26 იანვარი 2009
რუსული მედიის ინფორმაციით, წელს რუსეთი საქართველოს პრო-რუსულ სეპარატისტულ რეგიონში, აფხაზეთში ახალი საზღვაო ბაზის აშენებას დაიწყებს.
Reuters.com-ი იტყობინება, რომ იტარ-ტასის საინფორმაციო სააგენტო, რუსეთის სამხედრო-საზღავაო ფლოტის ერთ-ერთი ჩინოვნიკის ციტირებას ახდენს, რომელიც აფხაზეთში შავი ზღვის ოჩამჩირის პორტში გემების განთავსების სურვილს გამოთქვამს.
”შავი ზღვის ფლოტის ფუნდამენტის ჩაყრის გადაწყვეტილება ოჩამჩირეში, მიღებულია,” განუცხადა იტარ-ტასს ჩინოვნიკმა. ”წელს ჩვენ პრაქტიკულ სამუშაოებს დავიწყებთ, აფხაზეთის სანაპიროს გასწვრივ გრუნტის სამუშაოების ჩათვლით.”
”ყველა სამუშაოს განხორციელებას წელიწადზე მეტი დრო დასჭირდება.” ჩინოვნიკმა დასძინა, რომ ეს ყველაფერი რეგიონს ქართველების თავდასხმისგან დაიცავს.
საქართველომ სამხრეთ ოსეთის, რუსეთის მხარდაჭერილი სეპარატისტული რეგიონის წინააღმდეგ კამპანია გასული წლის 7 აგვისტოს დაიწყო.მომდევნო დღეებში რუსული ტანკები, არმია და ჯავშანტექნიკა სამხრეთ ოსეთსა და აფხაზეთში შეიჭრა, და აჯანყებული რეგიონების საზღვრებს მიღმა არსებული ქართული ქალაქებიც დაიკავა.
კონფლიქტის დაწყებასა და ეთნიკურ წმენდაში მხარეები ერთმანეთს ადანაშაულებდნენ.
მას შემდეგ, მოსკოვმა აფხაზეთი და სამხრეთ ოსეთი დამოუკიდებელ რეგიონებად აღიარა - ნაბიჯი რამაც აღაშფოთა ბევრი დასავლური მთავრობა, რომლებსაც მიაჩნიათ, რომ რუსეთი თავისი ქმედებით საქართველოს ნატოში გაწევრიანებას ეწინააღმდეგება.
ბოლო დროს განვითარებული მოვლენები ეწინააღმდეგება აფხაზეთის ლიდერის მიერ შარშან გაკეთებულ განცხადებას, რომ მათ ტერიტორიაზე რუსეთის სამხედრო ბაზები არ განთავსდებოდა.
”არანაირი ახალი სამხედრო ბაზები არ იქნება,” განუცხადა სერგეი ბაღაფშმა რუსეთის ახალი ამბების სააგენტოს და დასძინა, რომ რესპუბლიკის ტერიტორიაზე არც რუსეთის შავი ზღვის ფლოტი არ განთავსდებოდა.
”აფხაზეთში მხოლოდ რუსეთის ქვეითი ჯარების ბაზები დარჩებიან, როგორც ეს აქამდეც იყო,” განაცხადა მან.
რუსეთის შავი ზღვის ფლოტის ბაზა დღეს სევასტოპოლშია, რომელიც უკრაინას, მეორე, ასევე ყოფილ საბჭოთა რესპუბლიკას ეკუთვნის, რომელიც საქართველოს მსგავსად ნატოს წევრობისკენ მიისწრაფვის.
ფლოტმა უკრაინის ტერიტორია 2017 წელს უნდა დატოვოს, ამ დროს ვადა გასდის 1997 წელს ხელმოწერილ 20 წლიან ხელშეკრულებას, თუმცა რუსეთის დიპლომატებმა და სამხედროებმა განაცხადეს, რომ ვადის ამოწურვის შემდეგ მათ თავიანთ ტრადიციულ ბაზაზე დარჩენა სურთ, იუწყება Reuters.com-ი.
ორიგინალი
No comments:
Post a Comment