მეტ რობინსონი
24 იანვარი 2009
საქართველოს პრეზიდენტი,მიხეილ სააკაშვილი დაბრუნდა. კითხვა-პასუხის მარათონში,რომელიც პარასკევს საქართველოს ტელევიზიით გადაიცემოდა, მან განაცხადა, რომ მშვენიერ ფორმაშია, მაგრამ, რომ პარლამენტის თავმჯდომარეს ამას წინათ გული გაუჩერდა, რადგან მედიკამენტებზე ალერგიული რეაქცია მისცა.
”რეზულტატში გული გაუჩერდა და კოლაპსში ჩავარდა” - ამბობდა გარუჯული და დაწყნარებული სააკაშვილი ” - მაგრამ მერე მათ მოახერხეს მისი გადარჩენა” მან მობილური ტელეფონი ამოიღო ჯიბიდან და მისი სნეული კოლეგის მიერ გამოგზავნილი მესიჯები ხმამაღლა წაიკითხა.
რაც შეეხება პრემიერ-მინისტრს ის ზედმეტად ბევრს მუშაობს ”ვურეკავ ღამის სამ საათზე, სამსახურშია. მე სამსახურში დილით მოვდივარ 11-ზე, ხანდახან 11.15-ზე, ის კი იქ დილის 8 საათიდანაა, და მე ვუთხარი ასე აღარ უნდა გააგრძელოს”.
4 საათიანი შოუს მსვლელობისას მსუბუქი ხუმრობის ტონი დომინირებდა, რაც მქნიდა იმის შთაბეჭდილებას, რომ ეს ადამიანი, თუ თავისი აზრის მდინარებას არა, მთავრობას მაინც მტკიცედ აკონტროლებს.
ფორმატი ნაცნობი იყო. რუსეთის პრემიერ-მინისტრმა ვლადიმერ პუტინმა სატელევიზიო სატელეფონო შოუები რუსებთან ყოველწლიურ ტრადიციად აქცია, მაგრამ მათი სტილი ძალიან განსხვავდება ერთმანეთისგან. მე უფრო უფრო სწრაფად მოლაპარაკე ჰუგო ჩავესზე ვფიქრობ.
”მა არ ვაპირებ სიკვდილს ან გადადგომას” - განაცხადა 41 წლის სააკაშვილმა.
ერთ მომენტში, როდესაც გასულ აგვისტოს მეამბოხე სამხრეთ ოსეთს თავს დაესხა ისეთი შთაბეჭდილება გექმნებოდა, რომ სააკაშვილმა საკუთარი ხელით გაითხარა პოლიტიკური სამარე. მისი ოპონენტების და ზოგიერთი მისი მოკავშირის აზრით, მაშინ ეფექტურად შევიდა ომში მეზობელ რუსეთთან.
7 აგვისტოს მიღებულ თავის საბედიწერო გადაწყვეტილებას იცავდა, როდესაც, ”ვარდების რევოლუციის” მეშვეობით ხელისუფლებაში მისი მოსვლის შემდეგ, დემოკრატიისადმი და სიტყვის თავისუფლებისადმი თავისი დამოკიდებულების გამო განახლებული კრიტიკის პირისპირ აღმოჩნდა.
მისი გვიანი ღამის ბრიფინგები და ექსცენტრული ქცევა - მაგალითად ჰალსტუხის ღეჭვა სატელევიზიო კამერების წინ სატელევიზიო ინტერვიუს დაწყების წინ - ლეგენდად იქცა. მისი მადა და ენერგია საქვეყნოდაა ცნობილი.
მაგრამ ოპოზიცია გახლეჩილია. კვირას, 25 იანვარს დაგეგმილი მიტინგი გადაიდო, რადგან ლიდერები მიზნების გამო წაკინკლავდნენ. სააკაშვილმა გაიხუმრა კიდეც, რომ საქართველოს მთავრობას ასეთ დამანგრეველ პერიოდში ხუთ თვეში ჩამოაგდებდა, ოპოზიციაში რომ ყოფილიყო. ექსპერტები, ვინც მას აღარაფრად თვლიდნენ, კიდევ ერთხელ კარგად უნდა დაფიქრდნენ.
”ოდესმე შეიძლება (გრიგოლ) მგალობლიშვილი აღარ იყოს პრემიერ-მინისტრი და ოდესმე სააკაშვილი შეიძლება აღარ იყოს პრეზიდენტი, მაგრამ მე გეუბნებით, სანამ მე ასეთ კარგ ფორმაში ვარ, ჩვენს მთავრობას სერიოზული მარცხი არ ემუქრება” - განაცხადა მან პარასკევს.
ცოცხალი და ჩაწერილი კითხვების მიქსში სოციალური საკითხები დომინირება, ეკონომიკასთან დაკავშირებული შეშფოთება და იძულებით გადაადგილებულ მოსახლეობის მძიმე მდგომარეობა.
მაგრამ თითქმის არ მომხდარა სააკაშვილის სამხრეთ ოსეთზე თავდასხმის გადაწყვეტილების განხილვა. ბევრი ქართველი, როგორც ჩანს, სარწმუნოდ იღებს მის არგუმენტებს იმის თაობაზე, რომ ის იძულებული იყო ემოქმედა, რომ სეპარატისტებმა გააძლიერეს ქართული სოფლების დაბომბვა და რუსებმა მათ დასახმარებლად ტანკები გამოაგზავნეს.
კითხვა, უნდა დაედოს ბრალი თუ არა პრეზიდენტს, ქართველთა სახლებში იშვიათად ისმის. პარასკევს დებატებს სააკაშვილი მართავდა. რუსეთი კრიზისშია, ამბობდა ის ,”მისი ეკონომიკა მყიფეა” საქართველო კი, თავის მხრივ გლობალურ კრიზისს გადაურჩა.
ხანდახან თემას გადაუხვევდა. ”როგორ ფიქრობთ, ვინ არის ყველაზე პოპულარული პოპმომღერალი მსოფლიოში? ელტონ ჯონი, მადონა, მაიკლ ჯეკსონი? არაფერიც, ეს ქეთია მელუა”.
No comments:
Post a Comment