დიმიტრი ავალიანი
26 იანვარი 2009
ოფისის დატოვებამდე, ამ თვის დასაწყისში ბუშის დამინისტრაციამ საგარეო ურთიერთობებში ერთ-ერთი უკანასკენელი ნაბიჯი გადადგა და საქართველოსთან პარტნიორობის ხელშეკრულება დადო. ეს შეთანხმება, მიუხედავად ევროპელების და რუსეთის წინააღმდეგობისა, შეერთებულ შტატებს იმაში ავალდებულებს, რომ ხელი შუწყოს ქვეყნის გაწევრიანებას ნატოში. შეთანხმებას ხელი ვაშინგტონში 9 იანვარს მოეწერა. ხელშეკრულებამ კიდევ უფრო განამტკიცა ამერიკის მხარდაჭერა საქართველოს ტერიტორიული მთლიანობისადმი. გარდა ამისა შეერთებული შტატები საქართველოს არმიის, რომელიც სამხრეთ ოსეთის სტატუსის გამო ზაფხულის ომის დროს რუსეთის შეიარაღებულ ძალებთან შეჯახებისას განადგურდა, აღმშენებლობაში დახმარებას დაპირდა.
”ეს დღე ჩემი ქვეყნისთვის ისტორიულია” - განაცხადა საქართველოს საგარეო საქმეთა მინისტრმა გრიგოლ ვაშაძემ - ”ქარტია... განამტკიცებს საქართველოსა და შეერთებული შტატების პარტნიორულ ურთიერთობებს და ხაზს უსვამს იმ ფაქტს, რომ ქვეყნები, რომლებიც ასეთ ოფიციალურ დოკუმენტს აწერენ ხელს, ძლიერი, წარმატებული, დამოუკიდებელი, სუვერენული და ტერიტორიულად მთლიანი საქართველოს არსებობით სასიცოცხლოდ არიან დაინტერესებულნი”.
ვაშინგტონის ევროპელი მოკავშირეები, ალბათ, ნაკლები ენთუზიაზმით მოეკიდებიან ამერიკის ვალდებულებებს საქართველოსადმი. რუსეთთან ზაფხულის ომის შემდეგ ბევრმა ევროპულმა დედაქალაქმა ღიად გამოხატა, რომ არ ემხრობა დამატებითი უსაფრთხოების გარანტიების მიცემას თბილისის რეჟიმისათვის.
საქართველოს პრეზიდენტი, თავის მხრივ, ბოლოდროინდელ დოკუმენტს აშშ-საქართველოს ურთიერთობებისთვის გარღვევად მიიჩნევს.
მანამდე ტერმინი ”სტრატეგიული პარტნიორი” (საქართველოსთან მიმართებაში)არასდროს გამოუყენებიათ. ამერიკა ასეთ სიტყვებს ძალიან იშვიათად წარმოთქვამს და ქვეყნების ძალიან შეზღუდულ რაოდენობასთან დაკავშირებით. მათთვის ტერმინებს ყოველთვის ძალიან კონკრეტული პოლიტიკური მნიშვნელობა ქვს” - განაცხადა სააკაშვილმა.
”მიუხედავად ამისა ეს რთული, წინააღმდეგობრივი პროცესია, ჩვენ ჯერ კიდევ გრძელი გზა გვაქვს გასავლელი, ეს გზა უეჭველად დაგვაახლოვებს ნატოსა და ევროატლანტიკურ სივრცესთან, ახალ, მნიშვნელოვან ეტაპთან” - განაცხადა მან.
სააკაშვილი დარწმუნებული ჩანდა იმაში, რომ ახალი ადმინისტრაცია ვაშინგტონში პატივისცემით მოეკიდება თავისი წინამორბედის დანაპირებს.
”მე ძალიან პოზიტიური საუბარი მქონდა (პრეზიდენტ) ობამასთან მისი არჩევის შემდგომ დღეებში და მადლობელი ვარ იმისთვის, რომ ის საქართველოს აქტიური მახრდამჭერია, რეგიონის პრობლემებს კარგად იცნობს და ყველა საკითხთან დაკავშირებით საკუთარი აზრი აქვს” - განაცხადა სააკაშვილმა.
მიუხედავად იმისა, რომ დოკუმენტი ძირითადად სამხედრო პრობლემებზე ფოკუსირდება ის ისეთ საკითხებსაც უმიზნებს, რომლებსაც ბევრი სააკაშვილის სულ უფრო მზარდ ავტორიტარულ მართვას უკავშირებს.
მაგალითად დოკუმენტი საქართველსოგან მოითხოვს ”დამოუკიდებელი მედიის, გამოხატვის თვისუფლების, ობიექტური ახალი ამბებისა და ინფორმაციის ხელმისაწვდომობის თამხარდაჭერას, მათ შორის... თანამშრომლობას ჟურნალისტებთან, საინფორმაციო სააგენტოებთან, ისევე როგორც ”კანონის უზენაესობისა და სასამართლოს თავისუფლების განმტკიცებას”. საქართველოს რეპუტაციამ ერთგვარი დარტყმა მიიღო, როდესაც ამ თვის დასაწყისში ვაშინგტონში მომქმედმა კვლევითმა ცენტრმა Freedom House-მა ის ელექტორალური დემოკრატიის ქვეყნების სიიდან ამოიღო.
მიუხედავად ამისა, ყოფილმა სახელმწიფო მდივანმა, კონდოლიზა რაისმა სააკშვილის მთავრობას მაღალი შეფასება მისცა.
”ჩვენი ურთიერთობები, რა თქმა უნდა, ეფუძნება დემოკრატიულ ღირებულებებს, უსაფრთხოებასა და ეკონომიკურ წარმატებას”. - განაცხადა მან ხელმოწერის ცერემონიაზე - ”ეს ქარტია ხაზს უსვამს პრინციპებსა და აყალიბებს გზას, რომელსაც ჩვენი ურთიერთობების გაუმჯობესებისკენ, თავდაცვის, ვაჭრობის, ენერგეტიკული უსაფრთხოების საკითხებში თნამშრომლობისკენ , დემოკრატიული ინსტიტუტების გაძლიერებისკენ, ადამიანური და კულტურული კონტაქტებისკენ მივყავართ”.
არჩილ გეგეშიძე, სტრატეგიული და საერთაშორისო კვლევების ფონდის ანალიტიკოსი ხელშეკრულებას საქართველოს დასავლეთთან ინტეგრაციისათვის ძალიან მნიშვნელოვან დოკუმეტად მიიჩნევს, მაგრამ აღნიშნავს, რომ ”ქარტიის კითხვისას ნამდვილად შეიძლება აღმოაჩინო საქართველოსთვის დათქმული პირობები”. ”შეთანხმება” პანაცეა არ არის და ნატოს წევრობისგან განსხვავებით უსაფრთხოების არავითარ გარანტიებს არ იძლევა” - ამბობს გეგეშიძე. თუმცა, როგორც ჩანს, ის ვაშინგტონის საქართველოსადმი სრულ მხარდაჭერას გამოხატავს.
No comments:
Post a Comment