჩივარია შესული-დაამატა მან.
სასამართლოს წარმომადგენლებმა საინფორმაციო სააგენტო AFP-ს განუცხადეს, რომ საჩივართა უმეტესობა სამხრეთ ოსეთის მოქალაქეებმა საქართველოს წინააღმდეგ შემოიტანეს. დიპლომატები სტრასბურგში ვარაუდობენ, რომ საჩივართა ეს რაოდენობა თბილისის წინააღმდეგ გამართული კამპანიის ნაწილია.
მიუხედავად ამისა, ევროპის საბჭომ, რომელიც არ არის დაკავშირებული ევროპის კავშირთან, მხარი არ დაუჭირა რუსული დელეგაციისათვის ხმის შეჩერებას. საკითხი დღის წესრიგში ორმა ათეულმა წევრმა დააყენა. ანდრეას ქროსმა, შვეიცარიიდან განაცხადა, რომ კენჭის ყრის შედეგმა ერთი რამ ცხდაყო, ორივე ქვეყანასთან დიალოგი უნდა გაგრძელდეს.
ევროპის საბჭოს ორშაბათის ანგარიშში ნათქვამია, რომ კონფლიქტის ესკალაციასა და ომის გაჩაღებაში პასუხისმგებლობა მოსკოვსაც და თბილისსაც ეკისრება.
No comments:
Post a Comment