ზოლტან სიმონი
26 იანვარი 2009
აზერბაიჯანი ნაბუკოს გაზსადენის მეშვეობით ევროპისთვის ბუნებრივი გაზის მიწოდების გადაწყვეტილებას ფასის საფუძველზე მიიღებს - განაცხადა დღეს პრეზიდენტმა ილჰამ ალიევმა.
აზერბაიჯანის მონაწილეობა პროექტში ჯერ გადაწყვეტილი არ არის და ქვეყანას სხვა არჩევანიც აქვს, მაგალითად მიყიდოს გაზი რუსულ ოაო გაზპრომს. საექსპორტო მარშრუტების დივერსიფიკაცია კონკურეტული გარემოს შექმნას შეუწყობს ხელს და რუსეთის, მსოფლიოს გაზის უდიდესი მწარმოებლის, გავლენის შესუსტების ხარჯზე, ცენტრალური აზიის ქვეყნების შემოსავალს გაზრდის.
”კონკურენციის პირობებში, რა თქმა უნდა, ფასები აიწევს” - განაცხადა ალიევმა ბუდაპეშტში მიცემულ ინტერვიუში - ”თუ არ არსებობს დივერსიფიკაცია, იმის გარანტიაც ვერ გექნება, რომ ყოველთვის მიიღებ საბაზრო ფასს”.
ენერგეტიკული კომპანიები და ნაბუკოს პროექტში მონაწილე მთავრობები პოტენციურ მიმწოდებლებს აზერბაიჯანს, ყაზახეთს, თურქმენეთს, ერაყსა და ეგვიპტეს სამიტზე ბუდაპეშტში ხვალ შეხვდებიან. ევროპის კავშირს თავისი ენერგეტიკული რესურსების დივერსიფიკაცია და რუსეთზე დამოკიდებულების შემცირება უნდა, განსაკუთრებით ამ თვის დასაწყისში უკრაინასა და რუსეთს შორის ფასების გარშემო ატეხილი დავის ფონზე, რომლის შედეგადაც ამ თვის დასაწყისში მას საწვავის მიწოდება შუწყდა.
გაზსადენი, რომლის ფასი 7.9 მილიარდ ევროს უტოლდება თურქეთ-საქართველოს საზღვრიდან ან ირანიდან ბულგარეთის, რუმინეთის გავლით, ავასტრიაში, ბაუმგარტენამდე მიდის. პროექტის ავტორები იმედოვნებენ, რომ პირველი ობიექტის მშენებლობა ამ წლის ბოლოს, ან 2010 წლის დასაწყისში დასრულედება, განაცხადა ნაბუკოს გაზსადენის ინტერნაციონალური GmbH კომპანიის მთავარმა აღმასრულებელმა ოფიცერმა რეინჰარდ მიტჩეკმა 23 იანვარს. აზერბაიჯანიდან გაზის მიწოდება 2013 წლიდან გახდება შესაძლებელი.
დადასტურებული რესურსები
აზერბაიჯანი გადაწყვეტს მიაწოდოს, თუ არა გაზის რესურსები ნაბუკოს მაშინ, როდესაც გაირკვევა დაფინანსების, სატრანზიტო გადასახადის და მილსადენის მშენებლობის განრიგთან დაკავშირებული საკითხები. კასპიის ზღავსთან განლაგებულ ქვეყანას 2 ტრილიონი კუბომეტრის რაოდენობის დადასტურებული გაზის რესურსები აქვს და წელს 27 მილიარდი კუბური მეტრის საწვავის წარმოებას გეგმავს, განაცხადა ალიევმა.
”დღეს, როდესაც ტრანზიტთან დაკავშირებული საკითხები ჯერ გადაწყვეტილი არ არის, როდესაც ნაბუკოსა და სხვა სატრანსპორტო მარშრუტების მშენებლობა არ არის დასრულებული და არ ვიცით, როდის მოხდება ეს, ან მოხდება თუ არა საერთოდ, აზერბაიჯანის ვალდებულებებზე ლაპარაკი ნაადარევია.
ნაბუკოს მფლობელები არიან: OMV AV ავსტრიის უდიდესი გაზისა და ნავთობის კომპანია, ბუდაპეშტში მოქმედი კომპანია Mol Nyrt-ი, გერმანული კომპანია RWE AG, ბუგარული ბულგარგაზ EAD, რუმინული ტრანსგაზ SA და კომპანია Botas-ი ანკარადან. ჯგუფი მილსადენის მომხმარებლებსა და მიმწოდებლებთან შეთანხმებას 2010 წლის ბოლოსთვის ვარაუდობს - განაცხადა მიტჩეკმა.
იმისთვის, რომ გაზის ბაზარზე დომინანატური პოზიცია შეინარჩუნოს, გაზპრომმა აზერბაიჯანს მისი გაზის შესყიდვა საბაზრო ფასებში შესთავაზა. ალიევის განცახდების თანახმად, სხვებთან ერთად ქვეყანა ამ წინადადებასაც განიხილავს.
”ფინანსური საკითხი, რა თქმა უნდა, ძალიან მნიშვნელოვანია” - ამბობს ალიევი.
No comments:
Post a Comment