ფილიპ რიკარდი
27 იანვარი 2009
ბრიუსელი - ევროპელებმა იციან, რომ ბარაკ ობამა ამით კეთილ ნებას გამოხატავს, მაგრამ მათ გუანტანამოს (კუბა) პატიმრების მიღებასთან დაკავშირებით განსხვავებული სურვილები აქვთ. ბაზის დახურვა ერთი წლის შემდეგ იგემება.
ორშაბათს 26 იანვარს, ბარაკ ოაბამას მიერ მუშაობის დაწყების მეორე დღეს, ოცდაშვიდივე ქვეყანა ამერიკის პრეზიდენტის გადაწყვეტილებას ერთხმად მიესალმა. თუმცა, მისი ამ ინიციატივის მხარდაჭერას არ ჩქარობენ. ”თბილად განწყობილი არავინაა” - აღიარა ევროკავშირის თავმჯდომარე ქვეყნის, ჩეხეთის საგარეო საქმეთა მინისტრმა კარელ შვარცენბერგმა. ”თითოეულ ქვეყანას ამ პრობლემის გადაწყვეტა ინდივიდუალურად მოუწევს” - დააზუსტა მან თავის კოლეგებთან ერთ-ერთი შეხვედრის შემდეგ.
ამ ეტაპზე ვაშინგტონთან თანამშრომლობისთვის, ანუ ამერიკის ხელისუფლების მიერ უდანაშაულოდ განხილული სამოცამდე ჩინელის, ლიბიელის, უზბეკი ან ალჟირელი პატიმრების მისაღებად, მზად მხოლოდ ქვეყნების ნაწილია - საფრანგეთი, ესპანეთი, პორტუგალია, დიდი ბრიტანეთი, და ფინეთი. პატიმრები საკუთარ ქვეყნებში დაბრუნების შემთხვევაში, შეიძლება საფრთხის ქვეშ აღმოჩდნენ. ”ადამიანებზე, რომლებსაც არ შეუძლიათ სამშობლოში დაბრუნება, პასუხისმგებლობა ევროპამ უნდა აიღოს” - იმედი გამოთქვა ფინეთის საგარეო საქმეთა მინისტრმა ალექსანდრე სტუბმა.
გერმანიის მაგალითის გათვალისწინებით, ევროკავშირის სხვა წევრი ქვეყნები ამ გზით სიარულს არ ჩქარობენ. ისინი ამერიკის შეერთებულ შტატებს საკუთარი განზრახვის დაზუსტებას სთხოვენ. ავსტრიამ და პოლონეთმა უკვე ღიად განაცხადეს, რომ ამიერიდან ნებისმიერი პატიმრის მიღებაზე უარს ამბობენ. ”ეს ჩვენი სამართლებრივი სისტემის საწინააღდეგო ქმედება იქნება” - განმარტა ავსტრიის მინისტრმა მიშელ სპინდელეგერმა. საფრანგეთი თავის მხრივ, საეჭვოდ მიჩნეული და ევროპაში ”გასაგზავნად” ”გამზადებული” პატიმრების იერ-სახის გამოსაცდელად, ამერიკელებს ადგილზე ”ერთი უნიკალური საკნის” დატოვებას ურჩევს.
”ქოლგა”
რამდენიმე დედაქალაქმა წინადადებას მხარი დაუჭირა. ”ჩვენ ქოლგა გვჭირდება, რომ სხვა წევრმა ქვეყნებმა ამ ადამიანთა მიღების პირობებეზე, ამერიკის შეერთებულ შტატებთან შთანხმებას მიაღწიონ,” თქვა ორშაბათს ლუის ამადომ, პორტუგალიის საგარეო საქმეთა მინისტრმა. საფრანგეთის დიპლომატიის ხელმძღვანელის ბერნარ კუშნერის განცხადებით, ამ ადმიანების მონაცემები ”შემთხვევიდან შემთხვევამდე” შესწავლილი იქნება. თხოვნები ”პირადი ნების საფუძველზე” უნდა შემოვიდეს და ამერიკის ხელისუფლების მხრიდან მათზე თვალთვალი უნდა შეწყდეს.”
ვიდრე დიპლომატები იმ აზრისკენ იხრებიან, რომ ამერიკის ახალ ადმინისტრაციასთან ამ საკითხზე თანამშრომლობა საჭიროა, უსაფრთხოებაზე პასუხისმგებელი პირები და ჩინოვნიკები გერმანიასა და საფრანგეთში, ტერორიზმში ეჭვმიტანილი ყოფილი პატიმრების მიღებით, რომლებმაც შენგენის სივრცეში თავისუფლად უნდა იმოძრაონ, შეშფოთებულები არიან.
იურიდიულ და საგარეო საკითხებში ევროპის კომისარი ჟაკ ბარო, მომავალ კვირას ვაშინგტონში ჩასვლას და ობამას მათი გეგმების დაზუსტებას სთხოვს.
No comments:
Post a Comment