პიერ ავრილი
15 ოქტომბერი 2008
საქართველოს პრეზიდენტმა მიხეილ სააკაშვილმა ჩვენს კითხვებს უპასუხა. ის გმობს რუსეთის მიერ აფხაზეთისა და სამხრეთ ოსეთის ოკუპაციას.
ჟენევაში თქენი და რუსეთის წარმომადგენელთა პირისპირ შეხვედრა არ შედგა. მოლაპარაკებების პროცესს საფრთხე ხომ არ დაემუქრება?
ჩვენ მზად ვართ რუსებთან სალაპარაკოდ, მაგრამ მათ არ აქვთ მოლაპარაკებების წარმოების უნარი. ჩვენ ვერ შევეგუებით ვერც ოკუპაციას და ვერც ეთნიკურ წმენდას, რასაც ადგილი ჰქონდა სამხრეთ ოსეთში. ჩვენთვის ასევე მიუღებელია მათი წარმომადგენლების (მოსკოვის მიერ მხარდაჭერილი აფხაზები და ოსები - რედ) მოლაპარაკებებში მონაწილეობა. ეს იგივეა, როდესაც გერმანია ყველას ვიშის რეჟიმთან მოლაპარაკებას აიძულებდა. რუსეთის მხრიდან სამხრეთ ოსეთის და აფხაზეთის ოკუპაციისა და მათი დამოუკიდებლობის აღიარების საკითხზე ჩვენი მხრიდან კომპრომისი გამორიცხულია. მოცემულ მომენტში ისინი იქ სამხედრო ბაზებს აშენებენ, რაც კატასტროფაა. ეს მთელი ევროპის უსაფრთხოებას ემუქრება.
თუმცა მინისტრმა ბერნარ კუშნერმა აღნიშნა, რომ სამხრეთ ოსეთის და აფხაზეთის მიღმა რუსეთის ჯარები გავიდნენ.
მაგრამ მათი გასვლის პროცესი ჯერ არ დასრულებულა. ისინი რამდენიმე სოფლიდან და ფოთის პორტიდან გავიდნენ, მაგრამ სხვა ადგილებიც უნდა დატოვონ, მაგალითად ახალგორის რაიონი (რომელსაც აგვისტომდე ქართული მხარე აკონტროლებდა – რედ.)
ჟენევაში მოლაპარაკებების გაგრძელებას აპირებთ?
ეს პროცესი ძალიან მნიშვნელოვანია. მოლაპარკების სტრუქტურის შენარჩუნება მომავალში კონკრეტულ შედეგებს მოგვცემს. არასასურველი საერთაშორისო კონტექსტის გათვალისწინებით, ჩვენ განსაკუთრებულ სასწაულს არ ველით. ამერიკის ახალი ადმინისტრაცია ჯერ არ აურჩევიათ, მსოფლიოში - ფინანსური კრიზისია. და მართალია, დღეს სურვილი არ არსებობს, მაგრამ ის გაჩნდება უახლოესი ორი წლის მანძილზე. დღეს რუსები ეწინააღმდგეებიან მათი ჯარების ევროპის შეიარაღებული ძალებით ჩანაცვლებას. მაგრამ დროთა განმავლობაში რუსეთი შეიძლება უფრო ცივილიზებულად მოიქცეს. მოთმინებაა საჭირო.
ამ კრიზისის დარეგულირების საქმეში ლიდერის ფუნქცია საკუთარ თავზე ვეროკავშირმა აიღო, რამაც თქვენი ამერიკელი მოკავშირეების როლი დააკნინა. იმავდროულად ევროკავშირი რუსეთთან პარტნიორული ურთიერთობების განახლებას აპირებს. ხომ არ თვლით, რომ თქვენი ინტერესები დაზარალდა?
არანაირად. ევროკავშირმა და განსაკუთრებით საფრანგეთმა სიმტკიცე გამოამჟღავნა. პარიზის ჩარევის წყალობით პუტინმა თბილისზე შეტევა გადაიფიქრა. აგვისტოში რუსეთის პრემიერ-მინისტრი დარწმუნებული იყო, რომ ამერიკა რეაგირებას ვერ შეძლებდა, ევროპა კი არაფერს გააკეთებდა. პირველ შემთხვევაში ის მართალი აღმოჩნდა, მეორეში – შეცდა. გარდა ამისა, ამერიკა გრძელვადიან პერპექტივაში ჩვენ მნიშვნელოვან მოკავშირედ რჩება, მაგრამ ჩვენ პირველ რიგში ევროპული ქვეყანა ვართ და არა რაღაც ამერიკული სატელიტი.
თქვენ ამტკიცებთ, რომ ევროპის მხარდაჭერით სარგებლობთ, მაშინ როდესაც აპრილში საფრანგეთმა და გერმანიამ თქვენი ქვეყნის ნატოში გაწევრიანების პირველი ეტაპი დაბლოკეს
ამ საკითხზე გერმანიის წინააღმდეგობამ კარგი შედეგები ვერ გამოიღო, რუსეთმა ეს მისთვის სახიფათო სიგნალად აღიქვა. მაგრამ საქართველოს ნატოში გაწევრიანება – დროის საკითხია. ნატოში გაწევრიანებით ჩვენ არამხოლოდ სამხედრო მიზნების მიღწევას ვცდილობთ, არამედ ევროპასთან დაახლოება გვსურს. ინტეგრაციის პროცესი უფრო მეტ დროს წიღებს, ვიდრე ვვარაუდობდით, მაგრამ მე მაინც ოპტიმისტურად ვარ განწყობილი.
ორიგინალი
No comments:
Post a Comment