ევროკავშირის ქართულ მისიასთან დაკავშირებით გადაწყვეტილების მიღების დრო ახლოვდება

2  მარტი 2009

ევროკავშირმა და გაერომ სეპარატისტული რეგიონების, აფხაზეთისა და სამხრეთ ოსეთის საზღვრებთან მოქმედი ევროკავშირისა და გაეროს სამეთვალყურეო მისიებთან დაკავშირებით გადაწყვეტილება უნდა მიიღონ, განაცხდა ევროპარლამენტის წევრმა.

პარასკევს (27 თებერვალს), საქართველოდან დაბრუნებულმა რიჩარდ ჰოუვიტმა, ევროპარლამენტის წევრმა, დიდი ბრიტანეთის ლეიბორისტული პარტიის სპიკერმა განაცხდა, რომ ევროკავშირის მისიისთვის მანდატის გაგრძელების ნებისმიერი გადაწყვეტილება გაეროსთან კოორდინირებას მოითხოვს.

ჰოუვიტი საქართველოში მას შემდეგ ჩავიდა, რაც ერთი კვირით ადრე ანალიტიკოსმა პაველ ფელგენგაუერმა ივარაუდა, რომ რუსეთი ”საქმეს ბოლომდე მიიყვანს” და მომავალ ზაფხულს საქართველოს წინააღმდეგ ახალ სამხედრო შეტევას განახორციელებს.

საქართველოს ხელისუფლების წარმომადგენლებთან შეხვედრის შემდეგ, ჰოუვიტმა განაცხადა, რომ თბილისი ევროკავშირს აფხაზეთსა და სამხრეთ ოსეთთან დაკავშირებით ”მეტის გაკეთებას” სთხოვს.

”ეჭვს გარეშეა, რომ მათ (ქართველებს) (ევროკავშირის) მანდატის გაგრძელება და გაფართოვება უნდათ. ზოგიერთმა ისიც მითხრა, რომ მათთვის იდეალური (სცენარი) იქნება, თუ შეიარაღებული ევროპელები მათ სამხრეთ ოსეთსა და აფხაზეთში ბრძოლით გაუკვალავენ გზას, მაგრამ ეს არასდროს მოხდება” - ამბობს ჰოუივიტი.

ევროპარლამენტის წევრმა განმარტა, რომ ევროკავშირის სამეთვალყურეო მისიის მანდატი სექტემბერში იწურება და დაამატა - პარლამენტის მისიის ერთ-ერთი მიზანი ისიც არის,  რომ დაადგინოს რეკომენდებულია, თუ არა მისიისთვის ვადის გაგრძელება.

არსებობს არგუმენტები, რომლებიც ევროკავშირის მისიისთვის ვადის გაგრძელების სასარგებლოდ მეტყველებს, რადგან მეთვალყურეები ჯერ კიდევ იტყობინებიან დარღვევების ფაქტებზე და მოქმედებენ იმისთვის, რომ შეაკავონ  კონფლიქტის განახლების ნებისმიერი მცდელობა. მაგრამ, ამავე დროს, აღნიშნა მან, შეუძლებელია, რომ ევროკავშირმა თავისი სამეთვალყურეო მისიები მსოფლიოს ყველა კონფლიქტურ წერტილში გააგზავნოს.

”ჩემი გზავნილი ქართველებისთვის ასეთი იქნებოდა - ნუ გადააქცევენ პოლიციურ მისიის შექმნას ევროკავშირთან ურთიერთობების ძირითად ელემენტად, რადგან მათ, უნებლიეთ რუსეთს შესაძლოა არასწორის სიგნალი გაუგზავნონ” - ამბობს ჰოუვიტი.

”საქართველომ უნდა გაითვალსწინოს ფინანსური დახმარებისთვის გამოყოფილი ის ხუთი მილიარდი დოლარი, რომლის ვალდებულებაც აიღო ევროპამ და საერთაშორისო საზოგადოებამ გასულ წელს, გარდა ამისა ”აღმოსავლეთის პარტნიორობა”, როგორც ევროკავშირთან ურთიერთობის ახალი ფორმა. სწორედ ეს მომენტები ქმნის მომავალი მშვიდობისა და სტაბილურობის პირობას და არა მხოლოდ ერთი რომელიმე განსაკუთრებული მისია” - ამტკიცებს ჰოუვიტი.

გაიხსენა რა, რომ გაეროს მისიას ააფხაზეთში რეგიონის შიგნით პატრულირების უპირატესობა აქვს, რასაც ევროკავშირის სამეთვალყურეო მისია ვერ აკეთებს, ევროპარლამენის წევრმა ყველას პარგამატული გადაწყვეტილების მიღებისკენ მოუწოდა.

”ალბათ, დიდი მნიშვნელობა არა აქვს იმას, თუ ვინ ჩაატარებს სამუშაოს, მით უფრო, თუ სამუშაო კეთდება. თუ გაეროს მისია ამას აკეთებს, მაშინ იქნებ საჭირო არც იყოს, რომ ეს ევროკავშირის მისიამაც აკეთოს” - მან მიანიშნა, რომ შესაძლოა ევროკავშირმა მისიას მანდატი აღარ გაუგრძელოს.

მაგრამ ჰოუვიტმა ისიც თქვა, რომ თუ მოსკოვი ვეტოს დაადებს გაეროს მისიის ვადის გაგრძელებას, მაშინ ევროკავშირმა უნდა შეინარჩუნოს თავისი გუნდი, მით უფრო, რომ კავშირმა გადაწყვეტილება გაეროს შემდეგ უნდა მიიღოს - გაერო საკითხზე ივნისში იმსჯელებს, ხოლო ევროკავშირი - სექტემბერში.

ორიგინალი